студен бран – Kurir.mk

УШТЕ ТРАЕ СТУДЕНИОТ БРАН: Грција се соочува со несвојствено ниски температури

Ивона Петрова — Mon, 21 Mar 2022 10:12:44 +0000

Четврти ден по ред, Грција е зафатена од студен бран со несвојствено ниски температури за овој период од годината и можност за локални врнежи од снег, дури и во деловите со мала надморска височина, според податоците од Националната опсерваторија во Атина и порталот Метео, јави дописничката на МИА од Атина. За време на викендот, ниските температури донесоа и снег во речиси сите делови на областа Атика, поширокиот регион на Атина, а според прогнозите и во текот на денешниот ден се очекува облачно и студено време, со дожд или лапавица во приморските и ниски области. Во текот на денешниот ден, според Националната опсерваторија, најниски температури, до 11 степени под нулата се очекуваат во северна Грција.

ПОДГОТВЕТЕ СЕ: УХМР најавува студен бран, со пообилни врнежи од снег

Магдалена Андонова — Sun, 09 Jan 2022 11:35:24 +0000

Кон крајот на денот и во текот на ноќта во западните делови од земјава ќе има пообилни врнежи кои на повисоките места и на планините ќе бидат од снег, соопшти УХМР. Утре ќе се задржи облачно со пообилни врнежи, локално над 25 литри на метар квадратен, кои во западните и северните делови, како и на повисоките места ќе бидат претежно од снег. Ќе се формира нова снежна покривка, особено во западните делови (и во Полог и Пелагонија). Повремени врнежи од снег ќе има и во делови од Скопската Котлина. Ќе почне да дува умерен северен ветер кој во вторник и во среда ќе биде засилен. Повремен локален снег ќе има во вторник, а од среда времето ќе биде стабилно со ниски утрински температури, на места и под -10 степени, а и дневните на места ќе останат негативни.

Ни доаѓа студен бран – еве какво време не очекува до сабота, особено наоблечете се во среда и четврток!

Дарко Андоновски — Mon, 20 Dec 2021 12:16:56 +0000

До сабота во државава ќе преовладува стабилно и суво време. Ведрото време, како што велат од УХМР, ќе услови во следните денови утринските температури да бидат ниски, особено во среда и четврток кога на места ќе се спуштаат и под минус 11 степени. Во петок и за време на викендот по одделни котлини ќе има појава на магла.

СЛЕДУВААТ МИНУСНИ ТЕМПЕРАТУРИ – еве какво време не очекува за време на викендот, особено од понеделник следува поларен студ!

Дарко Андоновски — Wed, 15 Dec 2021 11:22:14 +0000

Следува период на умерено до значително облачно и студено време со умерен до засилен северен ветер, најизразен вдолж Повардарието. Во петок попладне, во текот на ноќта и во сабота ќе има повремени локални врнежи од снег, информираат од Управата за хидрометеоролошки работи – Скопје. Минималната температура во петок ќе се движи од минус 5 до 3 степени, а максималната од 3 до 11 степени. Во сабота, слично време со минимална температура од минус 5 до 2 степени и максимална од 0 до 7 степени. За недела УХМР прогнозира утрински температури до минус 8, за понеделник до минус 10, а за втриник и до минус 11. Најголема снежна покривка денеска изутрина имаше на Попова Шапка – 57 см, Маврови Анови – 40 см, Пожаране – 19 см, Крушево – 17 см, Берово и Тетово по 6 см, Виница – 5 см и Ѓуриште – 2 см. Времето денеска ќе биде променливо облачно и студено со сончеви периоди почести во јужните делови, ќе дува умерен до засилен ветер од северен правец, особено вдолж Повардарието. Максималната температура ќе биде во интервал од 1 до 9 степени. Во Скопје претежно облачно време со умерен, повремено засилен северен ветер.

