струшко – Kurir.mk

Приведен малолетник од струшко, кај него пронајден гасен пиштол

Катерина Бојаџиева — Mon, 30 Jan 2023 14:20:02 +0000

Денеска (30.01.2023) околу 07.20 часот на ул.„Пролетерски бригади“, во близина на средно училиште во Струга, полициски службеници од Полициската станица Струга привеле малолетник од струшко село затоа што кај него бил пронајден гасен пиштол. По целосно документирање на случајот, против него ќе биде поднесен поднесок по член 80 од Законот за оружје.

Трагедија во струшко: Вработен во фабрика починал од струен удар

Тале Кристо — Sat, 28 May 2022 14:37:55 +0000

На 27.05.2022 во 10.00 часот било пријавено дека во двор од фабрика во с.Враништа, струшко, во близина на електричeн ормар, е пронајден починат вработениот Д.Р.(59) од с.Враништа, најверојатно од струен удар. Од страна на лекар од Итната медицинска помош била констатирана смрт без видливи траги на насилство. Извршен бил увид од увидна екипа од Полициската станица Струга, Трудов инспектор, вештак по електротехника и Јавен обвинител, по чија наредба телото на починатиот е предадено за обдукција.

Имале нерешени имотно-правни односи, нападнат дедо во струшко

Ивана Ефремовски — Wed, 25 May 2022 17:22:42 +0000

На 24.05.2022 во 15:22 во Полициското одделение Велешта, Е.К.(71) од с.Лабуништа, струшко, пријавил дека во истото село бил физички нападнат од Џ.С. од с.Лабуништа поради нерешени имотно-правни односи. Се преземаат мерки за расчистување на случајот.

Приведено лице од струшко за издржување на затворска казна

Тале Кристо — Sat, 15 Jan 2022 11:48:24 +0000

На 14.01.2022 во селото Праленик, општина Центар Жупа, од страна на полициски службеници од ОВР Дебар е приведен Е.Ј.(35) од селото Праленик. За него била издадена наредба од Основниот суд во Дебар, со која се барал за издржување казна затвор. Е.Ј. е спроведен во Казнено-поправната установа „Затвор-Струга“ за издржување на казната.

Случајни минувачи спречиле сериозен напад во струшко

Ивана Ефремовски — Mon, 19 Jul 2021 15:32:39 +0000

Надворешната канцеларија за криминалистички работи Струга поднесе кривична пријава против А.М.(37) од с.Октиси, струшко, поради постоење основано сомнение за сторено кривично дело „загрозување со опасно орудие при тепачка или караница“. На 14.05.2021 на локален пат с.Октиси - с.Долна Белица, пријавениот со тврд предмет се обидел да го нападне Е.И.(37) од с.Октиси, но бил спречен од случајни минувачи.

Претрес во струшко, пронајден пиштол

Дарко Андоновски — Wed, 09 Jun 2021 12:42:29 +0000

На 08.06.2021, полициски службеници од СВР Охрид го лишиле од слобода М.Ч.(42) од струшкото село Драслајца, При претрес во неговиот дом, извршен со судска наредба, полициски службеници пронашле и одзеле пиштол и 10 куршуми калибар 16 милиметри за ловна пушка кои нелегално ги поседувал. По целосно документирање на случајот против него ќе биде поднесена соодветна пријава.

Слика со претседателски кандидат и графит во Струшко- полицијата презема мерки за расчистување на двата случаја

Дарко Андоновски — Sat, 20 Apr 2019 11:28:37 +0000

Во Полициската станица во Струга денеска е пријавено дека во близина на основното училиште „Дедо Лазар Циркоски“ во село Враниште е закачена слика на еден од претседателските кандидати, како и дека е испишан графит во врска со претстојните избори. Според портпаролот на СВР Охрид Стефан Димоски, и на бандера во близина на основното училиште „Јонче Крежоски“ во село Мислешево бил испишан графит во врска со претстојните избори. -Полицијата презема мерки за расчистување на двата случаја, истакна Димоски.

Куќа, четири плевни и нискостеблеста шума изгореа во пожар во струшко

Ивана Ефремовски — Fri, 22 Mar 2019 13:48:29 +0000

Куќа и четири плевни биле биле зафатени од пожар во струшкото село Мороишта. Пожарот, како што соопшти денеска СВР Охрид се проширил од нива лоцирана во близина на селото. -Во пожарот целосно изгореле и над 10.000 квадратни метри нискостеблеста вегетација, кабли од електрични столбови, земјоделски алати, покуќнина и други предмети. Пожарот бил локализиран од Територијалната противпожарна единица од Струга, информира полицијата. Струшката полиција и Јавен обвинител вчера извршиле увид на местото, а Полициската станица презема мерки за расчистување на случајот.

Обид за бугарски воз во струшко

Матеја Петровски — Sun, 30 Sep 2018 18:55:34 +0000

Полицијата во струшкото село Мислешево спречи обив за „бугарски воз“.

Денеска во 17:15 во СВР Охрид било пријавено дека на гласачкото место број 1863/1 во основното училиште „Јован Крежески“ во село Мислешево, А.М.(32) зел гласачко ливче и ливчето го ставил во џеб, а се обидел други две различни ливчиња да стави во гласачка кутија, но не успеал.

После тоа, тој го напуштил местото. Се преземаат мерки за расчистување на настанот.

Стебла марихуана пронајдени на фарма во струшко, едно лице лишено од слобода

Матеја Петровски — Fri, 24 Aug 2018 08:39:27 +0000

Во текот на вчерашниот ден во периодот од 17:30 до 19:00 часот, врз основа на судска наредба, полициски службеници извршиле претрес во фарма сопственост на К.М.(52) од с.Корошишта, струшко, на место викано „Вогељ Чешме“, атар на с.Корошишта, информираат од МВР. Од МВР информираат дека при претресот, под пластениците биле пронајдени 10 стебла најверојатно од растението „Канабис Сатива“. К.М. бил лишен од слобода, а по целосно документирање на случајот против него ќе биде поднесена соодветна пријава.