Силјановска на средба со студентите од студентскиот дом „Гоце Делчев“: Тие се соочуваат со тешки услови за студирање и ниски студентски стандарди

Дарко Андоновски — Wed, 06 Mar 2019 17:42:01 +0000

Кандидатот за претседател на Република Македонија од редовите на ВМРО-ДПМНЕ, професорката Гордана Силјановска Давкова денеска беше во посета на студентскиот дом „Гоце Делчев“ во Скопје. -Студентите обично ги среќавам во нашиот заеднички дом: универзитетот! Денес ме поканија во нивниот втор дом, студентскиот дом „Гоце Делчев“ за да ги видам условите во кои живеат и учат кога не се во училницата. Насмевките и поддршката од овие луѓе се должи на нивниот оптимизам и желба да се борат за подобра Македонија во држава која ќе ги цени нивните способности и резултати. Она што не се гледа на фотографиите се тешките услови за студирање, нискиот студентски стандард и сето она што ги оптоварува младите денес. Им благодарам за убавите часови поминати со нив во кругот на студентскиот дом и во кафе-ресторанот „Форца“, за сите идеи што ми ги дадоа, и за пораките кои ги носам со себе, до крајот на битката за право и правда, стои во нејзиниот статус на Фејсбук.

ФОТО: Игли во храната на студентите од студентскиот дом „Гоце Делчев”

Катерина Бојаџиева — Thu, 04 Oct 2018 14:53:58 +0000

Студентите од студентскиот дом „Гоце Делчев” во храната пронашле игла, а за жал, ова не е прв пат да се соочуваат со мизеријата во студентските домови. Студентите од овој студентски дом, од e-mail- от на редакцијата на „Економски Лидер“, испратија фотографија од ужасната храна која ја јадат. За жал, оваа панцерота е само еден од многуте примери за тоа што јадат и како се хранат студентите во студентските домови. Нашето секојдневие е игли и бубачки во храната, оброци со сомнителен квалитет, искршен мебел и влага, а топлата вода е вистинска реткост. Ова не се услови во кои студентите, а особено ние апсолвентите треба да учиме и пред се живееме. Сите лажни ветувања што ги добивавме пред почетокот на сместувањето очигледно биле само за да не прелажат и да ја искористат нашата доверба, велат студентите. Студентите кои ни ја испратија фотографијата претходно биле сместувани во други домови, во Кузман и во Пелагонија, но како што кажуваат и претходно условите биле лоши, но тоа што го доживуваат во овој студентски дом е катастрофа и тоа на самиот старт на академската година.

студентски дом гоце делчев – Kurir.mk

Силјановска на средба со студентите од студентскиот дом „Гоце Делчев“: Тие се соочуваат со тешки услови за студирање и ниски студентски стандарди

ФОТО: Игли во храната на студентите од студентскиот дом „Гоце Делчев”