Студен бран се поблиску до Македонија – очекувајте голем пад на температурите

Магдалена Андонова — Fri, 27 Nov 2020 14:51:03 +0000

Студениот воздушен бран полека но сигурно и се приближува на нашата територија и кај нас ќе стигне во недела, а најмногу ќе се почувстува од понеделник кон крајот на денот и во вечерните и ноќните часови, кога температурите на воздухот значително ќе опаднат а сево ова ќе биде проследено и со умерен до засилен ветер од северен правец, информира метеорологот Славчо Попоски. За време на викендов исто така облачноста постепено ќе се зголемува, а од недела попладне ќе има услови за слаби локални врнежи од дож и снег на планините, во понеделник услови за провејување на снег ќе има и на повисоките места. За време на викендов максималните дневни температури на воздухот ќе се искачуваат во интервалот од 7 до 15 степени, додека наутро ќе биде студено со негативни температури на повеќе места. На самиот почеток од следната недела максималните дневни температури ќе се искачуваат во интервалот од 4 до 13 степени во најтоплите предели од државава. мегутоа во понеделник попладне и навечер температурите позначително ќе опаднат со што особено студено утро ќе имаме во вторник со минимални температури кој ќе се спуштаат во интервалот од -11 до -3 степени.

УХМР предупредува: Доаѓа студен бран со северен ветер, очекувајте минусни температури

Ивона Петрова — Thu, 19 Nov 2020 10:16:25 +0000

Под влијание на продор на студена воздушна маса утре кон крајот на денот и во сабота ќе дува засилен северен ветер, а на планините на северот ќе има услови за провејување на слаб снег, информира Управата за хидрометеролошки работи. Од сабота дневната температура значително ќе се намали, а од недела продолжува стабилното време со значително пониски утрински температури, кои во поголем дел од земјава ќе се спуштаат под -5 степени.

Бидете подготвени: Следи првиот снег, целиот Балкан ќе биде погоден од студен бран

Магдалена Андонова — Fri, 09 Oct 2020 06:38:45 +0000

Токму ова поради влијанието на студениот воздух од север кој ќе се спушти на Балканскиот Полуостров и ќе услови невообичаено ниски температури на воздухот. Студениот бран ќе започне да го зафаќа Балканот уште од недела попладне и навечер а најитензивни снежни врнежи на планинските места во регионот се очекува во вторник. Со оваа промена во најголем дел од Балканот ќе започне и грејната сезона која официјално започнува на 15ти октомври Промената на времето ќе се почувствува и кај нас но детални информации околу ова следуваат понатаму. За нови, детални и по потреба обновени метео информации, следете го официјалниот фејсбук профил на Славчо Попоски тука .

Студен бран и снег ги погодија централните и северните делови на Грција, има жртви

Предраг Кукиќ — Sun, 06 Jan 2019 09:14:53 +0000

Централните и северните делови на Грција ги погоди студен бран проследен со снежни врнежи, а полицијата соопшти дека една жена е пронајдена мртва, додека двајца мажи се водат како исчезнати. Температурите во тие делови на Грција речиси цела недела се под нулата, а снегот го поремети патниот и авионскиот сообраќај. Тело на 66-годишна жена било пронајдено во превртено возило во Кератеа, област на 45 километри југоисточно од Атина. Двајцата мажи од возилото, кое било пронајдено во близина на поток, се водат како исчезнати. – Сопругот на жената и уште еден маж, кои биле во истото возило, се водат како исчезнати од четвртокот кога областа ја погоди лошо време, изјави неименуван полициски извор. Грчката служба за цивилна заштита ги повика локалните власти да бидат подготвени затоа што се очекува утре Грција да ја погоди нов леден бран.

Балканот зафатен од студен бран: Ниски температури, снег и силен ветар

Ивана Ефремовски — Fri, 04 Jan 2019 07:23:04 +0000

Од североисточнит дел на Европа на Балканот вчера пристигна студен бран кој ќе се задржи пет дена, а на социјалните мрежи се објавуваат фотографии од снег кој ноќеска паѓал во голем дел на регионот.

