струмица – Kurir.mk

Пожарникари отстранија гнездо пчели од дрво пред детска градинка во Струмица

Ивана Ефремовски — Fri, 03 Nov 2023 13:15:40 +0000

Струмичките пожарникари денеска отстранија гнездо пчели од дрво на влез во детска градинка во Струмица на улицата „Жртви на фашизмот“. Според информацијата од ТППЕ Струмица, граѓани го пријавиле овој несекојдневен случај, а заради локацијата каде се стационарале пчелите биле преземени мерки за нивно отстранување. -Гнездото пчели е безбедно отстрането, благодарение на наш пожарникар-пчелар, кој со пчеларска опрема го отстрани гнездото. Тие се вдомени во петорамен нуклеус и се однесени во приватен пчеларник, информираше командирот на ТППЕ Струмица, Александар Гудев. Инаку, пчелите биле забележани од граѓани кои ги носат секојдневно децата во градинката и по создадените услови пчелите биле безбедно отстранети. (МИА)

Претрес во Струмица, пронајдена дрога, приведени две лица

Ивана Ефремовски — Thu, 02 Nov 2023 10:17:17 +0000

На 01.11.2023 во 21.20 часот во Струмица, полициски службеници од Секторот за внатрешни работи Струмица ги лишиле од слобода К.К.(23) и Н.П.(20), двајцата од Струмица. При преглед на К.К. бил пронајден и одземен кокаин, додека при претрес во домот на Н.П., извршен со судска наредба, биле пронајдени и одземени кокаин, марихуана, дигитална вага и пари. Лицата биле задржани во Полициската станица Струмица, за настанот бил запознаен Јавен обвинител од Основното јавно обвинителство Струмица и поднесена соодветна пријава.

Во Струмица дневно се вакцинираат околу 70 граѓани против сезонски грип

Дарко Андоновски — Tue, 31 Oct 2023 10:38:04 +0000

Во Струмица дневно се вакцинираат околу 70 граѓани против сезонски грип на три пунктови од кои едниот е во Валандово, кој го покрива Центарот за Јавно здравје во Струмица. Од Центарот информираат дека интересот на граѓаните за вакцинирање е ист како лани, а најголем е кај граѓаните на возраст над 65 години. - На располагање имаме 2.600 вакцини од кои 2.400 се за Струмица, а 200 за Валандово. Покрај највозсрасната група граѓани, бесплатна вакцина примаат и хронично болните, бремените жени, здравствените работници и децата од 6 месеци до 5 години, информира директорот Петре Витанов. Покрај интересот за бесплатното вакцинирање, голем интерес има и за комерцијалните вакцини за кои се плаќа 800 денари. Вакцинирањето против сезонски грип во Струмица почна на 25 октомври.

Кривична пријава против двајца дилери од Струмица

Тале Кристо — Fri, 20 Oct 2023 14:39:04 +0000

СВР Струмица поднесе кривична пријава против А.А.(36) и Н.А.(35), двајцата од Струмица, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 21.06.2023 во близина на Струмица, полициски службеници ги затекнале пријавените и до нив биле пронајдени повеќе стебла од растението канабис кои заедно ги засадиле и одгледувале. Исто така, кај второпријавениот била пронајдена и одземена марихуана.

Претрес во Струмица, пронајдена дрога, лишени од слобода две лица

Тале Кристо — Sat, 07 Oct 2023 10:00:33 +0000

На 06.10.2023 во 22.30 часот во Струмица полициски службеници од Секторот за внатрешни работи Струмица го лишиле од слобода Ј.М. (34) од Струмица, затоа што во патничкото возило „санг јонг“ со бугарски национални ознаки, управувано од негова страна, бил пронајден кокаин. Исто така, на 06.10.2023, врз основа на наредба од судија на претходна постапка, бил извршен претрес во домот на З.Б. (58) во Струмица, поради основи на сомнение дека му ја продал дрогата на Ј.М.. При претресот биле пронајдени повеќе полиетиленски пакувања со кокаин, марихуана, дигитална вага, шприц исполнет со кафеава материја и пари во различни апоени. Ј.М. и З.Б. биле лишени од слобода и задржани во Полициската станица Струмица. По целосно документирање на случаите против нив ќе бидат поднесени соодветни пријави до надлежното обвинителство.

Приведен крадец во Струмица, одземеното вратено на сопствениците

Тале Кристо — Fri, 06 Oct 2023 06:47:02 +0000

На 05.10.2023 во 18.15 часот во Струмица, полициски службеници од Секторот за внатрешни работи Струмица го лишиле од слобода Е.И.(21) од Шуто Оризари – Скопје. Тој се сомничи дека претходно одзел едно моторно возило и извршил тешка кражба во куќа во Струмица, при што одзел повеќе предмети. Кај него биле пронајдени возилото и одземените предмети и биле вратени на сопствениците. Е.И. бил задржан во Полициската станица Струмица и за настанот бил запознаен јавен обвинител од Основното јавно обвинителство Струмица. По целосно документирање на случајот против него ќе биде поднесена соодветна пријава.

