струга – ќафасан – Kurir.mk

Забрана за камиони на патниот правец Струга-Ќафасан

Дарко Андоновски — Tue, 01 Feb 2022 07:39:02 +0000

Утрово во 06:20 часот на потегот Маврово-Дебар и обратно, поради обилни врнежи на снег, воведена е забрана за движење на тешки моторни возила. Во 07:45 часот се воведува забрана за сообраќај на тешки товарни возила и на патниот правец Струга-Ќафасан.

Забрана за камиони на патот Струга – Ќафасан

Тале Кристо — Fri, 21 Jan 2022 14:37:56 +0000

Од 14.20 часот, поради врнежи од снег, се воведува забрана за сообраќај на тешки товарни возила на патниот правец Струга - Ќафасан, соопшти АМСМ. ВРЕМЕТО УТРЕ: Сончево со мала до умерена облачност, многу студено и ветровито. Попладне облачноста ќе се зголеми, а кон крајот на денот во североисточните делови ќе има повремен слаб снег. Ќе дува умерен, вдолж Повардарието и во источните делови засилен ветер од северозападен правец. Поради ниските температури се очекува појава на голомразица. ВРЕМЕТО ВО СЛЕДНИТЕ ДЕНОВИ: Многу студено и ветровито со умерен до засилен северозападен ветер. Утринските температури на многу места ќе се спуштаат околу -10 степени, а дневните ќе бидат околу и под нулата. Поради ниските температури се очекува појава на голомразица. Повремено ќе има зголемување на облачноста со услови за провејување на слаб снег, особено во вечерните часови и во северните делови, информираат од УХМР.

Забрана за движење на тешки товарни возила на патниот правец Струга-Ќафасан

Дарко Андоновски — Sat, 13 Feb 2021 17:31:26 +0000

Поради врнежи од снег и ниски температури на патниот правец Струга – Г.П. Ќафасан од 17 часот е воведена забрана за сообраќај на тешките товарни возила. За останатите видови на возила, како што соопштуваат од Македонија пат, се препорачува задолжително носење зимска опрема во возилата и нејзина употреба ако условите на патот тоа го бараат.

Пешак загина на патот Струга – Ќафасан

Магдалена Андонова — Tue, 22 Dec 2020 10:11:26 +0000

Педесет и две годишен пешак од Струга загинал во сообраќајна незгода, откако во него удрило мотороно возило во близина на индустриската зона во Струга. СВР Охрид соопшти дека незгодата се случила на 21-ви овој месец во 20 часот и 55 минути на магистралниот пат Струга – Ќафасан, кога непознато моторно возило удрило во пешакот Н.Н.(52) од Струга. – Лицето било пренесено во Општата болница во Струга каде им подлегнало на повредите. Возачот на автомобилот, го напуштил местото на сообраќајната незгода, а по извршениот увид од јавен обвинител и полициски екипи, ОВР Струга презема мерки за расчистување на настанот, изјави портпаролот на СВР Охрид Стефан Димоски. Според првичните информации, возилото продолжило да се движи кон Охрид. (МИА)

Владата повторно излажа: Патот Струга – Ќафасан останува мизерен и опасен

Љупчо Цветаноски — Thu, 28 May 2020 14:10:35 +0000

Патот Струга – Ќафасан и понатаму останува во мизерна и опасна состојба. Од Министерството за транспорт и врски тврдат дека се занимаваат со подготвителните работи, но не даваат конкретен рок кога ќе почне санацијата на овој многу фреквентен пат, пишува АЛСАТ-М. Во март, кога жителите од регионот објавија дека ќе протестираат или ќе го блокираат патот, директорот на Државни патишта, Зоран Китанов рече дека тендерот ќе биде распишан за 20 дена. Денеска повторно прашавме во ова јавно претпријатие кога ќе бидат подготвени за реализирање на проектот. И повторно и по повеќе од два месеци оттаму велат – тендерот не е готов. „Во моментов работиме на проектната документација и на нејзино ревидирање. Очекуваме дека за десетина дена ќе заврши тендерот за избор на најповолен понудувач“, наведуваат од ЈП Државни патишта. Патот Струга-Ќафасан стои уништен со децении, а властите постојано ветуваат дека ќе го рехабилитираат. Оригиналниот текст на АЛСАТ-М можете да го видите на следниот линк.