сторија – Kurir.mk

Сали објасни што мислел со изјавата за 500 денари

Ивона Петрова — Wed, 20 Jul 2022 12:11:24 +0000

Министерот за здравство Беким Сали се огласи на Фејсбук каде вели дека ја објаснува неговата изјава која покрена лавина коментари на социјалните мрежи. -Почитувани медиуми и граѓани, дозволете да објаснам дека вашето здравје нема цена и независно од цената на здравствената услуга, било да е тоа 500 или пак 5 денари, одговорност мора да има. Тоа беше мојата идеја и мојот став. Се друго е само толкување, напиша Сали на Фејсбук. Ваквото дообјаснување следува по денешната прес-конференција на здравствените власти во врска со сторијата на ИРЛ „Нечиста крв“ која се однесува на работењето на приватната клиника „Жан Митрев“. -Ако жалбата е во износот на парите, ние овде сметаме дека здравјето не познава финансии. Да беше хемофилтрацијата 500 денари, немаше да се жалите. Значи не е така. Антибиотиците кои масовно се користеа исто така оставија последици. Тек сега се справуваме со пост-ковид последици. Во овие случаи не може да гледате само од финансиски аспект. Ниту еден министер, доктор… не може да каже дека во ковид кризата нешто се правело врз основа на докази. Се што се правеше е врз основа на искуства од минатото, вирусот е нов и никој не е сигурен што прави. Барам да бидеме коректни, рече Сали.

КУРИР обиколка во комплексот клиники „Мајка Тереза“- ѓубре и хаос на сите страни, ова е доказ за неспособноста на Филипче и надлежните

Дарко Андоновски — Thu, 12 Nov 2020 13:32:36 +0000

Редакцијата на КУРИР денеска беше во обиколка на Клиничкиот центар „Мајка Тереза“ во Скопје каде затекна вистински хаос. Имено сликата на терен е повеќе од алармантна, на сите страни има ѓубре, а хигиената е на најниско можно ниво. Катастрофалните услови во болниците во комплексот клиники во време кога имаме црни бројки на новозаразени пациенти и такви кои секојдневно се хоспитализираат се само уште еден доказ за неспособноста на оваа власт предводена од министерот Венко Филипче. Инаку КУРИР целата сторија и фотогалерија ќе ја објави денеска во 17 часот, следете не.

Се соочи со смртта поради анорексија, а денес се гордее со своето тело (ФОТО)

Ивана Ефремовски — Mon, 26 Mar 2018 19:01:44 +0000

Студентка на која докторите ѝ предвидувале само неколку месеци живот поради сериозната ситуација со анорексијата, сега е вистинска инспирација за многу девојки ширум светот. Кони Инглис (23) од Велика Британија се борела со анорексија уште од 10-годишна возраст и во текот на долгогодишната борба со оваа болест, три пати завршувала во болница комплетно истоштена. Таа стигнала до тежина на 5-годишно девојче и воопшто не се грижела дали ќе живее или ќе умре, единствената цел ѝ била да симне што повеќе килограми. Сега сака на другите кои се соочуваат со овој проблем да им ја испрати пораката дека без разлика колку и да им изгледа тешко во моментов, може да биде подобро. Веќе пишувавме за НЕЈЗИНАТА сторија, но новиот момент е тоа веќе е горда на своето тело, а промените се евидентни. На Instagram, Кони сега гордо го покажува своето тело со сите „несовршености“. -Не мора секоја личност постојано да изгледа како модел на Victoria’s Secret, вели таа, објаснувајќи дека не поставува филтри и не користи Фотошоп на фотографиите кои ги споделува. -Сакам да покажам како изгледа едно нормално тело, додава Кони. „Искрено не ми беше гајле дали ќе живеам или ќе умрам. Само сакав да ја изгубам целата тежина. Сè. Бидејќи стигнав до степен кога тоа што сум во болница не беше доволно. Единственото нешто кое ќе беше доволно беше моето срце да престане да чука. Само тоа ќе ја задоволеше мојата анорексија“ – раскажува Кони во интервју за BBC. Во девет години, Кони била хоспитализирана три пати. Клучниот момент кога таа се свестила дека си го уништува здравјето, било кога докторите ѝ рекле дека ќе ѝ останат само уште неколку недели живот доколку сериозно не се посвети на закрепнување.