„Да престанат претставите по улиците“: Актерите од Струмица покажаа незадоволство од директорот

Ивана Ефремовски — Fri, 12 Mar 2021 19:35:29 +0000

Со перформанс на градскиот плоштад актерите од струмичкиот театар уште еднаш го изразија нивното незадоволство од одлуката за директор да биде назначен наставник по физичка култура. Побараа да престанат претставите по улиците и да се одиграат таму каде што им е местото со векови и милениуми, во храмот на божицата Талија. Велат борбата за професионализам и докажување на вистината ја водат минувајќи низ тежок пат но убедени се дека вистината е на нивна страна, а културата им припаѓа на културните дејци. Иницијативата Култура или фис култура струмичките актери ја покренаа пред околу два месеци во знак на протест против одлуката на ресорното министерство да назначи директор на центарот за култура кој според актерите согласно неговото формално образование не е соодветен за таа позиција. Иницијативата ја поддржаа над 300 културни работници од целата држава, а беа одржани и повеќе протести Прилогот на Сител погледнете го во продолжение:

Комисија за култура на ВМРО-ДПМНЕ го поддржува протестот на актерите од Струмичкиот театар и иницијативата „Фис-култура или култура“

Магдалена Андонова — Tue, 02 Feb 2021 14:49:11 +0000

И после 4 годишната агонија со некомпетентни министри за култура, се појави мала надеж дека актуелната министерка Стефоска, можеби ќе внесе малку свежина и цврста рака во секторот култура. Но, надежта набргу згасна. Доцнењето на плати, агонијата со колективниот договор и неговото лошо спроведување, неизвесност во културните институции за време на пандемијата, скандалите со УНЕСКО, фалсификатите, но и поставувањето на партиски фискултурни директори само потврдија работата оди на полошо и дека конечно мора да се слушне силниот глас на огромниот број на уметници и здрженија од културата кои јасно кажуваат: Е доста е! Како Комисија за култура на ВМРО-ДПМНЕ го поддржуваме протестот на актерите од Струмичкиот театар и иницијативата „Фис-култура или култура“ и апелираме до сите културни работници, да се огласат и за сите други вакви незаконитости во останатите институции. Апелираме да се потсетат на скандалозниот Предлог-закон за остварување на јавниот интерес во културата кој е во собраниска процедура, во кој јасно стои намерата дека сите овие скандали се само најава за она што следува понатаму. Со овој Предлог-закон само ќе се даде легитимитет на кримналните политики на СДСМ во културата. Културата во Македонија мора да ја водат единствено работниците од културата! Центар за комуникации на ВМРО-ДПМНЕ

струмички театар – Kurir.mk

„Да престанат претставите по улиците“: Актерите од Струмица покажаа незадоволство од директорот

Комисија за култура на ВМРО-ДПМНЕ го поддржува протестот на актерите од Струмичкиот театар и иницијативата „Фис-култура или култура“