строги мерки – Kurir.mk

Лекари од Хрватска бараат итно воведување строги мерки

Магдалена Андонова — Wed, 04 Nov 2020 16:07:38 +0000

Шест здруженија и организации на лекари бараат хрватската Влада итно да донесе строги епидемиолошки мерки за спречување на ширењето на коронавирусот, со предупредување дека ќе биде доцна за 30 дена. Во отворено писмо, здруженијата на лекари ја предупредија Владата на Андреј Пленковиќ дека без воведување строги мерки, со продолжување на претходниот раст, на крајот на ноември, на 3.000 пациенти со коронавирус ќе им биде потребна хоспитализација. Тие посочија дека Хрватска нема доволно лекарски тимови и медицински сестри, како и потребната медицинскаопрема за тоа сценарио. -Нема да можеме повеќе да третираме пациенти со Ковид-19, ниту тешки пациенти со други акутни состојби, предупредија лекарите. Доколку веднаш не се преземат строги мерки, нивната проценка е дека болниците за 30 дена нема да можат успешно да лекуваат заболени со коронавирусот, ниту оние кои, на пример, добиваат мозочен удар, срцев удар или се повредени во сообраќајна несреќа.

Во Грција построги мерки за Велигден

Тале Кристо — Thu, 16 Apr 2020 16:40:27 +0000

Од сабота во 21 часот до понеделник на полноќ, за да се спречи непотребно движење на граѓаните и дополнителни ширење на новиот коронавирус за Велигден во Грција казната од 150 евра за прекршителите на рестриктивните мерки двојно се зголемува, а сопствениците на возила може да се соочат со одземање на регистарските таблици, соопшти денеска заменик-министерот за цивилна заштита Никос Хардаљас, јави дописничката на МИА од Атина. Паралелно, соопшти дека особено строги ќе бидат контролите за оние кои го користат исклучокот од забраната за движење, што се однесува на грижа на стари лица, но и уште еднаш го повтори она што континуирано го порачува грчката Влада дека за Велигден, забрането е одење на гости кај роднини и пријатели. Во однос на денешните податоци за ситуацијата со Ковид-19 во Грција, претставникот на Министерството за здравство, професорот епидемиолог Сотирис Циодрас соопшти дека се регистрирани само 15 нови случаи, со што вкупниот број заразени со коронавирусот во земјата е 2.207 лица. Во Грција веќе петти ден се намалува бројот на регистрирани случаи на Ковид-19. Бројот на жртви, денеска се зголеми на 105 лица, откако во изминатите 24 часа починаа уште тројца, додека пак во грчките болници, приклучени на апарати се 69 лица.

Со строгите мерки во Европа се спасени 60.000 животи

Тале Кристо — Sat, 04 Apr 2020 10:58:09 +0000

Социјалното дистанцирање и зголемувањето на капацитетот на болниците е единственото нешто што може во овој момент да го направиме во борбата против коронавирусот, смета словенечкиот инфектолог Андреј Трампуж. Како што јави дописникот на МИА од Љубљана, Трампуж кој е раководител во инфективна болница во Берлин, смета дека со ригорозните мерки за изолација и подобрување на медицинските капацитети во Европа се спасени 60.000 животи. Во интервју за словенечкиот весник „Дело“, Трампуж истакна дека потенцијалната вакцина за коронавирусот можеме да ја очекуваме до крајот на годинава или на почетокот на следната. – Не можеме цела Европа да ја ставиме во карантин, но мора да го намалиме пренесувањето од човек на човек, а ограничувањата ќе мораат да се заоструваат се додека вирусот се шири, изјави Трампуж. Инфектологот смета дека во Италија веќе се гледа пикот на епидемијата и дека очевидни се показателите дека епидемијата таму се става под контрола.

Италија разгледува можност за воведување построги мерки за забрана за движење

Ивона Петрова — Fri, 20 Mar 2020 07:34:48 +0000

Италијанските власти ја разгледуваат можноста да воведат построги забрани за движење откако податоците на телекомуникациските компании покажале дека и натаму на улиците има премногу луѓе. Во Ломбадија, регионот што е најмногу погоден од епидемијата, „40 отсто од луѓето и натаму се движат наоколу“, изјави за РАИ регионалниот секретар за здравство, Џулио Галера. Овие податоци им биле отстапени од телекомуникациските компании , рече Галера, отфрлајќи ја тезата дека станува збор за повреда на приватноста , бидејќи се анонимни податоци, пренесува Хина. -Никој не ги проверува граѓаните во манирот на Големиот брат, рече Галера.