Жена две години седела почината на стол во нејзината куќа

Тале Кристо — Wed, 09 Feb 2022 13:21:33 +0000

Италијанската полиција откри мумифицирани останки на 70-годишна жена која седела на стол повеќе од две години откако починала, што поттикна апели за подобрување на грижата за старите лица во земјата. Маринела Берета, која немала живи роднини, била пронајдена во нејзината куќа во Престина, во близина на езерото Комо во северна Италија. Полицијата ги пронашла нејзините останки откако биле повикани поради силниот ветер во Ломбардија, кој се заканувал да ги турне запуштените дрвја во нејзината градина, јавува Франс 24 за агенцијата АФП. Според италијанските медиуми, соседите не ја виделе старицата најмалку две и пол години. -Она што и се случи на Маринела Берети во Комо, таа заборавена осаменост ни ја гори совеста, коментира на Фејсбук министерката за семејството Елена Бонети. „Ние сме должни, како заедница која сака да остане обединета, да се сеќава на нејзиниот живот, никој не треба да биде оставен сам“, рече таа. Речиси 40 отсто од 75-годишниците во Италија живеат сами, според извештајот од 2018 година на Националниот институт за статистика (ISTAT). Истиот процент наведува и дека немаат роднини или пријатели на кои може да се обратат во случај на потреба. „Беретата е пример за осаменост“, напиша уредникот Масимо Грамелини на насловната страница на „Кориере дела Села“, најпродаваниот италијански дневен весник. -Многумина од нас сè уште се сеќаваат на среќните големи семејства во рурална Италија. Спротивно на тоа, модерното семејство се намали. Луѓето умираат сами. А и ние живееме сами, што е речиси полошо, рече Грамелини. Соседите, кои не ја виделе Берет од септември 2019 година, претпоставувале дека таа се оддалечила на почетокот на пандемијата на коронавирус, која ја погоди северна Италија во 2020 година, пренесува Јутарњи лист. Полицијата на лице место не пронашла ништо што би укажало на насилна смрт, а се очекува погребот да го плати локалниот совет. Мистеријата на невидливиот живот на Маринела зад затворените врати на нејзината колиба е ужасна лекција, пишува весникот „Месаџеро“. -Најтажно во сè не е тоа што другите не ја забележале нејзината смрт, туку што не ја приметувале дури живеела, наведува весникот.

Девојка фрли стол од зграда врз улица полна луѓе: Видеото го виде и полицијата, па следуваше нивна реакција (ВИДЕО)

Ивана Ефремовски — Wed, 13 Feb 2019 08:37:51 +0000

Жена во канадскиот град Торонто фрлила стол од висока зграда на улица полна со луѓе и возила. Откако видеото со „шегата“ се најде на интернет и собра повеќе од 700.000 прегледи, го привлече вниманието на полицијата, која ја повика жената да им се предаде кај надлежните. Властите го знаат идентитетот на девојката и веќе ѝ е јавено да се пријави в полиција. Столот бил фрлен врз еднa од најпрометните улици во Торонто, но при инцидентот нема повредени.

стол – Kurir.mk

Жена две години седела почината на стол во нејзината куќа

Девојка фрли стол од зграда врз улица полна луѓе: Видеото го виде и полицијата, па следуваше нивна реакција (ВИДЕО)