студено – Kurir.mk

Во Берово утрово најстудено, -7 степени

Ристе Здравков — Sat, 07 Jan 2023 08:38:44 +0000

Во Берово утрово е најстудено, -7 степени, а во Дојран се измренеи максимални три степени, соопшти УХМР. Во Битола е -5, во Скопје-Петровец, Тетово, Демир Капија и Струмица -4, во Штип, Крива Паланка и Маврови Анови -3, во Прилеп, Куманово и Попова Шапка -2 , во Скопје-Зајчев Рид, Претор, Дебар и Крушево -1, во Охрид нула, степен е измерен во Виница и два во Гевгелија. Времето денеска ќе биде сончево со мала локална облачност и со слаб променлив ветер. Максималната температура ќе достигне од 9 до 16 степени. Во Скопје претежно сончево и тивко со максималната температура до 12 степени.

Во кој дел од Македонија е најстудено, а каде е најтопло?

Ивана Ефремовски — Tue, 20 Dec 2022 07:46:18 +0000

Најстудено утрово е во Крива Паланка со -5 и во Маврово со -4 степени. Минусни температури има и во Берово, Демир Капија и Куманово, во Скопје е нула, а најтопло е во Гевгелика со 5 степени. Во текот на ноќта имаше променлива облачност и дуваше слаб променлив ветер. Утринава во источните делови е сончево, а зголемена облачност има во централните и западните делови. Дува слаб променлив ветер. Во Крушево и во Скопската котлина е магливо. Денеска наутро е студено и особено во котлините во јужниот дел со појава на магла или ниска облачност. Преку денот ќе биде сончево со мала до умерена локална облачност поголема во југоисточните делови од земјата и понекаде во западните. Ќе дува слаб ветер од југоисточен правец. Максималната температура ќе биде во интервал од 4 до 11 степени. Во Скопје наутро свежо, преку денот сончево со мала до умерена облачност и со слаб јужен ветер. Максималната температура ќе достигне до 6 степени.

Заштитете ги своите раце од студените денови, еве го најдоброто решение

Магдалена Андонова — Wed, 23 Nov 2022 14:27:19 +0000

Рацете во зимските денови се најмногу изложени на студ и ветер, па кожата повеќе од вообичаено се суши, пука, понекогаш и крвари. Еве како најдобро да ја заштитите. Хидратантен сапун Често миење на рацете со силни сапуни може дополнително да ја исуши кожата, па поради тоа решението за ладните денови е сапун со поблага формула, кој хидрира. Рацете секогаш мијте ги во млака вода, никако во топла или премногу ладна. Топлата вода ја уништува еластичноста на кожата, а ладната ја суши. Лимон Ова овошје делува како пилинг и ја омекнува кожата. Истријте ги рацете со кора од лимон или исцедете сок од лимон, па во него натопете ги рацете две до три минути. Тоа ќе ги зајакне и испуканите нокти, а кожата ќе биде понежна и почиста. Ракавици На снег и ветер, ракавиците се единствената вистинска заштита за кожата. Затоа, не излегувајте надвор без нив. Покрај тоа, и кога миете садови со силни детергенти и хемикалии, користете гумени нараквици. Рацете ќе ви бидат бескрајно благодарни. Домашен балзам Измешајте две жолчки од јајца, две лажици мед и две лажици маслиново масло, па потоа премачкајте ги рацете и држете ги 20 минути. Потоа исплакнете ги со вода и нанесете крем, најдобро со пантенол. Балзамот користете го два до три пати на ден, а ако го чувате во фрижидер, рокот на траење му е пет дена.

Утринските температури под нулата во цела држава

Ристе Здравков — Fri, 14 Jan 2022 07:41:56 +0000

Температури под нулата утринава се измерени во целата држава. Најстудено е во Берово каде се измерени -14 степени. Од Управата за хидрометеоролошки работи информираат дека во Маврово се измерени -12 степени, во Крушево -11, во Крива Паланка, Битола и Прилеп -10, во Петровец кај Скопје, Штип, Демир Капија и Виница -9, во Тетово, Претор, Струмица и на Попова Шапка -8, на Зајчев рид кај Скопје -7 во Охрид -6, во Куманово -5 и во Дојран и во Гевгелија -2 степена. Најмногу снег има на Попова Шапка каде снежната покривка е висока 54 сантиметри. За денеска синоптичарите најавуваат сончево време со мала локална облачност во североисточните делови од земјава. Ќе дува слаб до умерен, а вдолж Повардарието повремено засилен ветер од северозападен правец. Максималната температура ќе достигне од 1 до 9 степени.

