стјуард – Kurir.mk

ВИДЕО: Џејсон Момоа делеше вода како стјуард

Ивона Петрова — Fri, 05 Aug 2022 10:43:50 +0000

Познатиот американски глумец Џејсон Момоа ги забавуваше патниците на лет до Хаваи кога реши да ја преземе улогата на стјуард и на сите да им подели шише со вода. Екипажот на авионот му ја удоволил желбата, па му ја дале количката со водата, а актерот си стави цвет на уво и прошета пред изненадените патници. Потоа тој на Инстаграм објави и видео од сѐ тоа и стана интернет-хит. – Здраво, јас сум Џејсон Момоа, дали сакате изворска вода од алуминиумско шише за повеќекратна употреба?, прашува глумецот. Како што објасни тој, идејата била – туристите кои доаѓаат на Хаваи да се запознаат со островите како дом на бројни животински и растителни видови и внимателно да размислат дали таму треба да носат пластични шишиња за еднократна употреба.

Интер го освои Купот на Италија

Дарко Андоновски — Thu, 12 May 2022 08:23:26 +0000

Интер беше крунисан за шампион на Купот на Италија во 2022 година, откако во вчерашното финале го совлада Јувентус со 4-2. Николо Барела постигна ран гол за Интер пред Јувентус да поведе со 2-1 со головите на Алекс Сандро и Душан Влаховиќ. На 10 минути до крајот на натпреварот, Хакан Чалханоглу постигна гол од белата точка, испраќајќи ја играта во продолженија на стадионот „Олимпико“. За време на продолженијата, Иван Перишиќ погодувајќи двапати му донесе победа на својот тим од 4-2. Претходно, настапот во Лигата на шампионите Јувентус го заврши уште во осминафиналето, каде што доживеа елиминација од Виљареал, а во италијанскиот Суперкуп беше, исто така, поразен од Интер. За Јувентус ова ќе биде прва сезона без трофеј после 11 сезони.

ЖИВ ИЗГОРЕЛ: Храбриот стјуард се фрлил во огнот за да ја отвори вратата во запалениот руски авион (ФОТО+ВИДЕО)

Дарко Андоновски — Mon, 06 May 2019 18:16:26 +0000

Членот на екипажот во рускиот авион, Максим Моисеев, загинал во несреќата спасувајќи ги патниците. Авионот на компанијата „Aeroflot“ пред да се запали два пати се одбил од пистата обидувајќи се да слета. Авионот со 78 патници на летот SU1492 за Мураманск најпрво се кренал по двата силни удари во пистата, лебдел неколку метри над тлото, а потоа уште еднаш силно удрил со носот, а потоа и со опашката. Потоа за само секунда се запалиле моторите и задниот дел од авионот што предизвика голема трагедија. Пилотот на авионот преживеал, додека загинал еден од стјуардите. Загинатиот член на екипажот, Моисеев, ги спасувал патниците во евакуацијата која траела 55 секунди. Загинал обидувајќи се да ја отвори вратата на опашката од авионот, која била зафатена од оган. -Патниците се евакуирани со помош на излезот за итни случаи. Членот на екипажот Максим Моисеев седел со патниците кај опашката на авионот. Се обидувал да ја отвори најблиската врата и да ги спаси патниците од огнот кој се приближувал. Не успеал да им помогне на патниците да го напуштат авионот, пренесуваат руските медиуми.

Стјуард го соблече палтото- а тоа што следуваше потоа ќе ве остави во неверување (ВИДЕО)

Дарко Андоновски — Fri, 25 May 2018 17:57:13 +0000

Стјуардот Паоло , откако со колегите им подели освежување на патниците , на неколку минути пред слетувањето заигра на пената на Бритни Спирс ,,Toxic”. Настапот го почна со соблекување на палтото , а потоа продолжи да игра до крајот на песната. Патниците, пријатно изненадени, го снинмаа невообичаениот настап. -Забавата ни ја најавија преку микрофон . Не можев да поверувам . Тоа се моменти што не ги гледаш од прва рака , туку само на интернет. На сите им се допадна , на крајот сите аплаудиравме, изјави една од патничките.

Ужас на скопскиот аеродром- откако слетал авионот стјуард итно пренесен во Градска болница

Дарко Андоновски — Tue, 15 May 2018 12:31:37 +0000

Стјуард на авиокомпанија е повреден откако вчера авионот влегол во турбуленции пред да слета на скопскиот аеродром. Полицијата денеска соопшти дека 28-годишен стјуард В.К. од Скопје се здобил со тешки телесни повреди откако паднал на подот во авионот околу 18:05 часот. Повредениот е однесен во Градската општа болница „Св. Наум Охридски“. Се преземаат мерки за расчистување на случајот.