стомачен вирус – Kurir.mk

Стомачен вирус во Македонија: Доктор Трајковски открива какви се симптомите и што да направите

Ивана Ефремовски — Fri, 25 Nov 2022 09:21:02 +0000

Есента е период на многу вируси, меѓу кои чести се и стомачните. Лекарот по општа медицина д-р Бојан Трајковски, на својот Фејсбук профил, објави кои симптоми се појавуваат при стомачниот вирус и нагласи дека го има застапено во поголем број. Тој им порача на граѓаните и што да преземат во случај да имаат појава на симптомите. -Хара доста сериозен стомачен вирус! Многу силни стомачни болки, грчеви страшни, силна треска, температура до кај 39, честа дијареа, нагони на повраќање...нема што нема од симптоми! Влезе ли у фамилија ги проаѓа сите. Изолирајте се, течности што повеќе, лесна храна, пробиотици уште од сега, спазмолитици по потреба, антипиретици и во крајна нужда и инфузиона терапија. Држи неколку дена па затоа трпение, одмарање и без паники! - нагласи д-р Трајковски.

Стомачен вирус го спречи Георгиевски да настапи во полуфиналето, освои бронзен медал

Ивона Петрова — Sun, 03 Jul 2022 18:50:51 +0000

Македонскиот таеквондист Дејан Георгиевски ќе мора да се задоволи само со бронзен медал од Медитеранските игри. Тој не настапи во полуфиналето поради стомачен вирус. – Дејан Георгиевски за жал денес ќе застане на Бронзен медал од медитеранските игри во Алжир, иако уште од утрово јас и брат ми бевме во дилема дали воопшто да настапи Деки заради високиот ранкинг првата борба беше слободен, за втората борба иако речиси без сила тој во негов натчовечки стил собра сили настапи и ја победи првата борба, со тоа обезбеди бронза за Македонија. За кусо требаше да биде полуфиналната борба на МИ 2022, заради доброто на нашата олимписка икона ќе мораме да го прекинеме денешниот поход.Деки денес имаше исклучително силна дехидратација поради високо интензивен стомачен вирус, соопшти Дарко Костовски, еден од тренерите на Дејан Георгиевски. Во 2018 година Георгиевски освои сребрен медал на Медитеранските игри во Шпанија, а на овие Игри беше прв фаворит за златото.

Беќаровски: Во државата доминира стомачен вирус, клиниките се преплавени

Магдалена Андонова — Fri, 11 Jun 2021 08:43:53 +0000

Доц. д-р Нико Беќаровски специјалист интернист од Клиниката за токсикологија која е воедно и Ургентен центар, во емисијата 24 анализа рече дека се надева ова лето пандемијата ќе стивне. Сега на повшина излегуваат пациентите кои тешко ја поднеле пандемијата и сега имаат потреба од лекар, а тука е и постковид синдромот. Не е само да се излечи вирусот, последиците кои ги остава се карастрофални. Во моментов во државата доминира стомачен вирус, клиниките се преплавени со таа патологија. Ситуацијата со ковидот е смирена, но тој не е комплетно загубен, вели д-р Беќаровски.

Во случај на труење со храна или стомачен вирус, ова е храната која може да ви помогне

Магдалена Андонова — Sun, 27 Sep 2020 16:20:29 +0000

Некои видови храна треба да се избегнуваат. Диететичарот Шери Каспер откри дека алкохолот, високо киселата и зачинета храна можат дополнително да го иритираат стомакот и дека дефинитивно треба да се избегнуваат. Исто така, постојат намирници кои ќе ви помогнат и ќе го смират варењето. Овде се на прво место банани, ориз и двопек, храна што е докажано дека предизвикува затвор. „Најлошото нешто што може да се случи со стомачен вирус или труење со храна е дехидрираност. Исклучително важно е да се надополни изгубената течност. Супите, пијалаците и зеленчукот и овошјето богато со вода се многу корисни“, објаснува експертката Џесика Спиро. Диететичарот Тереза Бонани препорачува кокосова вода, која е полна со калиум и добар извор на други важни хранливи состојки како што се натриум, магнезиум и фосфор. „Сметам дека кокосовата вода е природен извор на електролити без додаден шеќер“, истакнува таа. Кога ќе почувствувате дека закрепнувате, посегнете по јогурт и кефир за да му дадете на вашето тело доза протеини и да ги замените добрите бактерии во дигестивниот систем, како што советува Бонани. Ако сте чувствителни на лактоза, може да посегнете по пробиотички додатоци кои се здрави за дигестивниот тракт. Исто така, смутито направено од соја млеко, овошје и путер од јаткасти плодови е одличен извор на протеини што вашето тело лесно ќе ги свари. Пилешка супа или варено пилешко и мисирка исто така одлично ќе делуваат на вознемирен стомак и ќе ви помогнат да ја вратите силата.

Стомачен вирус хара во Македонија- еве како да се заштитите и што треба веднаш да испиете и изедете

Дарко Андоновски — Thu, 24 Oct 2019 07:40:58 +0000

Наглите промени на температурата, индијанското лето кое овој период од годината го зафати регионот, неправилната исхрана и контакт со болни луѓе се главни причинители за вирусите кои овие недели се присутни во Македонија. Овие денови најактуелен е стомачниот вирус кој ги наполни амбулантите ширум земјава. Стомачниот вирус се пренесува преку заразена храна и пијалаци, контакт со заразено лице, како и преку валканите раце. Според лекарите идеален избор на храна во оваа состојба се супите кои освен како внесување на течност во телото ги надокнадуваат изгубените електролити. Тука спаѓаа и топлите благи чаеви, диеталната исхрана како и намерници кои ќе ви ја повратат енергијата во телото како што се соковите, јаболката и кексот.

