стратегија – Kurir.mk

Владата ги усвои стратегиите за спречување на насилен екстремизам и борба против тероризам 2023-2027 година

Тале Кристо — Fri, 19 May 2023 15:57:31 +0000

Владата на Република Северна Македонија на 154-та седница, одржана на 16 мај 2023 година, ги разгледа и усвои Национални стратегии за спречување на насилен екстремизам и борба против тероризам пропратени со Акциски планови, 2023 - 2027 година. Координацијата за изработката на стратешките документи беше водена од страна на Националниот комитет за спречување на насилен екстремизам и борбата против тероризмот. Имајќи во предвид дека насилниот екстремизам и тероризмот се комплексни безбедносни проблеми кој не препознаваат граници, култури, религии или етнички групи, феномени кој не засегаат сите нас и е потребен широк општествен и интегриран одговор, Националниот комитет за спречување на насилен екстремизам и борба против тероризам во подготовката на стратегиите вклучи различни општествени чинители. Активна улога зедоа претставници на државните институции, верските заедници, академската заедница, граѓанскиот сектор и медиумите. Главниот фокус е ставен на спречувањето на радикализацијата која води кон тероризам, јакнење на институционалните капацитети за борба против овие појави, во контекст на безбедноста, стабилноста и просперитетот на државата и граѓаните почитувајќи ги основните човекови права и слободи, пропишани во домашното и меѓународното право. Текстовите на двете национални стратегии и акциски планови се целосно усогласени со стратегијата за спречување на насилен екстремизам и борба против тероризам на Организацијата на обединетите нации и европските стандарди за изработка на ваков тип на документи.

ФФМ ја претстави стратегијата „Обединети од фудбалот 2021-2025“

Ивона Петрова — Thu, 10 Feb 2022 12:37:42 +0000

Фудбалската федерација на Македонија денес ја претстави генералната стратегија „Обединети од фудбалот 2021- 2025“ во која е прикажан пристапот и работата на организацијата во следните пет години. – Сега кога ги остваривме нашите стратешки фудбалски цели и интереси, може да го свртиме погледот кон иднината што сите ја посакуваме за македонскиот фудбал. Заеднички покажавме дека невозможното за нас е можно. Таков е нашето учество во баражот за Светското првенство, поддршката на нашите клубови, изградба на фудбалската инфраструктура, поддршката за нашите фудбалски академии. Во име на ФФМ се борам македонскиот фудбал да оди напред. И покрај тешкиот период и притисокот од пандемијата, нашето фудбалско семејство никогаш не било поповрзано. Целата нација сака успех и во иднина. Репрезентациите кои го донесоа успехот се врвот на нашето работење. Нашите заложби се развој и уште подобри резултати, а тое ќе го направиме во следните пет години со стратегијата „Обединети од фудбалот 2021-2025“, рече во своето излагање првиот човек на ФФМ, Муамед Седјини. ФФМ својата работа во идните пет години ќе ја темели на седум принципи. Нив ги промовира генералниот секретар на ФФМ, Филип Поповски. Седумте столбови на која ќе се базира стратегијата „Обединети од фудбалот 2021-2025“ се: имиџ и вклученост; партиципација; натпреварувања; елитен фудбал; приходи; инфраструктура и добро раководење. Во ФФМ знаат дека реализацијата на зацртаните цели нема да биде лесна, но убедени се дека со посветена работа може да се ФФМ изработи и македонска стартегија за женски фудбал „Повеќе жени повеќе голови 2021-2025“ која ќе ја промовира во наредниот период.

Антовски: Стратегијата на ВМРО-ДПМНЕ е да имаме сопствени производни капацитети за развој на енергетиката

Тале Кристо — Tue, 09 Nov 2021 20:28:39 +0000

Стратегијата на ВМРО-ДПМНЕ е да имаме сопствени производни капацитети. За тие да функционираат нас ни треба да имаме рудници за јаглен, да ги користиме оптимално постојните рудници за јаглен, и да отвориме нови рудници кои што ќе ни помогнат во ситуации како што е оваа енергетска криза, истакна Стевче Антовски, член на комисија за енергетика на ВМРО-ДПМНЕ во емисија на телевизија 24. Антовски додаде дека треба да се залага за отворање на нови производствени капацитети, меѓутоа власта на СДСМ има една усвоена стратегија за развој на енергетиката каде што планира РЕК Битола да го затвори, да не функционира. -Власта има стратегија, план за развој на енергетиката каде што нашите производствени капацитети нема да работат, станува збор за РЕК Битола, ќе биде затворен и нема да функционира. Но проблемот се појавува тука Македонија нема замена за РЕК Битола. А, тоа власта не го осмислила, заклучи Антовски. Антовски посочи дека власта крена раце од РЕК Битола затоа често има хаварии и дефекти таму. -Од власта немаат направено ниту еден производствен капацитет. За овие пет години нема ниту еден киловат час од некоја централа која што е изградена за овие пет години додека СДСМ е на власт, појасни Антовски. Антовски рече дека власта нема започнато ниту еден проект во областа на енергетиката.

