Стојан Ѓуроски – Kurir.mk

Ѓуроски: Ја повредив истата рака, очекувам да сум здрав по празниците

Бошко Тасиќ — Sun, 04 Dec 2022 07:19:23 +0000

Македонскиот кошаркарски репрезентативец Стојан Ѓуроски доживеа уште една повреда во оваа календарска 2022 година и го чека пауза.На еден од последните тренинзи на својот клуб Оуренсе, искусното крило на нашиот национален тим се здоби со скршница на коска на дланката на десната рака. Ѓуроски замина на итна операција и го чека пауза. „Поради тоа мораше итно да бидам опериран, што лекарскиот тим на мојот клуб и го направи. Станува збор за истата рака што ми беше оперирана на почетокот од годинана, но тогаш во прашање беше повреда на подлактицата. Што да правиме, се случуваат и вакви непосакувани моменти. Мое е да ја поминам рехабилитацијата како што налагаат докторите. Извесно е дека ќе бидам надвор од теренот во наредните неколку недели. Се надевам да бидам спремен после празниците. Здравје, ќе видиме“, изјави Ѓуроски за интернет-страницата на КФСМ. Според првичните прогнози, Ѓуроски ќе биде надвор од терените во наредните неколку недели. Се очекува да се врати на терените во новата 2023 година.

Репрезентативецот Ѓуроски нов кошаркар на шпански Оуренсе

Ивона Петрова — Fri, 26 Aug 2022 09:39:12 +0000

Македонскиот кошаркарски репрезентативец Стојан Ѓуроски е нов член на шпанскиот второлигаш Оуренсе. Ѓуроски овој преоден рок имаше неколку понуди, а на крајот се одлучи да ѝ се приклучи на екипата на Оуренсе и да се врати во шпанската „ЛЕБ Оро“ лига. Искусниот македонски репрезентативец претходно во кариерата настапуваше во шпанската втора лига како кошаркар на Хуеска, Мелила и Аликанте. Ѓуровски вчера во стартната победа на Македонија во претквалификациите за Евробаскет 2025 придонесе со десет поени, додавајќи два скока и три асистенции.

Пелистер се засили со Стојан Ѓуроски

Тале Кристо — Fri, 13 Aug 2021 09:53:34 +0000

Повремениот македонски репрезентативец, Стојан Ѓуроски е нов кошаркар на Пелистер, објави денес битолскиот прволигаш. Пред Ѓуроски, на соработка со Пелистер се согласи и Димитар Караџовски. Ѓуроски во својата кариера има настапувано за Блокотехна и Кожув од Гевгелија, скопските екипи Работнички, МЗТ Скопје и Карпош Соколи, а има и интернационално искуство во Франција и Шпанија. За Пелистер кој во новата сезона пријави учество во АБА 2 лигата, претходно потпишаа и Тајлер Чиз, Марјан Младеновиќ и Љубомир Младеновски.

Кошаркарската машка репрезентација се комплетира во недела

Бошко Тасиќ — Sat, 13 Feb 2021 16:00:39 +0000

Македонскиот кошаркарски репрезентативец Ненад Димитријевиќ ќе им се приклучи на своите соиграчи многу веројатно на неделниот тренинг, планиран да се одржи во малата сала на СЦ „Јане Сандански“ во Скопје со почеток од 15:00 часот. Репрезентативниот бек ги заврши своите клупски обврски со шпански Хувентуд, откако пред два дена беа елиминирани од Купот на Кралот од Басконија , но лошите авио-конекции го пролонгираа доаѓањето на нашиот интернационалец во Скопје. За очекување е Стојан Ѓуроски во Скопје да пристигне во текот на утрешниот ден.

Репрезентативецот Ѓуроски го победи коронавирусот

Тале Кристо — Fri, 04 Dec 2020 19:10:37 +0000

Македонскиот кошаркарски репрезентативец Стојан Ѓуроски се излечи од коронавирусот и се врати на обврските во својот матичен клуб во Шпанија. Поради позитивен тест на Ковид-19, Ѓуроски не отпатува минатиот месец со македонската репрезентација на евро-квалификациите во Талин, кои, во меѓувреме беа откажани, поради неколкумина позитивни на коронавирус во „црвено-жолтиот“ табор. – Добив негативен тест на последната медицинска проверка. Веќе почнав со тренинзи, и тоа е во овој момент најдобрата можна вест која можев да ја добијам. И претходно немав симптоми, но поради позитивниот тест морав да останам во изолација, и без тренинзи со екипата, но и оние предвидени настапи за нашиот национален тим во Талин, кои за жал, не ги одигравме, изјави Ѓуроски за официјалниот сајт на македонската кошаркарска Федерација (КФСМ). Македонскиот репрезентативец се очекува в недела да се врати во составот на ХЛА Аликанте за мечот против Гранада во шпанската Втора лига, во која тимот на Ѓуроски има максимален скор во воведните шест кола.

Македонски репрезентативец позитивен на коронавирус, нема да ги игра следните дуели

Ивана Ефремовски — Tue, 17 Nov 2020 12:08:15 +0000

Селекторот на македонската кошаркарска репрезентација, Александар Тодоров на квалификациските дуели против Естонија и Италија нема да може да смета на услугите на Стојан Ѓуроски. Репрезентативното крило доби позитивен резултат на задолжителното ПЦР тестирање од коронавирус кое го направи по враќањето во Аликанте. „За жал, нема да можам да му помогнам на националниот тим за Битките во Талин. По враќањето во Скопје, каде мораше да средам некои технички работи поврзани со работната дозвола за Шпанија, бев тестиран од страна на клубот. Тестот се покажа како позитивен, а тоа ме однесе во самоизолација“, потврди Ѓуроски за КФМ.