студентски дом пелагонија – Kurir.mk

АХВ: Спроведена вонредна инспекциска контрола во кујната во студентскиот дом Пелагонија

Дарко Андоновски — Wed, 28 Dec 2022 15:22:12 +0000

Инспекциските служби на Агенцијата за храна и ветеринарство (АХВ), во соработка со Центарот за јавно здравје и претставници од Државниот санитарен и здравствен инспекторат, утрово, по добиено известување за можно труење со храна во студентскиот дом Пелагонија, извршија вонредна инспекциска контрола во кујната. -Од страна на инспекторите за храна, кујната е времено затворена. Наредени се мерки за генерално чистење и дезинфекција на објектот. За лабораториско испитување, земени се шест мостри од храната која се послужувала и осум брисеви од работните површини и опремата, соопшти АХВ. Како што нагласуваат од АХВ, кујната ќе биде повторно пуштена во употреба по добивање на лабораториските наоди со кои ќе се потврди безбедноста и по контролата која ќе направат инспекторите со која ќе се потврди дека се преземени сите наложени мерки за отстранување на констатираните недоследности.

Лицето кое со бензин ја запали канцеларијата на директорот на студентскиот дом „Пелагонија“ го призна делото, еве што следува

Магдалена Андонова — Wed, 16 Nov 2022 09:30:51 +0000

На 15.11.2022 во 10 часот во Полициската станица Кисела Вода бил извршен службен разговор со Н.Ј.(35) од Скопје поради сомнение дека на 11.11.2022 во канцеларијата на директорот во студентскиот дом „Пелагонија“ во Скопје, поради непродолжен договор за работа, со тврд предмет оштетил дел од инвентарот и со бензин предизвикал пожар. Во службениот разговор тој го признал делото. Н.Ј. бил задржан во полициска станица и по целосно документирање на случајот против него ќе биде поднесена кривична пријава за кривично дело „тешки дела против општата сигурност“ по чл. 292 од КЗ.

Му ја посипале со запалива течност канцеларијата додека директорот бил внатре – МВР со детали за драмата во студентскиот дом „Пелагонија“

Дарко Андоновски — Fri, 11 Nov 2022 11:53:34 +0000

На 11.11.2022 во СВР Скопје А.Ф.(36) вработен како директор на студентски дом во населба Кисела Вода, Скопје пријавил дека на работното место, по претходна расправија, Н.Ј., кој бил поранешен вработен во домот, заедно со уште едно лице, фрлиле запалива течност, при што настанал пожар. Повредени лица до моментот на пријавувањето нема, а пожарот е изгаснат од противпожарната единица Скопје. Полициски службеници се излезени на местото на настанот и се преземаат мерки за негово расчистување.

ЈА ДЕМОЛИРАЛ СО СЕКИРА, ПА ЈА ЗАПАЛИЛ КАНЦЕЛАРИЈАТА НА ДИРЕКТОРОТ – хаос во студентскиот дом „Пелагонија“, поради не продолжување договор на вработен!

Дарко Андоновски — Fri, 11 Nov 2022 11:21:03 +0000

Канцеларијата на директорот на Студентскиот дом „Пелагонија“ денеска е пронајдена целосно демолирана и изгорена. Настанот се случил утрото денеска, додека сторителот, најверојатно бил поранешен вработен во оваа институција. Едно лице револтирано откако не му бил продолжен договорот, околу 10:30 часот влегол во канцеларијата на директорот на студентската куќа „Пелагонија“, прво ја демолирал со секира, а потоа ја запалил“, пренесува Клан Македонија.

ФОТО: Леб и јогурт за ручек во студентскиот дом Пелагонија

Дарко Андоновски — Sat, 20 Nov 2021 14:37:17 +0000

Сергеј Попов од ВМРО-ДПМНЕ преку статус на Фејсбук пишува дека срамота и понижувачки е студентите да добиваат ваков оброк. -Леб и јогурт за ручек во СД Пелагонија?! Студентите живеат во студентски домови или во концентрациони логори, дали студираат или издржуваат затворска казна за злодела против човештвото? Срамно и понижувачко..., стои во неговиот пост на Фејсбук.

Драма во „Пелагонија“, претепани момчиња

Ивона Петрова — Fri, 02 Mar 2018 12:30:54 +0000

Две лица минатата ноќ биле претепани во еден од ходниците на студентскиот дом „Пелагонија“. Од полицијата информираат дека Г.Д.(20) од Дојран пријавил дека околу 4 часот во ходникот тој и неговиот другар А.В.(21) од село Злаести, биле физички нападнати од лицата Д.С. од Пробиштип, К.К. и Т.Н. двајцата од Струга и од уште едно непознато лице. Притоа напаѓачите ги удирале Г.Д. и А.В. со раце и нозе по главите и телата, при што им нанеле видливи повреди. Се преземаат мерки за целосно расчистување на случајот.