СДСМ си поплука по стратегијата, до вчера викаа нема да има одложување на пописот!

Тале Кристо — Mon, 29 Mar 2021 17:04:52 +0000

СДСМ и премиерот Зоран Заев си поплукаа по сопствената стратегија и нивните зборови, кои што до вчера викаа дека нема да има одложување на пописот, бидејќи бил од стратешко значење. Имено, целиот измнинат период премиерот Зоран Заев тврдеше дека не гледа причина да се одложи спроведувањето на пописот, бидејќи тој ќе се организирал по сите протоколи за заштита. -Не гледам никаква причини, дури ни во претпоставени околности за повеќе заболени од просекот, да се одложи процесот на попишување и не треба да се одложи, бидејќи тој ќе се одржи по сите предвидени протоколи и мерки за заштита кои се правени во период кога имавме и по 1800 случаи на ден, истакна на петти март премиерот Заев. Но по долгите вакви тврдења премиерот и владејачката СДСМ, кои до вчера викаа нема одложување, денеска по средбата со лидерот на ВМРО-ДПМНЕ Христијан Мицкоски наеднаш го сменија мислењето и прифатија да биде одложен за наесен, однсно за месец септември. Oва претставува огромна предност за ВМРО-ДПМНЕ и исполнување на нејзините барања. ВМРО-ДПМНЕ ги оствари барањата за пописот и изборниот законик, но вреди да се напомени дека Мицкоски пред се избори за заштита на здравјето на граѓаните. Она што можи да се заклучи после денешната лидерска средба е фактот што претседателот на ВМРО-ДПМНЕ Христијан Мицкоски ја доби битката на зелена маса, притоа демонстрирајќи разумно и одговорно однесување, а соцел и стратегија за излез од кризата во која што се најде Република Македонија. Со прифаќањето за одложување на пописот, за кој СДСМ и Заев тврдеа дека нема причини за одложување на истиот, токму власта си поплука по сопствената стратегија, односно капитулираше пред пред лидерот на опозицијата и нивните барања. По средбата, Мицкоски информираше дека е договорено пописот наместо во април да биде одложен за во месец септември годинава. -Се договоривме пописот да биде одложен. Наместо сега, во месец април, како што е планиран, да се одложи за месец септември како можен период да биде од 5-ти до 30-ти септември, 25 дена. Апликацијата со која се евидентира дијаспората да остане активна до физичкото завршување на пописот, а локалните избори наместо во првата половина од октомври да бидат одложена за втората половина од октомври, истакна Мицкоски по средбата со Заев. Ваквиот исход после денешната лидерска средба претставува капитулација и вистински удар за власта, и се потврдува фактот дека Зоран Заев и СДСМ не фактори во земјата и неможат да носат еднострани одлуки, а на штета на грашаните.

Таравари: Државата нема стратегија да се справи до Ковид пандемијата

Тале Кристо — Fri, 23 Oct 2020 17:47:03 +0000

Градоначалникикот на Гостивар и генерален секретар на Алијансата на Албанците, Арбен Таравари во своето гостуваење во емисијата „Што не е јасно“ зборуваше за Ковид пандемијата во државата и посочи дека Република Македонија е држава со најголем морталитет во регионот, па и во Европа и треба да се размисли кој ги прави грешките. Имено тој истакна дека државата е единствена држава во регионот која нема стратегија како да се постапи доколку од тестираните 20% се позитивни, ако 15% се позитивни од тестираните. -Бројките кои кажуваат како одредени држави менаџираат со кризата, Македонија е рангирана со последен четврт степен на успешност во менаџирањето и мислам дека одговорност треба да се бара од некого. Македонија е мала држвата и треба да се седне да се види кои се најдобрите епидемиолози и најкомпетентни и ако не ја смениме целата комисија барем да бараме таа да се прошири и да се повикаат одредени луѓе без разлика на која партија припаѓаат. Јас гледам во таа комисија тенденцијата е да бидат партиски луѓе и затоа мислам дека треба да се седне да се направи тим кој ќе ни даде најдобри препораки. На Клиниката за инфективни болести вие сеуште немате препораки како да се лекува еден пациент со Кови-19, додаде Таравари.

