странски државјанки – Kurir.mk

Контроли во угостителски објекти во Тетово: Приведени странски државјанки за нелагален престој, казнети лица за пушење во локали

Магдалена Андонова — Tue, 21 Dec 2021 11:20:36 +0000

При контрола на угостителски објект во Тетово приведени се три странски државјанки за нелегален престој, додека гостиварчанец поради поседување нож. Контролата ноќеска околу 1:30 часот, во угостителски објект во тетовско Жеровјане, сопственост на 31-годишниот А.А. од Боговиње. -При акциска контрола затекнале и привеле три странски државјанки, А.У.(24) од Русија, О.К.(33) од Украина и Ј.Г.(28) од Србија, поради сомнение дека го злоупотребиле туристичкиот престој, односно дека престојувале спротивно на целта. Трите странски државјанки се задржани во Полициската станица Тетово за натамошна постапка. Во објектот приведен е, исто така, и 26-годишниот гостиварец Е.Ф., кај кого бил пронајден и одземен нож и на кој ќе му биде изготвен соодветен поднесок по член 80 од Законот за оружје, информира портпаролот Марјан Јосифоски. При контролата изготвени биле и 15 поднесоци за констатирани прекршоци по Законот за пушење.

Полициска акција во угостителски објекти во Тетово: Затекнати странски државјанки

Магдалена Андонова — Thu, 11 Nov 2021 10:33:42 +0000

Во периодот од 22.50 часот на 10.11. до 01.00 часот на 11.11.2021, полициски службеници на СВР Тетово, Национална единица за сузбивање на криумчарење мигранти и трговија со луѓе и Одделение за прекуграничен криминал и миграции во содејство со Трудов инспекторат извршиле акциски контроли во три угостителски објекти на подрачјето на Тетово. Притоа, во 00.30 часот во угостителски објект во с.Горно Седларце, тетовско, биле приведени А.К.(34) и Е.К.(37), двајцата од Република Албанија, поради илегален престој во Република Северна Македонија и неносење на дозвола за престој. Тие биле приведени во полициска станица и по целосно документирање на случајот против нив ќе биде поднесен соодветен поднесок. Во 01.50 часот, пак, во угостителски објект во с.Жеровјане, тетовско, од слобода биле лишени четири странски државјанки - К.И.(29) од Република Бугарија, Д.К.(32) од Република Србија, А.Х.(24) од Русија и М.Н.(26) од Република Србија, затоа што го злоупотребиле туристичкиот престој, односно престојувале спротивно на целта. Тие биле приведени во полициска станица и по целосно документирање на случајот против нив ќе бидат поднесени соодветни поднесоци.

Во тетовско за девет месеци 124 странски државјанки приведени за нелегален престој

Ивана Ефремовски — Mon, 25 Oct 2021 12:59:52 +0000

За девет месеци откриени се 124 странски државјанки кои нелегално престојувале и работеле пред се во угостителски објекти во тетовскиот регион. Жените се претежно од соседни земји, но и од подалечни држави. Откриени се во редовните активности што ги презема СВР Тетово за откривање и законско санкционирање на странски државјани, односно државјанки кои непријавено престојуваат или работат на подрачјето, најчесто во угостителски објекти. -Во изминатите девет месеци од годинава биле затекнати вкупно 124 странски државјанки, најмногу од Република Албанија (55), Република Србија (26), Русија (20), Украина (10) и од уште седум други европски држави, од соседството и пошироко. Од затекнатите, 58 женски лица странски државјанки или го немале законски регулирано нивниот престој или престојувале спротивно на целта, односно го злоупотребиле претходно пријавениот туристички престој, со што постапиле спротивно на Законот за странци, изјави Марјан Јосифоски, портпарол на СВР Тетово. Поради овие прекршувања на законските одредби, СВР Тетово во овој период изготви 13 барања за поведување на прекршочна постапка против 58-те странски државјанки до основните судови во Тетово и Гостивар. (МИА)

Угостителски објект работел по дозволеното време, странски државјанки ги забавувале гостите – затворен локалот, приведен сопственикот

Магдалена Андонова — Tue, 02 Mar 2021 10:37:57 +0000

На 01.03.2021 во 21.10 часот, полициски службеници извршиле контрола во угостителски објект во с.Желино, тетовско, сопственост на З.С.(48) од с.Желино. Притоа, било констатирано дека објектот работи по дозволеното време и внатре биле затекнати повеќе лица – гости и странски државјанки кои ги забавувале гостите. Објектот бил затворен, а З.С. бил лишен од слобода и по целосно документирање на случајот против него ќе биде поднесена пријава по член 206 од Кривичниот законик – „непостапување според здравствените прописи за време на епидемија“. Во полициска станица биле приведени и шест албански државјанки по член 418 од Кривичниот законик и поради злоупотреба на туристичкиот престој. По целосно документирање на случајот и против нив ќе биде поднесена соодветна пријава.

Во тетовско приведен сопственик на угостителски објект и три државјанки на Русија и Албанија

Магдалена Андонова — Mon, 22 Feb 2021 09:57:44 +0000

Ноќеска (22 февруари) околу 00.40 часот, полициски службеници на СВР Тетово го лишиле од слобода А.А.(30) од тетовско Боговиње, чиј угостителски објект во с.Жеровјане работел по дозволеното време и во него престојувале 13 гости и шест(6) странски државјанки. А.А. бил задржан во Полициската станица Тетово и по документирање на случајот ќе му биде изготвен поднесок за „непостапување според здравствените прописи за време на епидемија“, согласно член 206 од Кривичниот законик. Во угостителскиот објект, исто така, приведени се и три(3) странски државјанки, од кои две(2) од Русија и една(1) од Република Албанија, поради сомнение дека го злоупотребиле туристичкиот престој, односно дека престојувале спротивно на целта. И тие се задржани во Полициската станица Тетово за натамошна постапка и против нив ќе бидат поднесени соодветни поднесоци.

Приведени 4 странски државјанки при контрола во угостителски објект во село Желино

Катерина Бојаџиева — Sun, 13 May 2018 11:23:05 +0000

Ноќеска меѓу 23 и 2.30 часот на подрачјето на СВР Тетово полицијата при контрола во угостителски објект во село Желино затекнала четири странски државјанки, од кои две државјанки на Косово и две државјанки од Албанија. Лицата се приведени во СВР Тетово за понатамошна постапка. Контролата е дел од мерките и активностите за откривање странски државјани кои илегално престојуваат или го злоупотребуваат туристичкиот престој со работа по угостителски објекти.