стручен штаб – Kurir.mk

Бадел 1862 го засилува стручниот штаб, Горан Крстевски зачекорува во женската кошарка

Ивона Петрова — Tue, 12 Jul 2022 07:24:33 +0000

Шампионот на Македонија во женска кошарка, Бадел 1862 го засилува стручниот штаб. Ново име во стручниот штаб е Горан Крстевски Кичо, проверен тренер кој по многубројните титули и успеси во машката младинска и сениорска кошарка, реши да зачекори и во женската. -Почестени сме што тоа го прави токму во нашите бои, боите на ЖКК Бадел 1862. Крстевски ќе биде од огромна помош во стручниот штаб кој го сочинуваат тренерите Перо Стамески, Анета Глигорова и Дарко Димитријевиќ, велат од клубот.

Коњановски на средба со фудбалерите и стручниот штаб на ФК Пелистер

Тале Кристо — Fri, 14 Jan 2022 15:25:44 +0000

Фудбалскиот клуб „Пелистер“ со натежнати бројни проблеми се враќа во 100% сопственост на Општина Битола. Градоначалникот Тони Коњановски и директорот на ЈП Водовод Пеце Милевски, присуствуваа на денешниот тренинг на фудбалерите на стартот на подготовките, по што заедно со стручниот штаб на клубот, разговараа за проблемите со кои се соочува ФК Пелистер. Градоначалникот Коњановски, на средбата информираше дека локалната самоуправа во соработка со новата управа на клубот ќе даде комплетна поддршка на функционирањето на ФК Пелистер со цел негова стабилизација и санирање на заостанатите обврски, а во насока на постигнување на високи резултати на клубот во пролетната сезона.

Периќ си замина од стручниот штаб на Вардар

Магдалена Андонова — Wed, 25 Nov 2020 15:29:04 +0000

Тренерот на голманите Дејан Периќ и Вардар 1961 спогодбено го раскинаа договорот, објавија денес „црвено-црните“. – Периќ доби понуда со одлични финансиски услови во Бундеслигата и сакаше да замине, а нашиот клуб не правеше проблеми да го реализира овој трансфер. Пријателите секогаш остануваат во нашите срца. Ти благодариме што беше дел од нашето семејство, стои на фејсбук-профилот на Вардар. Периќ беше дел од втората шампионска титула на Вардар и последните титули во СЕХА Газпром лигата. (МИА)