Стратум – Kurir.mk

Тро-двоински лажговци и 104% плачковци

Љупчо Цветановски — Wed, 11 Oct 2023 09:21:26 +0000

Пискотници се слушаат од Бихаќка до Мала Река (чица). Што мака октомвриска ги збра Таче и Али та гласи тажна ека и навева сал коб и зла? А, ништо страшно, тоа СДССС и ДУИ пак ко попарени запискаа дека не сакаат да одат на предвремени парламентарни избори. Ни под разно. Оти многу биле јаки, абе топ не ги биел. Ако не верувате, прашајте ги оние патолошките од Стратум&лажум. Проверено, 104 насто ќе „тепаат“ на избори. Во 2524 година... Ок. Никој не се изненади од пискотот и тажната ека, оти дотичните се 104% плачковци. Докажано, емпириски. Доказите се по амбасадите и кај хохштаплерите од „анкетната“ партијска агенција која вол не може да убоде и која и претходно „погоди“ силна победа на СДСССС, на локалните избори... И, ај што по тоа не се скрија во некоја зајачка дупка, туку та-даааам, еве ги пак бесрамниците, тресат зелени, лажат-сушат, муљаааат ко навиени. Ве потсетија на афинитетите на идолот им Црпко, оној новокомпонираниот, инфантилен „умоделач“ со фондациите, нели? Крвта не е вода... А, зошто премиерот „никад гласан“ и вечниот командант Алија воопшто и би сакале да има избори во едно? Да заштедат, да превенират уставна криза ли? Па тие се родени за трошење, арамилак и за сооздавање уставни кризи и негова измена, чуму ајваните би се откажале од она што најдобро го знаат, зошто би го криеле талентот непрокопсан? На северните плачковци не им стиска парламентарните да бидат во ист ден со претседателските, затоа што хохштаплерите чија партија ја ничкоса Македонија немаат проблем со трошење на плус ДЕСЕТ МИЛИОНИ ЕВРА народни пари. А, и чуму да имаат, па не се нивни да ги боли, нели? И така, Стокиќ и Алија му помагаат на Ќурка да си купи шанса од „цели“ месец ипол фора за да ги испорача уставните измени заради кои и го поставија мисирот кој ветувал многу, ама на пустиот слабо му оделе исполнувањето и математиката... А, кој ќе биде начинот во натамошниот поход кон уставен дебакл, ново предавство во обид и внос на државоразорни Бугари како државотворен народ во македонската света книга? Епа, онака како што само знаат и умејат ајваните. Ќе тужакаат и кукаат по амбасади, ќе молат, колат, ќе целиваат рачиња и ноџиња, ќе лелекаат за ЕУ, та како тоа ќе ни избегал возот, та како лошите вмровчишта го срушиле перонот, та снемувало јаглен за пустиот „брз“ воз со парна локомотива од 1825-та година... И додека на сите им е преку глава од сервилноста, безрбетништвото, лигавлукот, субмисивноста и патетиката на Тачевци, тие без мака и со голем елан и натаму ќе ја тркалаат и клацкаат насила северната утопија, на мускули, глумејќи дека ступидниот воз се движи, а тој стои во место седма година по ред и одвреме-навреме си вози во рикверц. Од мака... Затоа, кога Битиќи лаже дека имаат дво-третинско мнозинство за Уставните измени, молејќи без срам и перде за поделба на ВМРО и за антимакедонско обединување со оддродите во конечната девастација на Македонија, притоа патетично лажејќи за некакви измислени „мажи“ и жени кои ќе ја оформеле сонуваната им 80-ка во Парламентот, исто е како да рече дека имаат тро-двоинско мнозинство во Собранието, нема разлика. Лага си е лага, била голема или мала. 3/2 е барем трагикомична лага... Да, живееме во паралелни универзуми. Во имагинарниот, утопијски северен свет на патолошките лажговци од Бихаќка тие имаат тро-двоинско мнозинство гласови за Уставни измени, таму Бугарите веќе не не’ условуваат за ЕУ и се ослободители во 2-та светска војна, максималниот број е 104% испитаници во анкета, Преспанскиот договор е победа, Референдумот за името е триумф, Ќуран „тепа“ десет : нула на парламентарни, а државата им е со она ступидното на „С“. Во „нивната“ земја, сверџганистанците се срамат да кажат македонски и Македонија. Во реалноста и за сите останати во државата, СДСССС нема ни дво-третинско, туку бедни 70 пратеници за уставни, Бугарија аздисува без исав и мерка до сто и едно и е фашистички окупатор во војната, во нашиот универзум максимумот е 100% испитаници на јавното мислење, Преспанскиот е капитулација, а Референдумот значеше крик за суверенизам и НЕ! за промена на името. Таму, Таче на парламентарни избори (30 пратеници се плафон) губи ко Груби ставен на детектор за лага, а државата ни се вика МАКЕДОНИЈА. Во нашиот свет е чест и гордост да се каже МАКЕДОНСКИ и МАКЕДОНИЈА и е најголема чест, обврска и аманет да се биде МАКЕДОНЕЦ. Честит нека ни е 11-ти ОКТОМВРИ, ДЕНОТ НА МАКЕДОНСКОТО НАРОДНО ВОСТАНИЕ ПРОТИВ БУГАРСКИОТ ФАШИСТИЧКИ ОКУПАТОР!!! МАКЕДОНИЈА ВЕЧНА!!!

