струмички компании – Kurir.mk

Димитриеска-Кочоска: И штедачите на Еуростандард Банка потврдија дека повеќе од 8 милиони евра завршиле кај само една групација на струмички компании

Ивона Петрова — Tue, 03 Nov 2020 10:04:32 +0000

Постои една народна поговорка "На лагата кратки и се нозете". Па ако ја знаете уште од најрано детство ќе остане за навек врежана во главата, пишува на Фејсбук, Гордана Димитриевска-Кочоска од ВМРО-ДПМНЕ. Дека ништо не останало скриено е исто така реченица со која пораснав. И еве денес повторно таа реченица докажува дека ништо скриено не останало. Во средината на месец август, кога се објави стечајот за Еуростандард банка, ВМРО-ДПМНЕ беше прво кое информирше дека најголемите пари завршувале во струмички компании, а сега гледаме дека и штедачите на банката дојдоја до тие информации и дадоја податок плус дека повеќе од 8 милиони евра завршиле кај само една групација на струмички компании. Уште колку ненаплатливи кредити завршиле по струмички фирми? Дали овие пари се проневерени со цел да се финансира кампањата на владејачката структура оваа а и изминатите години бидејќи овие активности не биле само во тековната година. Дали конечно гувернерката ќе не удостои со коментар плус во однос на овој случај за кој не добивме никакво објаснување. Кога ја споменувам лагата веднаш ме асоцира на уште едно име. Затоа во овој пост ќе те споманам и тебе Венко Филипче, дај си оставка не се брукај. Времето покажува и докажува и за тебе дека си неспособен менаџер кој не гледа ништо подалеку од сопствениот џеб. Греота е да трошиш енергија на нешто за кое и тие твои папагали од видеото знаат дека нема фајде, не е Гордана крива за овој хаос. Овој хаос во здравството има само едно име, а тоа е Венко Филипче. Човекот кој со потпишана 1,1 милјарда евра не успеа да се справи со кризата. Нема друг таков во европа на кој во техничка влада му беа потпишани толку пари за справување со корона. А овој хаос во државата кој произлегува од мафијашки активности, пропаѓање на банка, криминални тендери, поткуп на избори, премногу жртви од корона има исто така едно име, тоа е СДС.

„Струмички компании се богателе со кредити без покритие од Еуростандард банка за чие пропаѓање прстот се вперува во Владата“

Дарко Андоновски — Thu, 27 Aug 2020 18:28:54 +0000

ВМРО-ДПМНЕ преку факти на денот денеска објавува дека струмички компании се богателе со кредити без покритие од Еуростандард банка за чие пропаѓање прстот се вперува во Владата. Факти кои го одбележаа денот:

Струмички компании се богателе со кредити без покритие од Еуростандард банка за чие пропаѓање прстот се вперува во Владата.
Културните работници се уште без плата, се чувствуваат излажани од СДСМ и бараат исполнување на ветеното.
Министерството за образование склучувало зделки во 4 очи вредни милиони евра.
Здравството пред колапс: Во второто тромесечје починале двојно повеќе бебиња од првото тромесечје.
Средношколците протестираат од понеделник.

„Кои струмички компании имале кредити без покритие во Еуростандард банка и како тие се поврзани со власта“

Тале Кристо — Fri, 14 Aug 2020 12:11:41 +0000

Пропаѓањето на Еуростандард банката е настан кој што потсетува на оние од 90-тите години. Најцрните години за македонската економија. Слушнавме и за немил настан во Кавадарци во експозитурата на Еуростандард банка, настан кој потсетува на случките со штедилницата ТАТ. Колку и да е банкарскиот сектор во моментов регулиран, повторно останува фактот дека сето ова се случува во период на сериозна економска и здравствена криза, истакна на денешната прес-конференција Гордана Димитриеска Кочоска, претседател на Комисијата за материјално финансиско работење на ВМРО-ДПМНЕ. Во продолжение интегрално ви ја пренесуваме целата изјава на Димитриеска Кочоска: Воедно слушнавме и дека на само месец и половина пред пропаѓање на банката министерката за финансии ги извадила последните заштеди од банката. Но многумина штедачи ја немаа таа информација и нивните пари сега пропаднаа. Ја прашуваме гувернерката: -Кога адвекватноста на капиталот на Еуростандард банка падна под законскиот минимум. -Зошто одлуката за одземање на лиценцата на Еуростандард банка се прави во овој момент и зошто истото не се направи пред избори. -Кого штитеше гувернерката во последната година ако се земе предвид дека еден од сопствениците на банката јавно кажува дека овој проблем постои веќе една година. -Дали толку време беше потребно избрана група на луѓе и компании да ги повлечат своите средства и да ја прекинат соработката со банката, како што е случајот со министерката за финансии. Истовремено самата гувернерка признава дека нефункционалните кредити се 4,7% од вкупните кредити, од кој цел еден процент отпаѓал на само една банка Еуростандард банка. Значи некој свесно дозволил давање на кредити без покритие, а од вкупните нефункционални кредити де факто над 21% отпаѓа на банка која гувернерката вели дека е незначајна за банкарскиот систем врз основа на тоа што Еуростандард банка со состојба на 30 јуни 2020 година учествува во вкупната актива, вкупните депозити и вкупните кредити на банкарскиот систем, со 1,3%, 1,7% и 1,6%, соодветно. Зошто е толерирано волку мала банка да има толку нефункционални кредити. Добро е и да се види кои струмички компании имале кредити без покритие во Еуростандард банка и како тие се поврани со власта. Колку компании се уништени со оваа одлука и колкав е износот на депозити на правните субјекти и физички лица кои не се гарантирани и кои не можат да ги повлечат. Кој ќе сноси одговорност за влошување на состојбата во бизнис секторот кој и онака трпи сериозни последици. Воедно се отвораат и други дилеми, кој ќе преземе одговорност за ширењето на корона вирусот кога над 55,000 граѓани веќе трчаат во други банки да отвораат сметки. Кој ќе сноси одговорност доколку дел од овие граѓани поради целиот овој хаос останат без приходи следниот месец? Она што исто така загрижува е и што ќе се случува со македонска пошта. Граѓаните знаат дека во македонска пошта можеше да се плаќа сметки. Но тие незнаат дека системот кој што македонска пошта го користеше е на Еуростандард банка. Колку оваа одлука ќе има влијание на ликвидноста на македонска пошта и дали ќе влијае на бројот на вработени? Воедно со оваа одлука која се носи во најголема здравствена и економска криза без работа остануваат околу 170 вработени кои имаат свои фамилии. Почитувани, оваа одлука отвора сериозни прашања за кои ние деновиве не добивме одговор, истакна Димитриеска Кочоска.