Во поголемиот дел на Бугарија денеска се очекува ветар со брзина и поголема од 30 метри во секунда, како и обилни врнежи снег, јавија локалните медиуми. Портокалов метео аларм е прогласен за областите Добрич, Варна, Бургас и Сливен, а во поголемиот дел од земјата се изадени предупредувања за обилни снежни врнежи и виулици. Во планинските предели во Бугарија ќе има обилни врнежи снег. Главната дирекција „Пожарна безбедност и заштита на населението“ соопшти дека е подготвена со привремени засолништа за бездомници и оти само во Софија 138 лица ноќта ја поминале во кризни центри. Во Софија во текот на ноќта работеле 163 машини за чистење снег, а утрово во шест часот најфреквентните улици биле третирани со смеси против замрзнување. Снег падна и во Грција, а на социјалните мрежи се објавени фотографии од летувалиштето Паралија покриено со снег. Снег се прогнозира и за Солун и Атина каде поради студениот бран е отворено уште едно засолниште со греење за бездомници. Студениот бран ќе донесе исклучително ниски температури во цела Грција. И во поголемиот дел на Хрватска ноќеска се измерени минусни температури, а во Ријека утрово се измерени минус 1,2 степени Целзиусови. Во градот и околината синоќа паѓал и снег кој извесно време успеал да се задржи на некои површини. Температурата во Хрватска денеска ќе биде малку пониска, но со послаб ветар. Силен ветар повторно ќе задува кон крајот на неделата. Хрватските метеоролози најавуваат дека викендов ќе биде малку помалку студено, а на почетокот од наредната недела повторно се зголемува веројатноста за минусни температури и покрај море и на копно. Во однос на снегот, засега се најавуваат слаби врнежи. Во Босна денеска се очекува облачно време со слаби врнежи снег кои кон крајот на денов постепено ќе престануваат. Според метеоролозите, очекуваната висина на новата снежна покривка е од два до 10, а во планинските подрачја до 15 сантиметри. И за Сараево се најавува облачно време со снег и максимална температура од минус два степени Целзиусови. Во текот на денот вренежите ќе слабеат и постепено ќе престанат. И прогнозата за Србија за денеска е студено време со слаби врнежи од снег, воглавно во северниот, западниот и југозападниот дел на земјата со мало зголемување на висината на снежната покривка. Следниот снежен бран во Србија од север ќе пристигне веќе утре попладне. Во Црна Гора за денеска се прогнозира променливо облачно време со сончеви периоди и студено во јужните и централните предели. Во северниот дел на земјата ќе биде претежно облачно и многу студено, со слаби врнежи од снег. За ветарот се прогнозира дека ќе биде умерен до силен, а некаде и многу силен, а ќе дува од северен и североисточен правец.

Студен бран на Балканот

Предраг Кукиќ — Mon, 19 Nov 2018 10:50:11 +0000

Студен бран пристигна во земјите од Западен Балкан и додека во Хрватска падна снег, во Федерацијата БиХ е прогласен црвен аларм поради најавени врнежи, а на Маврово во Македонија дебелината на снежната покривка достигна 25 сантиметри. Во Босна и Херцеговина се очекува претежно облачно време, а во Федерацијата БиХ е издадено црвено предупрeдување поради пообилни врнежи за подрачјето на Херцеговина и југозападна Босна. Акумулираната количина врнежи која се прогнозира се движи межу 40 и 80 литри по метар квадратен, а во Херцеговина локално и до 120 литри. Врнежи се очекуваат веќе денеска од вечерните часови и во текот на ноќта кон вторник. Снег се очекува на подрачјето на Краина и Западна Босна и на планините во централните подрачја на Босна. Снег падна и во Хрватска, а се уште паѓа во повеќето предели од централниот дел на земјата и во Горски Котар. Снег ќе има и понатаму на планините каде се очекува формирање снежна покривка. Во пониските предели ќе доминира воглавно дожд. Дождот на земја ќе се замрзнува и ќе создава опасна поледица, па возачите се повикуваат да бидат внимателни. Покрај врнежите дува непријатен ветер од северен правец, на Јадранот бура, посебно под Велебит, која го отежнува сообраќајот. Снег во некои делови од Хрватска е најавен и за утре, а од среда се најавува топење со дожд. Најмногу снег во изминатите 24 часа падна на Маврово во Македонија каде висината на снежната покривка достигна 25 сантиметри.