стоук – Kurir.mk

Бејл постигна гол па се повреди на средбата со Стоук

Ивона Петрова — Thu, 24 Dec 2020 07:29:12 +0000

Велшкиот репрезентативец во редовите на Тотенхем, Герет Бејл заработи повреда синоќа на натпреварот (3:1) со Стоук во Лига купот на Англија. Тој беше стрелец на првиот гол за тимот од Лондон. Триесет и едногодишниот фудбалер беше заменет на полувремето. – Тоа беше одлука на Герет. Тој почувствува дека нешто не е во ред. Веднаш ми кажа за тоа кога влеговме во соблекувалната за време на паузата. Не знам колку е сериозно, треба да ги почекаме прегледите, соопшти тренерот на Тотенхем Жозе Мурињо. Бејл игра за Тотенхем на позајмица од Реал Мадрид. Во сезоната 2020/21, фудбалерот одигра 11 натпревари со Спарс и постигна три гола.

Меклејн повторно одби да носи знак на сеќавање за загинатите војници

Ивона Петрова — Tue, 30 Oct 2018 19:54:52 +0000

Фудбалерот на Стоук, Џејмс Меклејн соопшти дека повторно ќе одбие на дресот да носи црвена булка во знак на сеќавање на сите загинати британски војници. И изминатите години 29-годишниот фудбалер го правеше истото, поради што беше остро критикуван во британската јавност. Во Велика Британија 11 ноември се одбележува како Ден на сеќавањето на сите загинати британски војници, а традиција е воведена по Првата светска војна и како симбол се користи цветот на булката. По тој повод фудбалерите во Велика Британија го носат овој симбол, но Меклејн со години одбива да го стори тоа. Тој е репрезентативец на Северна Ирска и потекнува од област каде во 1972 година британските војници учествувале во настанот познат како „Крвава недела“. Војниците тогаш убија 14 и ранија уште толку невооружани демонстранти, кои искажуваа незадоволство од власта во Лондон. – Ако булката беше симбол на паднатите војници во Првата и Втората светска војна ќе ја носев без проблеми, ќе ја носев секој ден, но не станува збор за тоа. Таа се однесува на сите воени конфликти во кои Британија учествувала, истакна Меклејн. Фудбалерот заради своите ставови добиваше и закани по живот, но од фудбалскиот клуб Стоук застанаа зад својот играч наведувајќи дека треба да се почитуваат различните мислења. МИА

Манчестер Јунајтед привлече 35-годишен голман од Стоук

Дарко Андоновски — Tue, 03 Jul 2018 19:40:45 +0000

Манчестер Јунајтед официјално го привлече искусниот голман на Стоук, Ли Грант. 35-годишниот голман беше промовиран како ново засилување на „црвените ѓаволи“, откако потпиша договор со тимот за две години. Грант се очекува да биде третиот голман на тимот. - Трансферот во Манчестер Јунајтед е остварување на сонот за мене. Тоа беше една можност која не можев да ја отфрлам. Возбуден сум дека веќе сум дел од овој голем клуб. Ќе го искористам своето искуство за да му помогнам на тимот што е можно повеќе и се надевам дека ќе освојувам трофеи со тимот, изјави среќниот Грант. Во меѓувреме, Јунајтед го даде под наем својот трет голман, Сем Џонстон на Вест Бромвич Албион и практично Грант е негов заменик. Ли Грант е дете на Ватфорд, а во неговата кариера играше и во Дерби Каунти, Барнли, Олдам, Шефилд и Стоук. Тој е поранешен младински репрезентативец на Англија.

Стоук испадна од Премиер лигата за прв пат по 10 години

Даниел Василев — Sat, 05 May 2018 14:47:06 +0000

Стоук Сити е првиот тим кој испадна од Премиер лигата, откако допушти пресврт и пораз со 1:2 од Кристал Палас дома. Џердан Шакири (43') им даде предност на „грнчарите“ на крајот на првиот дел, но Џејмс Мекартур (68') и Патрик ван Аанхолт (86') направија пресврт во резултатот и ја донесоа победата на „орлите“. Овој резултат значи дека Стоук останува на 19-то место со 30 поени - три помалку од тимот на Свонси и две помалку од оној на Саутемптон. Овие два тима сепак се со два натпревари помалку, при што едниот од нив е директен судир меѓу нив. Кристал Палас е 11-ти со 41 поен. МИА

