стопирање – Kurir.mk

Ѓорѓиевски на барање на граѓаните го стопираше планот за изградба на 99 згради во Расадник, градоначалникот најави борба против урбаната мафија

Магдалена Андонова — Thu, 30 Dec 2021 18:19:25 +0000

Градоначалникот на Кисела Вода Орце Ѓорѓиевски на барање на граѓаните го стопираше планот на претходната локална самоуправа за изградба на 99 згради во Расадник.Општината ќе објави меѓународен конкурс на кој архитекти ќе може да достават предлог идејни решенија, по што Комисијата за урбанизам ќе ги разгледа и ќе го изработи новиот детален урбанистички план. - Стопиран е и планот за Расадник. Во истиот Комисијата констатира дека има 99 нови згради, па согласно барањата на граѓаните, заклучно со февруари, ќе биде објавен меѓународен конкурс за изработка на идејно решение за ДУП Расадник, по што најдоброто решение ќе го изберат граѓаните на Расадник. По изборот на идејното решение, ќе се пристапи кон изработка на новиот Детален Урбанистички План за Расадник, изјави градоначалникот на Општина Кисела Вода Орце Ѓорѓиевски. Ѓеорѓиевски најави борба против урбаната мафија со формирање на Партиципативно тело каде може да се пријават граѓани, невладини организации и стручна јавност. Рокот за пријавување истекува на 15 јануари а целта е сите транспарентно да бидат вклучени во понатамошниот развој на општината. - За да ја запреме урбаната мафија, потребна ми е и вашата помош. Ве повикувам сите да направите увид во Урбанистички планови и сите ваши забелешки, сугестии и предлози за измени, дополнувања или укинувања на цели или делови од плановите да ни ги доставите во рок од 30 дена – вели Ѓорѓиевски. Општината направила ревизија на 34 плана меѓу кои и планот за Црниче каде во зелениот појас биле предвидени изградба на станбени куќи, планот за Припор каде биле предвидени станбени згради, а ќе се разгледува и планот за населбата Пржино.

Сопственик на акции од судот бара стопирање на продажбата на акциите на АД Славија (ФОТО)