СЗО ги отфрли обвинувањата дека стратегијата за следење контакти е неефикасна

Тале Кристо — Tue, 30 Jun 2020 07:07:32 +0000

Генералниот директор на Светската здравствена организација (СЗО), Тедрос Аданом Гебрејесус ги отфрли обвинувањата од страна на некои земји дека стратегијата за следење на контактите на заразените со коронавирус е премногу тешка за спроведување и дека е неефикасна во контролата на пандемијата. СЗО повеќе пати ги советуваше земјите дека запирањето на епидемијата на Ковид-19 бара силна стратегија за следење контакти, интензивен процес за пронаоѓање луѓе кои биле во контакт со заразените и нивна изолација. Во последните месеци, земји со голем број заразени лица, вклучително и Велика Британија и Соединетите Американски Држави, посочија дека има премногу контакти за да се најде ефикасен систем што може да се воспостави. Британија се обврза да воспостави систем за следење контакти на почетокот од овој месец, но на крајот се откажа од дигиталната апликација што ја разви за таа цел, а политичарите признаа дека програмата сè уште не работи целосно и покрај тоа што се ангажирани илјадници работници. Во последните неколку недели, британските здравствени власти соопштија дека нивните трагачи за контакти не успеале да дојдат до четвртина од луѓето заразени со вирусот, оставајќи така илјадници заразени да ја пренесат инфекцијата. На прес-конференција, Гебрејесус го наведе директорот за вонредни состојби, д-р Мајкл Рајан, како пример на некој кој е подготвен да започне со долга потрага по контакти, посочувајќи го ангажманот на Рајан за време на епидемијата на ебола во дел од Конго каде вооружени групи напаѓале и убивале здравствени работници. – Тој веруваше дека треба да стори сé за да ја запре еболата и покажа дека спасувањето животи навистина го бара тоа ниво на посветеност, рече Гебрејесус. Тој истакна дека тврдењата на некои земји дека има премногу контакти за пребарување и дека самиот процес е претежок, не се прифатливи. Гебрејесус претходно ги пофали програмите за барање контакти што ги воведоа земји како Јужна Кореја, Сингапур и Кина, во кои беа вклучени тимови здравствени работници кои набљудуваа десетици илјади луѓе и се грижеа оние кои се изложени на вирусот да бидат изолирани. Тој рече дека денеска се навршуваат шест месеци откако Кина првпат го извести СЗО за невообичаени случаи на пневмонија, првиот знак на коронавирус. Оттогаш, повеќе од 10 милиони луѓе се заразени низ целиот свет, а повеќе од 500.000 починаа. СЗО наведе дека пандемијата се „забрзува“, посебно во Америка. – Суровата реалност е дека ова не е ниту приближно до крајот, рече генералниот директор на СЗО, додавајќи дека „најлошото допрва следи“.

Мас: ЕУ мора да прецизира стратегија кон Русија

Тале Кристо — Thu, 05 Mar 2020 16:16:55 +0000

Европската унија мора да прецизира своја стратегија за изградба на односите со Русија, бидејќи без Москва многу прашања не можат да бидат решени, изјави денеска германскиот министер за надворешни работи Хајко Мас на неформалниот состанок на шефови на дипломатии на ЕУ во Загреб. – Знаеме дека сериозни судири, како сирискиот, важни прашања, како климатските промени и разоружувањето, не можат да се решат без Русија. Поради тоа мора да прецизираме наша стратегија кон Русија, истакна шефот на германската дипломатија.

Објавени националните стратегии за спречување на насилен екстремизам и борба против тероризам

Ристе Здравков — Sun, 22 Apr 2018 13:49:19 +0000

Националната стратегија за спречување на насилен екстремизам (2018-2022) и Националната стратегија за борба против тероризам (2018-2022) заедно со акциските планови се достапни на увид за јавноста, соопшти денеска Владата. Двете стратегии беа усвони на 57. седница на Владата, која се одржа на 6 март. Стратешките документи беа изработени од Националниот комитет за спречување на насилен екстремизам и борба против тероризам, кој е раководен од национален координатор за спречување на насилен екстремизам и борба против тероризам, Борче Петревски, кој има двајца заменици едниот задолжен за спречување насилен екстремизам, другиот за борба против тероризмот. Во комитетот партиципираат 22 членови и 22 заменици-членови кои се постојано вработени во 21 министерство и институции на Република Македонија. За време на изготвувањето на документи беа вклучени сите членови на Националниот комитет, експерти посветени на спречувањето на насилниот екстремизам и борбата против тероризмот, како и претставници од граѓанското општество, кои учествуваа на јавни консултации организирани во Скопје и Тетово. Потребата за изготвување на нови национални стратешки документи е со цел да се пренесат активностите во спречувањето на насилниот екстремизам и радикализацијата на полето на превенцијата и да се примени сеопфатен општествен и институционален пристап при справувањето со овие безбедносни феномени.