Струмичко – Kurir.mk

Приведен крадец во струмичко, украденото вратено на сопствениците

Тале Кристо — Sat, 16 Sep 2023 09:55:01 +0000

На 15.09.2023 во 15.30 часот во село Просениково, струмичко, полициски службеници од Секторот за внатрешни работи Струмица го лишиле од слобода Л.Ѓ.(22) од село Ерџелија, општина Свети Николе. При преглед на простор во кој престојувал, како и во нива во атар на село Просениково, биле пронајдени предмети кои потекнуваат од тешки кражби извршени ноќта помеѓу 14/09 и 15.09.2023 на подрачје на Струмица. Одземените предмети се вратени на сопствениците, за настанот е известен јавен обвинител од Основното јавно обвинителство Струмица и по целосно документирање на случајот против лицето ќе биде поднесена соодветна пријава.

Пронајдени двете девојчиња од струмичко

Ивона Петрова — Mon, 08 May 2023 22:15:26 +0000

Двете малолетни девојчиња кои попладнево беа пријавени за изгубени во Скопје, се пронајдени кај Рампа во Кисела Вода. Како што е познато, девојчињата од струмичко биле дојдени на екскурзија во Скопје, а последен пат беа видени кај ТЦ Веро Џамбо. Нивното исчезнување во полиција го пријавила наставничката. Според последните информации, А.Ј (12). и Р.И (14) биле исплашени, но во добра состојба.

Две малолетнички од струмичко изгубени во Скопје: Апели за помош на социјалните мрежи, полицијата на терен

Ивона Петрова — Mon, 08 May 2023 19:37:36 +0000

Две малолетнички од струмичко денеска попладнево во полиција се пријавени за изгубени. Според информациите, девојчињата биле дојдени во Скопје на екскурзија, а последен пат се видени пред ТЦ Веро Џамбо. Станува збор за А.Ј (12). и Р.И (14). -Денеска (08.05.2023) околу 16 часот во СВР Скопје е пријавено дека на територија на Центар се изгубиле две малолетнички од струмичко кои биле дојдени на училишна екскурзија во Скопје. Според пријавата на нивната професорка Е.А., последен пат ги видела пред ТЦ Веро Џамбо. Се преземаат мерки за пронаоѓање на малолетничките, велат од МВР за Курир. На социјалните мрежи се споделуваат апели за помош за нивно пронаоѓање и фотографии од девојчињата.

Почна бербата на лутите пиперки во Струмичко

Ивона Петрова — Fri, 13 Jan 2023 10:24:58 +0000

Деновиве почна бербата и откупот на лутите пиперки во Струмичко, кои годинава стасаа порано за повеќе од еден месец во споредба со лани. Според производителите, раната берба на оваа пиперка се должи на комбинацијата на релативно топлото време за овој период од годината и топлата вода од термалните извори во близина на селото Банско, каде најмногу е засадена под пластеници и фолии во регионот. -Засега откупната цена е околу десет денари за парче, но годинава почнавме со берба многу порано, иако некои производители се уште се во фаза на расадување и ја очекуваат првата берба. Се надевам дека оваа откупна цена на лутата пиперка ќе остане и понатаму во екот на бербата, вели Даме Тренчовски, производител на лути пиперки од селото Банско. Покрај лутата пиперка, во Струмичко во тек е расадувањето на пролетната зелка, која за берба обично стасува кон крајот на март и почетокот на април.

Приведени три лица од струмичко за пустошење на шума

Тале Кристо — Sat, 24 Dec 2022 12:39:55 +0000

На 23.12.2022 во 14.00 часот на место викано „Варница“, во атар на село Варварица, струмичко, полициски службеници од Полициска станица Радовиш ги лишиле од слобода Д.С.(22), С.С.(43) и З.С.(43), сите од село Баница, струмичко. Лицата биле затекнати како со повеќе запрежни возила превезуваат вкупно 25 метри кубни бесправно исечени дабови огревни дрва, а кај нив биле пронајдени и одземени и неколку моторни пили. Дрвата и запрежните возила се пренесени во склад на Јавното претпријатие „Национални шуми“ во Струмица. Трите лица се приведени и задржани во полициска станица Струмица, а во координација со Јавен обвинител по целосно документирање на случајот против нив ќе биде поднесена пријава поради постоење основи на сомнение дека сториле кривично дело „пустошење на шума“, по член 226 од Кривичниот законик.

Тешко повреден мотоциклист од струмичко, удрил во паркиран автомобил

Тале Кристо — Tue, 20 Sep 2022 15:45:31 +0000

На 19.09.2022 во 15.50 часот во СВР Струмица било пријавено дека на улица „24-ти Октомври“ во Струмица, М.К.(25) од село Дабиле, струмичко, управувајќи мотоцикл „сузуки“ со струмички регистарски ознаки, удрил во паркирано патничко моторно возило „шевролет“ со струмички регистарски ознаки. Во несреќата со тешки телесни повреди се здобил мотоциклистот, кој бил пренесен во Медицински центар Струмица, а увид на местото извршила екипа на Полициската станица Струмица.