Стоук го назначи Ламберт за нов менаџер

Ивона Петрова — Mon, 15 Jan 2018 14:51:26 +0000

Поранешниот шкотски репрезентативец Пол Ламберт е нов менџер на Стоук, пренесуваат англиските медиуми. Ламберт, кој на ќе клупата на Стоук ќе го наследи Марк Хјуз, нема ангажман од крајот на минатата сезона, кога го напушти Вулверхемптон. Раководството на Стоук одлучи да го преземе овој чекор по неуспешните преговори со Славен Вилиќ, Мартин О’Нил и Кике Санчез Флорес. Ламберт, покрај Вулверхемптон, работел и во Астон Вила, Блекбурн, Норич и уште неколку англиски клубови. Стоук по 22 круга во Премиер лигата е на 18 место со 20 бода, еден помалку од Саутемптон кој е прв над зоната за испаѓање.

Стоук доведе „гениј“- Овој фудбалер знае пет јазици, може да вози авион и свири пијано!

Дарко Андоновски — Wed, 10 Jan 2018 14:45:22 +0000

Новото засилување на Стоук навистина нема потреба да се грижи за својата иднина доколку ја заврши фудбалската кариера тој може да биде туристички водич, преведувач, пилот, пијанист… Мортиз Бауер кој во текот на вчерашниот ден од Рубин Казан премина во Стоук Сити за сума од три милиони евра го воодушеви фудбалскиот свет, но не со своите фудбалски вештини туку со своето импресивно „CV”.

#fcrk#нашрубин#рубинказань#игрокгода#bighonor#rubinkazan#playeroftheyear#rubinfamily#thankyou❤️?

A post shared by Moritz Bauer - Мориц Бауер (@bauermoritz) on Dec 25, 2017 at 11:33pm PST

Родениот Швајцарец оваа сезона ќе настапува во Англија, а покрај фудбалскиот живот, тренинзите и обврските кон спонзорите успеа да стигне да научи пет јазици (француски, германски, англиски, шпански и руски).

#fcrk#нашрубин#нашдом#backtowork#preparation#preseason#passion#nikeathlete #justdoit @fcrk @bo_sport

A post shared by Moritz Bauer - Мориц Бауер (@bauermoritz) on Jun 9, 2017 at 10:02am PDT

Но тоа не е се, тој успеа да положи и за пилот и може да вози авион, а и заврши музичко школо и знае да свири на пијано.

Thanks for the cool video ✈️ @matchtv_channel @match.tv #fcrk#нашрубин#aviator#upintheair#skyisthelimit#lifetodiscover#livelifetodiscover http://matchtv.ru/football/matchtvvideo_NI715932_clip_Futbolist_Rubina_nauchilsa_upravlat_samoletom_chtoby_pobedit_aerofobiju

A post shared by Moritz Bauer - Мориц Бауер (@bauermoritz) on Feb 17, 2017 at 12:13pm PST

Го носеше дресот на младинските селекции на Швајцарија, но минатата година се одлучи да настапува за сениорската репрезентација на Австрија за која собра четири настапи.

#Москва#Краснаяплощадь#moscow#redsquare#adventurerussia#becurios#justdoit #lifetodiscover

A post shared by Moritz Bauer - Мориц Бауер (@bauermoritz) on Oct 9, 2016 at 9:27am PDT

Карлеуша се сели од Балканот и ќе се прослави низ целиот свет: Кога ќе дознаете кој клуб е заинтересиран за Тошиќ сè ќе ви стане јасно

Дарко Андоновски — Tue, 26 Dec 2017 15:33:32 +0000

Тошиќ ова лето го продолжи договорот со турскиот гигант до 2020 година и објави дека е задоволен во клубот и дека токму во Бешикташ сака да ја заврши кариерата. Инаку Стоук триесет и девет годишниот српски фудбалер го гледа како идеално решение за проблемот во нивната одбрана бидејќи тие примија дури 40 голови на 19 меча во Премиер Лигата. Додека српските медиуми шпекулираат останува да се види дали навистина Англија ќе биде негова следна дестинација и дали неговата сопруга, пејачката Карлеуша ќе го поддржи во сето тоа.