студеничани – Kurir.mk

Полицијата трага по 27-годишна девојка од скопско Студеничани

Тале Кристо — Thu, 31 Aug 2023 21:01:44 +0000

На 30.08.2023 во 15.30 часот во Полициската станица Драчево, И.Д.(78) од с.Студеничани, скопско, пријавил дека од домот се оддалечила Н.Ф.(27) од с.Студеничани. Се преземаат мерки за пронаоѓање на лицето.

Семејство од Студеничани контролира кој ќе има струја во селото

Дарко Андоновски — Thu, 06 Jul 2023 09:01:48 +0000

Два нисконапонски изводи во скопското село Студеничани во моментов се без напојување како резултат на преоптоварување поради кражби и неконтролирано користење на електрична енергија во тој дел од селото. Дефектот не може да се отстрани поради едно одредено семејство кое практично ги држи другите во заложништво без снабдување со струја. Според информации на терен, семејството веќе подолго време присвоила и оградила улици на подрачје од 30-тина куќи и ги спречуваат екипите на ЕВН да го санираат дефектот. „Неопходно е да се санира дефектот и реконструира мрежата за да се овозможи легално приклучување и мерење на електричната енергија. Нашата законска обврска е да им обезбедиме на сите граѓани стабилно и сигурно снабдување со електрична енергија”, велат од Електродистрибуција и додаваат дека вложуваат напори да се надмине ситуацијата за да не страдаат невини граѓани поради одредени лица.

Без вода дел од Студеничани

Ивана Ефремовски — Fri, 05 May 2023 08:15:22 +0000

Поради уличен дефект, без вода од 10:10 часот се корисниците од ул. 1 и 2 во Студеничани, соопшти ЈП Водовод и канализација - Скопје. Водоснабдувањето ќе биде прекинато до санација на дефектот.

Студеничани остана без вода

Ивана Ефремовски — Tue, 25 Apr 2023 10:22:15 +0000

На ден 25.04.2023 поради уличен дефект на ул.1/бб Студеничани, прекинато водоснабдување ќе имаат корисниците на дел од населено место Студеничани. Водоснабдувањето ќе биде прекинато од 12:00 часот до завршување со санација на дефектот.

Делови од Сопиште, Студеничани и Карпош денеска без вода

Тале Кристо — Thu, 20 Apr 2023 05:28:05 +0000

Без вода денеска од 9 до 18 часот ќе бидат жителите од населбата Сопиште. Можни се прекини во водоснабдувањето и во населените места Ракотинци и Добри Дол. Како што соопшти ЈП „Водовод и канализација“ - Скопје, прекините се поради технички зафат во резервоарот во Сопиште. Поради дефект на улица „7“ без број во Батинци, денеска прекин во водоснабдувањето ќе имаат корисниците од ова населено место. Водоснабдувањето ќе биде прекинато од 9:00 часот до завршување со санација на дефектот. Без вода денеска од 9 часот ќе бидат и дел од жителите од општина Карпош. Прекинот е поради дефект на улица „Никола Парапунов“ 27. Водоснабдувањето ќе биде прекинато се додека не се санира дефектот.

Уапсен жител на Студеничани, украл поголема количина железо од железничките пруги во с.Трубарево

Тале Кристо — Fri, 03 Mar 2023 15:58:43 +0000

На 02.03.2023 на влезот во с.Студеничани, скопско, полициски службеници од СВР Скопје го лишиле од слобода А.Н. од с.Трубарево, скопско. Имено, А.Н. бил сопрен додека со трактор со приколка превезувал поголема количина железо, односно делови од возови и железничка инфраструктура. Во службен разговор во Полициската станица Драчево А.Н. го признал кривичното дело со појаснување дека предметите ги одземал од железничките пруги во с.Трубарево. По документирање на случајот ќе следува соодветен поднесок.

Дел од Студеничани остана без вода

Ивана Ефремовски — Wed, 01 Feb 2023 09:09:20 +0000

На 01.02.2023 поради уличен дефект на ул.3/6 Студеничани (позади џамијата), прекинато водоснабдување ќе имаат корисниците на дел од Студеничани. Водоснабдувањето ќе биде прекинато од 10:00 часот до завршување со санација на дефектот.