ФФМ со информации за фудбалерите кои фатија стомачен вирус

Матеја Петровски — Sat, 13 Oct 2018 07:10:52 +0000

Македонската фудбалска репрезентација во некомплетен состав го одработи вчерашниот тренинг во пресрет на дуелот со Лихтенштајн. Иако првично се појавија шпекулации дека неколкумина репрезентативци добиле труење од храна, ФФМ преку официјалниот сајт излезе со информација дека се работи за стомачен вирус. Досегашните испитувања и добиените резултати од клиничката болница „Систина“, а поврзано со стомачните тегоби на кои се жалеа неколкумина фудбалери од А репрезентацијата на Македонија, покажуваат дека се работи за стомачен вирус, соопшти Фудбалската федерација на Македонија. Испитувањата даваат слика дека објективната причина за состојбата на дел од фудбалерите во националниот тим не е труење со храна. Дополнително се преземени сите неопходни мерки од епидемиолошки аспект за целосно утврдување на причината за настанатата состојба, стои во информацијата на ФФМ. Лекарскиот тим во репрезентацијата постојано ја следи состојбата на сите вклучени во националниот тим и ги презема неопходните активности. Македонија вечер од 20:45 часот во Скопје е домаќин на Лихтенштајн во 3.коло од Лигата на нации. (Миа)

Стомачен вирус го зафати регионот: Еве како да се заштитите и како да се излечите

Дарко Андоновски — Fri, 28 Sep 2018 14:29:42 +0000

Овие денови сѐ повеќе луѓе се жалат на стомачни проблеми, кои се манифестираат преку мачнини, повраќање и со дијареа. Дознајте што треба да направите за и вас да не ве снајдат овие маки, или пак како да ги излечите ако веќе ве стигнале. Цревната вироза, т.н. стомачен грип, го зафатил речиси целиот Балкан. Бројот на заболени е сѐ поголем, а мачнина, повраќање, дијареа, висока температура, главоболка и грчеви во стомакот го "зафаќаат"целото семејство. Затоа ви носиме неколку клучни совети на кои би требало да обрнете внимание, како да се зачувате, но и кога задолжително мора да посетите доктор. Како да се заштитите Стомачните вируси најчесто се манифестираат како воспаление на желудникот и дебелото црево. До тоа доаѓа поради акумулација на слузницата и остатокот на отпад во телото. Се пренесува преку храна и пијалаци, а најмногу преку валкани раце, односно нехигиена. Затоа, во сезоната на стомачни вируси, миење на рацете е најдобра превентива, особено ако сте биле во контакт со веќе заболени лица. Исто така, препораката е да го зајакнете својот имунитет со исхрана и со избор на здрави намирници. Што да пиете Кога се во прашање стомачните вируси, најважно е да внимавате телото да не ви дехидрира, а тоа може да се случи многу лесно, бидејќи желудникот е изиритиран и не поднесува храна и пијалак. Па така, сѐ што внесувате во телото, буквално поминува низ него и излегува надвор. За да не дојде до дехидрација, важно е да внесувате што е можно повеќе течности, но не било кои. Ладна вода, сокови и други слатки напитоци не доаѓаат предвид. Идеален избор се супите од кеса, кои освен со течност, телото го надокнадуваат и со загубените електролити. Исто така, благите чаеви, како оној од камилица и свеж ѓумбир, ќе ви ги намали симптомите на мачнина, а лекарите секогаш препорачуваат да се пие руски или друг црн чај. Меѓутоа, овие чаеви треба да се пијат чисти, односно без никакви додатоци, како што е медот, шеќерот, лимонот или млекото. Што да јадете Што се однесува до храната, најдобар избор е чист ориз, сварен само во вода, со малку сон или коцка за супа. Идеално би било оризот да го сварите во поголема количина течност, за да може паралелно да се пие. Исто така, за смирување на стомачните тегоби, може да помогне и двопек, печен тост, грисини и сув леб. Од останатата храна, после првата тврда столица може да земете малку банана или јогурт. Сѐ додека симптомите целосно не се повлечат, од останатата храна треба да избегнувате буквално сѐ, а особено меснати и млечните производи. Треба ли да ја симнувате температурата Ако имате покачена телесна температура, немојте веднаш да ја симнувате со лекови. Дајте му шанса на имунитетот сам да се избори со треската. Притоа, некои од лековите за симнување на температура, може дополнително да го надразнат желудникот и другите органи за варење, па попаметно е да ги избегнувате, барем на почетокот на вирусот. Кога треба да почнете да се грижите Кога се стомачните тегоби во прашање, тие обично помнуваат за еден до два дена. Нормално, советот е да останете дома сѐ додека не ви се подобри состојбата. Меѓутоа, доколку температурата никако не се намалува, а дијареата и повраќањето траат повеќе од неколку дена, во столицата сте забележале крв или болките во стомакот никако не престануваат - задолжително посетете лекар!