Денес „сонце со заби“ и студено време – еве какво време не очекува до крајот на работната недела

Дарко Андоновски — Tue, 21 Dec 2021 06:57:48 +0000

Времето ќе биде сончево и студено со мала локална облачност. Ќе дува слаб до умерен ветер од северен правец, поизразен вдолж Повардарието. Минималната температура ќе биде во интервал од -8 до -1, а максималната ќе достигне од 0 до 9 степени. Во Скопје, сончево и студено со мала локална облачност и со слаб ветер од северен правец. Минималната температура ќе се спушти до -7, а максималната ќе достигне 5 степени. До сабота ќе преовладува стабилно и суво време. Ведрото време ќе услови во следните денови утринските температури да бидат ниски, особено во среда и четврток кога на места ќе се спуштаат и под минус 10 степени. Во петок и за време на викендот по одделни котлини ќе има појава на магла.

Најстудено и најмногу снег на Попова Шапка

Ивона Петрова — Thu, 16 Dec 2021 06:44:28 +0000

Најстудено утрово е на Попова Шапка со -8 степени, во Маврово и во Крушево се измерени -5, во Берово и Крива Паланка -4, во Штип, Дебар, Виница и Претор -3, во Охрид, Тетово и Струмица -2, а во Битола и Прилеп -1. Еден степен над нулата е во Скопје и Куманово, два во Демир Капија, а максимални три степени се регистрирани во Дојран и Гевгелија. На Попова Шапка има и најмногу снег 55 сантиметри, во Маврово снежната покривка е 36, а во Крушево 16 сантиметри. Времето денеска ќе биде умерено до значително облачно и студено. Ќе дува умерен, a долж Повардарието повремено засилен ветер од северен правец. Максималната температура ќе биде во интервал од 2 до 10 степени. Во Скопје, претежно облачно и студено со умерен до повремено засилен северен ветер. Максималната температура ќе достигне до 6 степени.

Берово и Маврово со најниски температури, најтопло во Дојран

Тале Кристо — Mon, 01 Mar 2021 07:15:36 +0000

Висината на снежната покривка на Попова Шапка изнесува 19 сантиметри. Изутрина во седум часот најстудено било во Берово и во Маврово каде се регистрирани – 6 степени, по што следат Скопје-Петровец и Крива Паланка со -4. Минус 3 степени се измерени во Тетово, Штип, Битола, Kрушево у Попова Шапка, -2 во Прилеп, Струмица, Охрид, Претор и Демир Капија, -1 во Дебар, и во Виница, 0 во Скопје- Зајчев Рид, Куманово и Гевгелија, а 2 степена во Дојран, информира Управата за хидрометеоролошки работи. Времето денеска ќе биде претпладне сончево и свежо, а попладне со мала до умерена облачност. Ќе дува умерен, а вдолж Повардарието и на истокот повремено засилен северен ветер. Максималната температура ќе биде во интервал од 9 до 16 степени. Во Скопје сончево, попладне со мала до умерена облачност. Ќе дува умерен до засилен северен ветер. Максималната температура ќе достигне 14 степени.

Од попладне дожд и грмежи, нестабилно и посвежо и за викендот

Тале Кристо — Thu, 16 Jul 2020 10:42:25 +0000

Попладне и во текот на утрешниот ден во планинските подрачја ќе има услови за локална појава на дожд и ретки грмежи, а во сабота нестабилно со пороен дожд. Максималната температура денеска ќе биде во интервал од 26 до 33 степени. Како што соопшти УХМР, под влијание на продорна атмосферски фронт, во сабота ќе преовладува променливо облачно и нестабилно време, на повеќе места со пороен дожд, грмежи и засилен ветер. Локално ќе има поинтензивни процеси во форма на невреме со пообилен пороен дожд, електрични празнења и појава на град. Температурата, особено на северот, осетно ќе се намали. Услови за локална нестабилност ќе има и во недела попладне, а од понеделник следува стабилно време со значителен пораст на дневната температура. (МИА)

Утрински температури под нулата во цела држава

Дарко Андоновски — Sun, 24 Feb 2019 08:27:12 +0000

Температури под нулата утринава се измерени во целата држава. Најладно е во Маврово каде температурата во седум часот била -15 степени. Во Крушево и Лазарополе се измерени -14 степени, во Берово -13, во Пожаране и Ѓуриште -11, во Крива Паланка, Скопје-Петровец и Тополчани -9, во Тетово и Прилеп -8, во Птетор, Битола, Скопје на Зајчев Рид и Куманово -7, во Охрид, Штип и Виница -6, во Демир Капија -5, во Дојран и Струмица -4 и во Гевгелија -2 степена. Во текот на денот облачноста ќе се намалува и ќе преовладува сончево време со мала до умерена облачност и со умерен северен и североисточен ветер. Максималната температура ќе достигне од -1 до 6 степени. Слично време и во Скопје сои максимална температура до три степени. За следниот период, синоптичарите најавуваат суво време, но со ниски утрински температури и со умерен северен ветер. Дневните температури ќе бидат во благ, а од средината на наредната седмица и во позначителен пораст.