Голем пожар на отворено кај Струмица, гори површина од околу 20 хектари во должина од 3 километри

Дарко Андоновски — Sun, 01 Oct 2023 15:44:11 +0000

Околу 13:45 часот во атарот на селата Зубово, Колешино и Сушица избувна голем пожар на отворено при што се зафатени стрништа, сува трева и дрвја. Како што информираа од ТППЕ Струмица, гори површина од околу 20 хектари во должина од три километри покрај реката Струмица. Пожарот го гасне ТППЕ Струмица со четири противпожарни возила и девет пожарникари. -Пожарот е во разгорена фаза, а силниот ветар го забрзува неговото ширење. Моментално е спречено движењето на пожарот кон село Зубово и кон блиските објекти и голем дел од пожарот е под контрола, информираат од ТППЕ Струмица. Продолжува гаснењето на пожарот, а екипи на струмичките пожарникари остануваат на терен до целосно изгаснување на пожарот.

Приведен крадец во Струмица, одземеното ќе биде вратено на сопственикот

Катерина Бојаџиева — Fri, 22 Sep 2023 13:43:37 +0000

Денеска (22.09.2023) во Струмица, полициски службеници од СВР Струмица го лишиле од слобода Н.В. од Струмица. Тој се сомничи дека на 19.09.2023 со употреба на сила влегол во казино во с.Босилово, струмичко и одзел пари. По преземени мерки било дојдено до сознание дека тој е сторителот на делото, по што денеска бил извршен преглед кај него и на неговото работно место во Струмица. Притоа, во неговиот ормар била пронајдена торба со парите, кои ќе бидат вратени на сопственикот. Од него биле одземени и други предмети за кои постои сомнение дека потекнуваат од кривичното дело. Лицето било задржано во полициска станица и по целосно документирање на случајот против него ќе биде поднесена соодветна пријава.

Изгоре автомобил во Струмица

Ивана Ефремовски — Thu, 21 Sep 2023 07:03:32 +0000

На улица „Васил Главинов“ во Струмица утрово во 02:15 часот, изгоре автомобил. Како што информираа од ТППЕ Струмица, пожарот бил во разгорена фаза, а со интервенција со едно против пожарно возило и четири пожарникари е спречено натамошно ширење. Според првичните информации од пожарникарите, причинета е значителна материјална штета. ОД ТППЕ Струмица додаваат дека приодот до местото на пожарот бил отежнат заради паркирани автомобили на пристапните улици и затоа било изгубено драгоцено време за навремена и брза интервенција. Инаку, во текот на вчерашниот ден струмичките пожарникари интервенирале четири пати. Во атарите на селата Градашорци и Василево гаснеле запалена сува трева, во селото Костурино бил запален покрив на куќа, а во атарот на село Дукатино гаснеле запалена нискостеблеста шума.

ВЕНЧАНИТЕ СЕ НЕВЕНЧАНИ, КРСТЕНИТЕ НЕ КРСТЕНИ: Лажен поп од Струмица работел на црно во Италија!

Дарко Андоновски — Thu, 17 Aug 2023 12:53:44 +0000

Македонските православните верници во Италија кои се крстени или венчани од струмичкиот свештеник Боро Милчев се изманипулирани, информираат од МПЦ-ОА. Тие потсетуваат дека свештеникот бил расчинет уште во 2021 година, а дека во меѓувреме пред Македонците во Италија се претставувал дека е расчинет само од Струмичката епархија, но дека служи со „благослов“ на самиот Архиепископ. Ги информираме излажаните верници да го контактираат единствениот канонски свештеник на МПЦ – ОА во Пјаченца, отец Климент Мишањ, или пак, во епархиите на МПЦ – ОА во нашата татковина од каде што потекнуваат, да се крстат и венчаат во Православната Црква, оти не може во име на Црквата да прави ништо оној што отпаднал и е надвор од Црквата, како што е Боро Милчев. А, што се однесува до оние што свесно го креираат тоа расколничко дувло и го потпомагаат овој расколник, по соодветниот допис од Европската православна епархија на МПЦ – ОА, во нашата Црква ќе бидат третирани исто како и расчинетиот Боро Милчев, сѐ додека не се покајат и вратат во послушание кон МПЦ – ОА. МПЦ уште еднаш ја објави одлуката и решението за расчинување на Милчев потенцирајќи дека се што направил тој во меѓувреме нема легитимност од Црквата односно децата што ги крстел остануваат некрстени, а венчаните остануваат невенчани.