Привршува бербата на пиперката „ајварка“ во Струмичко

Тале Кристо — Tue, 20 Sep 2022 13:00:42 +0000

За десетина денови се очекува да заврши бербата на отворено на пиперката „ајварка“ во Струмичко, а таа што беше засадена под пластеници веќе е собрана и продадена. Откупните цени се исти со ланските, па прва класа пиперка за преработувачките капацитети и откупните пуктови се откупува од 30 до 35 денари за килограм, а втората од 20 до 25 денари. Производителите велат дека се задоволни од побарувачката за оваа пиперка, но од цените не се, бидејќи во споредба со лани производствените трошоци се неколкукратно зголемени. -Освен откупните цени, голем проблем за земјоделците се и лошите временски услови, посебно последните дождови, кои многу лошо се одразија на квалитетот на “ајварката“ на отворено. Производството е при крај, но добро е што има интерес за неа и трговците ја откупуваат. Сепак, откупните цени требаше да бидат повисоки од лани за да можат земјоделците да ги покријат трошоците, кои се зголемени за неколку пати во споредба со лани, како што е цената на ѓубривата и другите репроматеријали, рече Ристо Велков, од Сојуз на синдикат на земјоделски производители Струмица. Инаку, од година во година производството на оваа пиперка се намалува, а годинава на тоа влијаеја и екстремно променливите временски услови. Штети и намалување на приносите има кај оние прозводители кои навреме не ги наводнувале посевите и не извршиле навремено прихранување, а според досегашните сознанија производството на „ајварката“ е помало од лани за околу 20 до 30 отсто.

Продолжува трендот на стабилни откупни цени на градинарските култури во Струмичко

Тале Кристо — Thu, 28 Jul 2022 11:07:42 +0000

Продолжува трендот на стабилни откупни цени на градинарските култури во струмичко. Доматите се откупуваат од 50 до 60 денари за килограм, пиперките од 20 до 30 денари, црвената пиперка од 45 до 50, краставиците од 40-50, а лубениците по 7 денари за килограм. Според трговците, овој тренд на стабилни и повисоки откупни цени се должи на намаленото производство, но и на зголемените барања на пазарите. -Освен лубеницата, сите други култури држат цена, а најкарактеристичен е доматот кој само пред еден месец се откупуваше за 30 до 40 денари за килограм, а сега достигна откупна цена од скоро едно евро. На ниските откупни цени на одредени култури влијае е доцното стасување на производството како што е со љубеницата, која сега ја има и во другите балкански земји, а кај нас единствено порано стаса во Валандовско и Гевгелиско каде откупот почна со 15 денари и заврши на осум денари за килограм, објаснува трговецот Благој Витанов од од компанијата „Империјал фруит“. Додава дека во овиј период нема летна зелка и покрај барањата од странските купувачи,а пред крај е и бербата на краставиците и зелените пиперки. Витанов информира дека по подолго време има мал извоз на градинарски култури и овошје, пред се праски, во Украина и Русија, но тие количини се мали во споредба од лани. Инаку, градинарските култури од Струмичко се извезуваат во сите земји на Балканот, како и други земји во ЕУ.

УШТЕ ЕДНА ТРАГЕДИЈА ВО СТРУМИЧКО: Маж починал при изведување на градежни работи на куќа во с.Баница

Тале Кристо — Thu, 09 Jun 2022 15:59:18 +0000

На 08.06.2022 во 18.26 часот во Полициската станица Струмица било пријавено дека во Медицински центар Струмица бил донесен починат К.В.(50) од с.Баница, струмичко. Според пријавеното, тој се здобил со повреди при изведување на градежни работи на куќа во с.Баница, од кои починал. Лекар од Итна помош констатирал смрт, а увид на местото на несреќата извршила екипа на СВР Струмица.

Маж пронајден во безживотна состојба: Според првичните информации настапила насилна смрт, ќе се врши обдукција

Магдалена Андонова — Wed, 08 Jun 2022 08:16:17 +0000

Дежурен јавен обвинител од Основното јавно обвинителство Струмица изврши увид во местото викано Ореш, во атарот на струмичко Ново Село, каде ноќеска беше пронајдено безживотно тело на починато машко лице. Според првичните сознанија, кај лицето настапила насилна смрт. По наредба на јавниот обвинител, врз телото на починатиот ќе биде извршена обдукција со цел да се утврдат точните причини за смртта. Од лице место се прибрани траги и материјални докази за кои е издадена наредба за вештачење, а се преземаат и други дејствија за откривање на сторители.