Пендаровски се сретна со Оливера Наковска – Бикова, европската шампионка во стрелаштво

Ивона Петрова — Mon, 21 Mar 2022 11:28:25 +0000

Претседателот Стево Пендаровски денеска ја прими македонската параолимпијка Оливера Наковска –Бикова, која го освои златниот медал на Европското првенство во стрелаштво во Хамар, Норвешка. Честитајќи и за постигнатиот успех, претседателот Пендаровски на средбата со Наковска – Бикова истакна дека нејзиното постигнување е гордост за целата нација и инспирација за сите млади спортисти во нашата држава. Според претседателот Пендаровски, особено радува фактот што Наковска – Бикова го повтори својот успех, 21 година по освојувањето на златниот медал на Европското првенство во Данска во 2001 година и ја надополни импресивната листа на своите спортски достигнувања на државно и на меѓународно ниво, меѓу кои е и освоениот златен медал на Параолимписките игри 2012 година во Лондон. На средбата Наковска – Бикова ги престави и плановите за своите идни настапи.

Поради компликации со коронавирусот: Почина олимписката победничка во стрелаштво

Катерина Бојаџиева — Fri, 09 Apr 2021 16:32:52 +0000

Олимписката победничка во стрелаштво во дисциплината скит Унгарката Дијана Игалу почина на 56-годишна возраст од компликации поврзани со коронавирус, соопшти Унгарската федерација во стрелаштво. Игалу починала денеска, три дена откако била примена во болница. Својот најголем успех во кариерата го постигна на Олимписките игри во Атина во 2004 година, освојувајќи го златниот медал во скит со што стана првата Унгарка која освои злато во стрелаштво. Четири години порано, на Игрите во Сиднеј, ја освои бронзата, а во кариерата четири пати беше светски, а шест пати европски првак со вкупно 32 медали на големите натпреварувања.

стрелаштво – Kurir.mk

Пендаровски се сретна со Оливера Наковска – Бикова, европската шампионка во стрелаштво

Поради компликации со коронавирусот: Почина олимписката победничка во стрелаштво