Стојаноска: Да ставиме крај на нивниот промашен пат, да ставиме точка на нивните срамни политики

Тале Кристо — Sun, 12 Jul 2020 21:06:29 +0000

Уште малку останува, кога ќе се разбудиме мирни, спокојни и со вратена надеж за подобра иднина. Ова го чекавме. За ова останавме и не потклекнавме. За ова останавме и ги издржавме сите предизвици и притисоци. За ова останавме и ќе останеме – најголемиот пркос во македонската три и повеќегодишна голгота, пишува на социјалната мрежа на Фејсбук Дафина Стојаноска, носител на листата на ВМРО-ДПМНЕ во шестата изборна единица. Некои не‘ обвинуваа, некои не ни веруваа, некои се откажаа, некои се‘ уште не веруваат. Да ставиме крај на нивниот промашен пат. Да ставиме точка на нивните срамни политичари и политики. Да завршиме со корупцијата и криминалот во првите редови на власта. Да престанеме да прифаќаме дека нормално е политичарот да биде недостапен, арогантен, најпаметен и неприкосновен. Да не се помириме со новата ненормалност на Заеви и компанија. Да се вратиме на традицијата и корените, да не ја даваме историјата на прекројување, да работиме на силна економија, на воведување на ефикасно право за сите, како и еднаквост на сите пред правдата и законите. Да се заложиме за квалитетно образование, во кое ќе се врати угледот на вредниот професор, но и образование кое ќе создава вредни кадри. Да докажеме дека не сме сите исти и дека има луѓе кои застануваат цврсто позади обновата на својата татковина и нема да отстапат за ништо и заради никого. Ниту за својот сопартиец, ниту за својата фамилија, ниту за најдобриот пријател. Време е за обнова, ама најпрво на самите себе. Време е за покажување на личен пример. Време е за обнова, а не за исти лаги и исти луѓе. ВМРО-ДПМНЕ нуди обнова, затоа што ВМРО-ДПМНЕ е подготвено за обнова. Време е власта да се врати кај луѓето кои нема да ви го кажуваат она што сакате да го слушнете, туку она што е реалност и вистина. Некогаш реалноста е болна и тешка, а вистината боли. Но, многу е подобро што побрзо да се соочиш со вистината, отколку да останеш да живееш во лаги, посебно не во истите лаги, и тоа со истите луѓе. Време е за нови проекти и мерки, а не за ваучери кои се делат од нашите пари и заради кои Македонија е на работ на сиромаштијата. Македонија повторно стана земја на ваучери и бонови, земја на затворени фабрики и омаловажени пензионери, земјоделци и доктори, студенти и средношколци. Македонија стана земја во која Уставот е послаб од рекетот, а законите се послаби од тендерите. Затоа, доаѓа обновата која вие ќе ја изгласате на 15-ти јули. Доаѓа обновата која вие ќе ја изгласате со заокружување на бројот 14. Обновата, чии носители сме сите ние. Обнова, а не измами. Обнова за исправена Македонија, пишува Стојаноска.

Стојаноска: По 15 јули се обврзуваме на поддршка за лицата со телесен инвалидитет

Тале Кристо — Wed, 01 Jul 2020 12:16:37 +0000

Дафина Стојаноска, носителката на листата во изборната единица 6 на ВМРО-ДПМНЕ и коалицијата „За Обнова на Македонија“ денес беше во посета на Тетово каде што оствари средби со повеќе здруженија меѓу кои здружението за глуви лица, здружението на слепи лица од Тетово и здружението на лица со телесен инвалидитет ‘‘Мобилност ‘‘ за Тетово и Гостивар. Денес остварив средби со здружението за глуви лица од Тетово, здружението на слепи лица од Тетово и Здружението на лица со телесен инвалидитет ‘‘Мобилност‘‘ за Тетово и Гостивар. Имавме конструктивни разговори на кои што овие луѓе кажаа дека изминативе три години имале можност да видат и увидат кој и колку се грижел за нивните проблеми и барања-истакна Стојановска. На средбата членовите на здруженијата на носителеката на пратеничка листа Стојаноска и ги соопштија проблемите и предизвиците со кои секојдневно се соочуваат. -Заеднички дојдовме до заклучок дека она што Зоран Заев не ги слушаше и не ги гледаше сопствените граѓани, односно она за што Зоран Заев не покажа слух и вид за желбата на граѓаните на Република Македонија како пред за време и после референдумот 2018 година е најголемиот хендикеп за граѓаните на Република македонија-додаде Стојановска. Носителката на листата во изборната единица 6, Стојановска на членовите на здруженијата има вети и се обврза по 15 јули да направи повеќе за сите и повеќе овие здруженија. -Затоа ние дел од кандидатите на пратеничката листа на ВМРО-ДПМНЕ и коалицијата Обнова на македонија се обврзуваме дека од 15 Јули, ќе направиме повече за сите и секако повеќе за овие наши сограѓани. нагласи Стојановска.

Стојаноска – Kurir.mk

Стојаноска: Да ставиме крај на нивниот промашен пат, да ставиме точка на нивните срамни политики

Стојаноска: По 15 јули се обврзуваме на поддршка за лицата со телесен инвалидитет