Латас: Анкетата на Стратум е нерелевантна и е направена по партиска нарачка, оваа влада ги брои последните 100 дена

Катерина Бојаџиева — Mon, 09 Oct 2023 18:53:21 +0000

Мене не ме изненадува со оглед дека тоа е Агенција која добила пари од Фондот за иновации. Фондот за иновации знаеме дека е една од институциите која беше меѓу најмногу прозиваните за корупција за делење на пари на медиуми и новинари блиски до власта, вели новинарот Драган Павловиќ Латас за направената анкета од Стратум објавена во неделникот Фокус во вечерашното гостување во емисијата Само вистина на Канал 5 телевизија. Според Павловиќ Латас, анкетата на Стратум е нерелевантна, бидејќи како што рече кога се анкетите во прашање за една анкета да е релевантна мора да се направи сублимат од повеќе анкети за исти или слични прашања и потоа да се земе просекот. И вториот пристап кој според него е важен на сето тоа да се додадат анкетите од странските институции кои имаат силен мониторинг врз процесот на анкетирање и применуваат методи кои се во Европа и САД. Јас кога се анкетите во прашање имам два пристапа. Прво, мора повеќе анкети од повеќе извори, да се направи некаков сублимат и да се извлече некаков просек, доколку има исти или слични прашања. А второ, мора кон тоа да се додадат анкетите од странските институции кои имаат силен мониторинг врз процесот на анкетирање и применуваат методи кои се во Европа и САД релевантни, истакна Павловиќ Латас. Павловиќ Латас рече дека другите анкети покажуваат се слични бидејќи покажуваат голема предност за ВМРО-ДПМНЕ во однос на СДСМ, додека лидерот на опозицијата Мицкоски веќе 2 години според сите анкети е политичар со најголема доверба. Според тие анкети, надвор од оваа на Статум или Фокус, имаме единствени резултати, да кажам многу слични, односно дека ВМРО-ДПМНЕ е некаде двојна предност, а некаде близу двојна предност во однос на СДСМ, од една страна. И од друга страна Мицкоски е веќе 2 години политичар со најголема доверба во јавноста, кажа тој. Латас потенцираше дека за разлика од претходно кога Мицкоски имал мала предност пред поранешниот лидер и премиер на Зоран Заев, сега има убедлива предност пред сегашниот лидер на СДСМ и премиер Димитар Ковачевски. Претходно беше мала предност на Мицкоски пред Заев. Но, сега е убедлива предноста на Мицкоски пред Ковачевски, нагласи Латас. Според Латас анкетата на агенцијата Стратум е нерелевантна и е направена по партиска нарачка на власта за која што рече ги брои последните 100 дена. Значи зборувам за анкетите од Демократскиот американски институт, и од другите странски агенции. Така што оваа на Стратум е исклучок од другите 10 анкети, јас не можам да ја сметам за релевантна, освен по партиска нарачка за власта која како и да гледаш ги бори последните 100 дена, смета Павловиќ Латас.

Анкета за потсмев: Стратум да објасни како вкупниот збир на проценти изнесува НЕВЕРОЈАТНИ 104%

Ивана Ефремовски — Mon, 09 Oct 2023 11:36:22 +0000

Денес беше објавена анкета која предивика потсмев во јавноста. Имено, анкетата која ја спровела агенцијата Стратум Рид, освен што прогнозира дека Ковачевски има највисок рејтинг меѓу политичарите во Македонија има една голема грешка. Збирот на проценти во анкетираните изнесува 104%. Според анкетата, на прашањето за поддршката на уставните измени 50% од испитаниците се изјасниле неутрално, 35% ги поддржуваат, а 19% се противат, што дава вкупен збир од неверојатни 104%!? Јавноста, според реакциите, не е изненадена од оваа грешка кога се работи за агенцијата која ја правела, бидејќи истата агенција во 2021 година тотална ја промаши анкетата пред локалните избори. Тогаш Стратум прогнозираше дека СДСМ има најголема доверба од 26,1% испитаници, 23,8 отсто имаат доверба во ВМРО ДПМНЕ, а за време на изборите СДСМ катастрофално изгуби. Исто така Стратум беше поврзуван и со скандалите со доделените грантови од Фондот за иновации.

АНКЕТА СО 101%: Фирма која доби владини пари штелува анкети во корист на СДСМ

Тале Кристо — Wed, 08 Jul 2020 11:12:33 +0000

Продолжува валканата игра и ширењето лажни власти во полза на власта во предизборниот период. Според денешната анкета на Стратум, коалицијата предводена од СДСМ имаат предност од 2 отсто пред ВМРО-ДПМНЕ и коалицијата. Ваквите бројки би биле во ред, доколку не се погледне вкупниот збир на одговорите што се понудени во анкетата, а кој изнесува вкупно 101 проценти, со што истата ја прави нерелевантна.. Како што се наведува во истата анкета наводно најголем број од испитаниците изјавиле дека ќе гласаат за коалицијата СДСМ БЕСА, 2% помалку од нив изјавиле дека ќе гласаат за Коалицијата на ВМРО ДПМНЕ. Иста разлика од 2% има помеѓу албанските партии ДУИ и Алијанса на Албанците. Инаку, исто така на 2 јули беше објавена друга анкета, во корист на СДСМ кога вкупниот збир на одговорите што се понудени во таа анкета, вкупно изнесуваа 93.9 проценти. Исто така вреди да се напомене дека Стратум пишуваше проекти и на други фирми за Фондот за иноваации