струшка болница – Kurir.mk

Разрешен директорот на струшката болница по случајот со родилката

Ивона Петрова — Wed, 17 Mar 2021 10:30:26 +0000

Министерот за здравство Венко Филипче на денешната прес-конференција истакна дека во врска со случајот со родилката во Дебар, вчера донесол одлука за формирање на нова Комисија. -Првата комисија беше формирана од МЗ преку Лекарската комора, но со оглед на неколку интервенции прво од семејството на родилката, но и од неколку институции (Хелсиншки комитет), новата комисија ќе ја водат директорите на КАРИЛ, Урологија, Гинекологија и ќе треба да направат анализа на случајот. Донесена е одлука да се разреши директорот на струшката болница и нов ќе се назначи во текот на денешниот или утрешниот ден, рече Филипче.

Стоилковски: Уште колку животи да бидат ризикувани за Филипче да побара одговорност од „доктор Менгеле“ во Струга?

Ивана Ефремовски — Wed, 20 Jan 2021 12:15:30 +0000

Наум Стоилковски, портпарол на ВМРО-ДПМНЕ денес одговараше на новинарско прашање преку кое беше побаран негов коментар за развојот на скандалот поврзан со работењето на директорот на струшката болница. -Сведоци сме на уште еден скандал кој што доколку не излезеше во јавноста преку медиумите, институциите се уште топката ќе си ја префрла меѓу себе онака како што тоа го правеа повеќе од половина година, а сега гледаме дека можеле да реагираат. Тоа покажува само едно и води кон индиции дека директорот на струшката болница ужива заштита. Тој е поставен од министерот Венко Филипче и толериран од министерот Венко Филипче. Па колку животи треба да се жртвуваат за Филипче да побара одговорност, што треба се да се случи и се да излезе во јавноста и уште колку животи да бидат ризикувани за Филипче да побара одговорност од како што го нарекуваат „доктор Менгеле“ во Струга, истакна Стоилковски.

Стоилковски: Истрага и одговорност за скандалот со струшката болница, криминал и политички врски не смеат да бидат поважни од животот

Ивана Ефремовски — Thu, 14 Jan 2021 12:14:35 +0000

Од портпаролот на ВМРО-ДПМНЕ, Наум Стоилковски, денес преку новинарско прашање беше побаран коментар за случајот во струшката болница, за одговорност на директорот за компликации кој што не се истражени. Ова е неговиот одговор: „Скандалозниот случај во струшката болница мора да се истражи веднаш и доколку се утврди вина да се побара одговорност. Но, она кое што загрижува е што случајот е од август месец минатата година и за жал сеуште нема никаква разрешница. Зошто речиси половина година институциите молчат, молчи Министерството за здравство, молчи Државниот инспекторат, молчи министерот Филипче. Да биде скандалот поголем Државниот санитарен и здравствен инспекторат одговорноста да го испита овој случај ја префрла во ноември до Министерството за здравство барајќи да се направи стручен надзор за овој случај и истиот да изготви извештај. Но, за жал немало извештај, што остава сомнеж дека Министерството за здравство и министерот Филипче се обидуваат да го забошотат овој случај и некого да го заштитат од одговорност. Зошто Филипче молчи за скандалозниот случај во струшката болница од август месец и за барањето од Државниот здравствен и санитарен инспекторат. Срамота е, се работи за здравје и живот на граѓаните. Никако не може евентуален криминал, политичка врска или било што да биде поважно од еден човек. Молкот на Филипче го прави тој да биде соучесник“.