стопанственици – Kurir.mk

Милошоски, Муцунски и Лефков на средби со стопанствениците од Кочани

Тале Кристо — Wed, 19 May 2021 12:51:44 +0000

Пратениците од Редовите на ВМРО-ДПМНЕ, Антонио Милошоски, Тимчо Муцунски и Миле Лефков остварија средби со стопанствениците од Кочани, при што беше разговарно за за состојбите во стопанството и економската криза, како и за и недостатокот на поволни можности за поголеми инвестиции. -Заедно со колегите Миле Лефков и Тимчо Муцунски во општина Кочани разговаравме за состојбите во стопанството, кое за жал се соочува со големиот притисок на економската криза и недостатокот на поволни можности за поголеми инвестиции и нови вработувања, објави на својата Фејсбук страница Милошоски.

Без застој се одвива вториот ден од имунизацијата на македонските стопанственици во Ниш

Тале Кристо — Sun, 28 Mar 2021 07:51:47 +0000

Започна вториот ден од акцијата за имунизација на македонските стопанственици, што ја организира Стопанската комора на Северна Македонија. -Според информациите на нашите дежурните екипи на граничниот премин Табановце, протокот на возила се одвива со континуирана динамика преку 6 коловозни ленти, а процесот на вакцинација во Ниш е започнат навремено. За стопанствениците пријавени преку Стопанската комора на Северна Македонија, а во организација и со поддршка на Стопанската комора на Србија и колегите во Регионалната комора во Ниш, процесот се одвива на посебно договорени пунктови, без застој, соопштија од Стопанската комора. Се очекува исто како и вчера, повеќе од 1.000 македонски стопанственици да бидат вакцинирани во рамки на акцијата која на организираше Стопанската комора на Северна Македонија заедно со Стопанската комора на Србија, во рамките на Коморскиот инвестициски форум. Автомотосојузот на Македонија во утринскиот извештај за состојбата на патиштата информираше дека на ГП „Табановце“ за излез од државата се чека околу 40 минути.

Милошоски: Стопанството во Битола се соочува со тешки проблеми, владата зема 2 милијарди заеми, а тие пари не се стигнати кај фирмите

Ивона Петрова — Sun, 28 Feb 2021 12:48:45 +0000

Пратениците на ВМРО-ДПМНЕ Антонио Милошоски и Рашела Мизрахи денеска во Битола остварија средба со претставниците на Стопанската комора. По средбата Милошоски истакна дека за жал состојбите не се охрабрувачки, а стопанството во Битола се соочува со тешки проблеми. -Мислиме дека изминатиов период тие најавени 2 милијарди евра кои владата ги зема, се задолжи и ги потроши, за жал не покажуваат ефекти во стопанството. Што не доведува до заклучокот, дека она што го кажа вицепремиерот за економски прашања дека 350 милиони евра се само искористени во стопански цели, додека другите веројатно се искористени во непродуктивни или коруптивни цели, а не во интерес на стопанствениците или вработените. Цениме дека Битола во моментов се наоѓа на маргините на невниманието на локалната и на централната власт и доколку се продолжи со ова невнимание и запоставување на општината може да има уште поголеми и потешки последици од стопански аспект, но и поголемо иселување, а бирото за вработување да ја зголемува бројката на невработеност, нагласи Милошоски.

Милошоски на средба со стопанствениците од Струга, се разгледуваат можностите на кој начин преку Собранието да им се помогне на истите

Тале Кристо — Mon, 08 Feb 2021 12:38:34 +0000

Денес во Струга ќе разговараме со стопанствениците од градот. Главната тема ќе биде лошата економска состојба, она што не загрижува е дека во 2020 година во Македонија имаме 6 200 компании кои згаснале и за жал 1 200 компании затвориле на сопствено барање. Тоа е потврда дека владата има лоши економски политики чиишто резултат се нови 55 000 невработени, изјави пратеникот од редовите на ВМРО-ДПМНЕ Антонио МИлошоски. Од тие 55 000 невработени во Струга имаме 4 950 невработени лица што за самиот град претставува голем товар и ја влошува економската ситуација. Затоа сакаме од стопанствениците да побараме совет, мислење и препораки на кои начин преку Собранието можеме да им помогнеме да се подобри оваа лоша состојба, истакна Милошоски.

Мицкоски до стопанствениците: Ветуваме стабилна економија на ниски даноци и поддршка за стопанството со инвестиции од 4 милијарди евра

Тале Кристо — Wed, 08 Jul 2020 07:26:58 +0000

Доста е веќе од неправди и измами, време е да се исправиме и да исправиме се! Драги стопанственици и бизнисмени, она што денес го имате е несигурност, високи даноци, рекет на секое ниво, нелојална конкуренција и политички притисоци, вели во своето најново видео обраќање лидерот на ВМРО-ДПМНЕ Христијан Мицкоски. Ве гледам во очи и се обврзувам. Време е за стабилна економија на ниски даноци, намален рамен данок на ниво од 8%, поддршка за стопанството со инвестиции од 4 милијарди евра, годишен раст од 4%, укинување на бројни бирократски процедури и давачки и нулта толеранција на корупцијата. Огромен број на проекти кои ќе значат работа и профит за сите. Црвениот телефон на притисоци кон бизнисмени ќе биде минато. Ова е време на одлуки. Исправи се Македонијо! Одбери Обнова, вели Мицкоски во своето видео обраќање до стопанствениците.