ХОРОР ВО СКОПСКО СТУДЕНИЧАНИ: Маж пукал во сопствениот брат

Магдалена Андонова — Thu, 17 Nov 2022 16:09:57 +0000

Министерствтото за внатрешни работи информира дека на 16.11.2022 околу 14.40 часот во с.Студеничани, скопско, полициски службеници од Полициската станица Драчево го лишиле од слобода А.М.(41) од с.Студеничани, затоа што околу 14.30 часот во магацинскиот простор од семејната фирма лоциран во с.Студеничани, скопско, по претходна расправија поради нерасчистени имотно-правни односи околу фирмата, од пиштол испукал еден куршум кон неговиот брат А.М.(39) од с.Цветово, скопско и му нанел телесна повреда, информираат од полицијата. По целосно документирање случајот ќе биде поднесена соодветна пријава, додаваат надлежните.

Уапсен дилер од Студеничани, пронајдена торба со марихуана

Тале Кристо — Fri, 21 Oct 2022 07:18:20 +0000

На 20.10.2022 во 11.35 часот на бул.„Јане Сандански“ во Скопје, полициски службеници од Единицата за недозволена трговија при СВР Скопје го лишиле од слобода Ф.И.(30) од с.Студеничани, скопско, затоа што кај него била пронајдена и одземена торба со марихуана. Имено, претходно тој со мотоцикл не застанал на знак за запирање даден од полициски службеници, продолжил со движење и по кратко време го оставил мотоциклот и ја фрлил торбата во реката Вардар, по што продолжил да бега. Набргу бил фатен и приведен, а торбата била пронајдена. Лицето било задржано во полициска станица и по целосно документирање на случајот, во координација со Јавен обвинител, против него ќе биде поднесена соодветна пријава.

МОН вложи речиси 24 милиони денари за нова спортска сала во „Наим Фрашери“ – Студеничани

Ивана Ефремовски — Thu, 04 Aug 2022 17:59:40 +0000

Министерот за образование Јетон Шаќири денеска беше во посета на Општина Студеничани која доби нова училишна спортска сала во село Морани, а се работи и на новото основно училиште во населеното место Љубош. Двете капитални инвестиции ги реализира Министерството за образование и наука, за што се одвоени над 70 милиони денари од државниот буџет. Mинистерот за образование и наука Јетон Шаќири, потенцираше дека во последните неколку години Студеничани значително се урбанизира од сите можни аспекти, а особено инфраструктурно, за што голема заслуга има и раководството на локалната самоуправа, но и Владата на Република Северна Македонија која води политика на подеднаков третман на сите региони и општини, со единствена цел – да се подобри стандардот и квалитетот на живот на граѓаните. „Денес Морани добива нова спортска сала, современ објект во склоп на основното училиште „Наим Фрашери“ во кој вложивме речиси 24 милиони денари. Најзадоволни ќе бидат учениците од ова училиште кои од септември конечно ќе можат достоинствено да ги реализираат часовите по предметот физичко образование, онака како што доликува. Спортската сала е опремена со реквизити за одбојка, ракомет, мал фудбал, кошарка, пинг понг и гимнастика, додека објектот е целосно енергетски ефикасен и ги задоволува сите стандарди дури и за професионални натпревари по спортовите кои ги споменав“, рече Шаќири Министерот посака спортската сала да се користи што повеќе и да биде место од каде ќе произлезат многу нови спортисти, репрезентативци, но најважно е, како што рече, да биде место од каде ќе произлегуваат многу нови, здрави генерации кои ќе бидат правилно насочени – кон спорт, наместо кон пороци. За новото училиште кое се гради во селото Батинци, поточно во населеното место Љубош и ќе функционира како подрачно на ОУ „Алија Авдовиќ“, МОН одвои над 47 милиони денари. „Овој дел од општината навистина имаше потреба од училиште. Досега дечињата од тука, кои се многу на број, секојдневно патуваа за да учат во други објекти, но повеќе нема да биде така. Тие ќе си учат во близина на нивното место на живеење и тоа во навистина модерен објект“, рече Шаќири. Честитајќи им на граѓаните на Студеничани за двете капитални инвестиции, рече дека во иднина во оваа општина ќе има уште повеќе и уште поголеми инвестиции кои ќе направат тие да бидат позадоволни, а со тоа и помотивирани своето знаење и труд да ги вложуваат во местото и државата каде живеат.