Тале Кристо — Thu, 23 Dec 2021 12:45:22 +0000

Серпственик на акции во АД Славија од Основниот граѓански суд Скопје, одел за трговски спорови бара итно стопирање на продажбата на акциите на ова претпријатие. Кирил Кочевски, основач-косопственик преку овластено адвокатско друштво бара од судот да биде стопирана продажбата на акциите во АД Славија. Имено, имот на претпријатието врени околу 20 милиони евра, а истиот на аукција со надавање ќе се продава за околу 218 илијади евра. Пред неколку дена ВМРО-ДПМНЕ обвини за еден од најбруталните, најбесрамните и најбескурпулозните грабежи на државен имот во Република Македонија по принципот на старата школа на СДСМ како од 90тите години. -Се подготвува еден од најбруталните, најбесрамните и најбескурпулозните грабежи на државен имот, односно на Република Македонија по принципот на старата школа на СДСМ како од 90тите години кога беа приватизирани над 600тини фирми во Република Македонија кои што беа имот на државата, истакна на прес-конференција пред неколку дена портпаролот на ВМРО-ДПМНЕ, Димче Арсовски. -Обезвредни државен имоти најпрво беа симнати буквално на 0 за потоа да може да дојде некој за багател да ги купи и да заработи милиони евра на грб на државата. Владата на СДСМ и криминалниот картел од Струмица кој што е на чело со премиерот во заминување Зоран Заев се подготвува да ја продаде АД Славија, односно да ја купи некој со нивни амин за багателна цена, далеку од онаа вредносната АД Славија која што има вредност со целиот свој имот, со сите свои објекти од над 20 милиони евра целата фирма, власта на СДСМ, власта на премиерот во заминување Зоран Заев сака да го продаде целиот тимот, целото земјиште, сите објекти на АД Славија и целата фирма АД Славија за 218.535 евра, односно 4285 акции по цена замислете од 51 евро по акција и тоа на само 2 дена пред новата година. Ова е лудило кое што го достигна врвот менаџиран од Зоран Заев и власта. Ајде сега да ја разгледаме целата постапка. Најпрвин, никаде, ама баш никаде Влада на Република Македонија нема направено нова проценка, согласно законските обврски од Бирото за судски вештачења, која што би ја нарачало нормално владата за да се утврди колку чини имотот, објектите и целата фирма АД Славија. За да се продаде државна фирма или АД треба да се направи проценка на имот, па потоа да се одреди цена колку би била една акција. Ниту директорот на АД Славија, ниту Владата, ниту Агенцијата за одземен имот не им текнало да направат проценка на имот. Зошто? Затоа што тие се соучесници и така им е наредено од мафијата на власт, за да може да ја купи власта АД Славија, односно блиски луѓе до власта бизнисмени за 218.535 евра, рече тогаш Арсовски. Тој додаде дека имот, фирма, објекти кои чинат 20 милиони евра некој близок до Заеви да го купи само за 218 илјади евра. Ако се прави проценка со актуелна фактичка состојба, АД Славија ќе се увиди дека вреди повеќе од 20 милиони евра и кога ќе се одбие долгот којшто го има најверојатно според информациите од 4-5 милиони евра, сепак фирмата ќе вреди 15 милиони евра и тогаш една акција не би била 51 евро, туку би била неколку илјади евра. -Замислете, само управната зграда ако ја погледнете, а сите ја знаат управната зграда до Универзитетот ФОН, ќе сфатите дека чини десетина милиони евра, само таа, а не пак целата фирма со сите свои пропратни објекти и имоти да чини 218 илјади евра. Еве уште еднаш огласот од Агенцијата за одземен имот, којшто го распишува за продажба на АД Славија по акција од 51 евро. Ова е брутален грабеж, ова е грабеж на граѓаните и ова е грабеж на државата. Власта во заминување сака за без пари да присвои имот од државата. Јавно го прашуваме и директорот на АД Славија, којшто според ова коешто го гледаме е соучесник, но и Владата на Република Македонија, дали и по чија насока од криминалниот картел, оваа продажба е подготвувана за да ја купи близок човек до Заеви? Кој треба да ја купи оваа фирма за 218 илјади евра? Вклучително, јавно повикуваме, дека оваа продажба не смее да се случи со вакво обезвреднување на имотот и мора веднаш да прекине. Срамота е што закажуваат продажба на државен имот за стотици пати пониска цена, само затоа што така им текнало и тоа на два дена пред Нова година. Не смее имотот на граѓаните да биде продаден за 100 пати помала сума на пари. Следниве денови ќе следуваат детали за целата оваа криминална постапка, ја поседуваме целата документација и соодветно ќе постапуваме до институциите и органите. Нека бидат свесни дека не може да ја раскичмуваат повторно Република Македонија како во 90-тите години кога над 200 илјади луѓе останаа без работа и кога над 600 фирми беа затворени, односно приграбени од СДСМ. Сега повторно со истите шеми. Затоа повикуваме и до медиумите и до институциите бурно да го следат процесот и она што е најважно да се сочува државниот имот за да не се продаде за ваква безвредна цена има и закони и прописи во оваа држава кои мора да се почитуваат, рече Арсовски.

Германија планира да ги стопира сите летови

Магдалена Андонова — Tue, 26 Jan 2021 15:26:48 +0000

Германија планира да го стопира меѓународниот воздушен сообраќај поради пандемијата со Ковид-19, изјави денеска германскиот министер за внатрешни работи орст Зихофер. – Опасноста од различните мутации на вирусот бара во рамките на Владата да разгледаме и да разговараме за драстични мерки, меѓу кои и намалување на воздушниот сообраќај во правец на Германија практично на нула, како што направи Израел, посочи Зихофер. Тој додаде дека граѓаните на Германија ги прифаќаат рестриктивните мерки, а од Владата очекуваат да ги заштити што е можно подобро од експлозија на бројот на заразени лица. Претходно и германската канцеларка Ангела Меркел ја спомна можноста за стопирање или значително намалување на меѓународниот воздушен сообраќај. (МИА)