студенски дом – Kurir.mk

Објавен Конкурсот за прием во студентските домови за академската 2023/2024 година

Ристе Здравков — Fri, 14 Jul 2023 09:35:14 +0000

Министерството за образование и наука го објави Конкурсот за прием на студенти запишани на додипломски студии во државните и приватните студентски домови во Македонија за студиската 2023/2024 година. Во сите студентски домови во земјава има 4.480 слободни легла, од кои најмногу се во студентскиот дом „Гоце Делчев“ во Скопје (1.176). Студентите што се пријавуваат на конкурсот треба да пополнат електронска пријава и да ја прикачат соодветната документација на интернет-порталот e-uslugi.mon.gov.mk. Студентите може да конкурираат за прием само за еден студентски дом. Рокот за пријавување на студентите од II година и повисоките години почнува од 17.7.2023 година и трае до 31.7.2023 година. Рокот за пријавување на студентите од I година почнува од 1.9.2023 година и трае до 11.9.2023 година. Доколку по објавување на конечните списоци со примени студенти по домови останат непополнети сместувачките капацитети во одреден дом, пријавување ќе продолжи до нивно пополнување, но најдоцна до 30.11.2023 година. Студентот се вселува во студентскиот дом почнувајќи од денот на потпишаниот договор со домот во кој е примен, но не подоцна од 10 дена од објавениот конечен список. Целиот конкурс, како и листата со потребни документи, можете да ги видите и преземете ТУКА.

ВИДЕО: Додека има пари за лубриканти, кафе и цвеќиња, прокиснува во студентските домови

Ивана Ефремовски — Sun, 18 Nov 2018 14:48:17 +0000

Состојбата во студенските домови е мизерна. Наместо да живеат достоинствено и без грижи, студентите се сместени во руинирани објекти, а собите им се поплавуваат по секој дожд. Така, денес прокисна во студенсткиот дом „Стив Наумов“ во Скопје, па студентите наместо да учат или одмараат, треба да се грижат за своите работи и личната безбедност. Студентите, објавија видео на социјалните мрежи кое можете да го погледнете ТУКА Додека се случува ова, Владата троши енормни суми за набавка на лубриканти, за пиење кафе во Влада и за цвеќиња.

Студентите повторно го повикуват директорот на одговорност и негова оставка!

Ристе Здравков — Sat, 17 Nov 2018 16:47:39 +0000

Непрестануват мизерните услови во студентскиот дом Кузман Јосифовски Питу. Од почетокот на грејната сезона воопшто нема вклучено греење, а од четвртокот нема ниту топла вода. Со оглед на тоа дека температурите паѓаат под нулата студентите се се повеќе загрижени за нечовечќите услови во кои живеат. Во вакви услови невозможно е да спремаат испити за престојната зимска испитна сесија. Во 21 век владата дозволува младите луѓе да живеат во мизерија и само ги потикнува да бараат решение надвор од државата.