Суарез – Kurir.mk

Претседателот на Атлетико за Суарез: Отсекогаш знаевме дека е најдобриот центарфор во Европа

Тале Кристо — Mon, 25 Jan 2021 09:07:19 +0000

Претседателот на Атлетико, Енрике Серезо по мечот со Валенсија (3:1) ги процени шансите на тимот за победа во Ла Лига и ја коментираше играта на напаѓачот Луис Суарез. – Првенството може да се освои, или може да се изгуби. Сега е средина на сезоната со долг пат пред нас. Ние сме во водство, но има уште многу натпревари до крајот. Кога ќе останат уште три натпревари пред крајот на сезоната, тогаш ќе ви кажам дека сме шампиони. Имаме силен тим, и ова влева самодоверба пред следните натпревари. Сè ни оди добро, играчите знаат што се бара од нив, ние постигнуваме голови и победуваме. Кога станува збор за настапот на Луис Суарез, секогаш знаевме дека тој е најдобриот центарфор во Европа. Имаме среќа што сега го имаме со нас, сите сме среќни, рече Серезо. Атлетико Мадрид е лидер во Шпанското фудбалско првенство со 47 бода, седум повеќе од второпласираниот Реал Мадрид и натпревар помалку.

Куман: Суарез можеше да остане во Барса и да докаже дека не сум во право, но реши да си замине

Тале Кристо — Sun, 11 Oct 2020 20:45:57 +0000

Тренерот на Барселона, Роналд Куман го сподели своето мислење за трансферот на напаѓачот Луис Суарез од каталонскиот клуб во Атлетико Мадрид, На Суарез му стана многу потешко да влезе на теренот уште од првите минути и го информирав за тоа. Тешко му беше, но никогаш немав проблеми со него. Тој тренираше добро. На крајот, Луис донесе одлука да замине, а јас реков: „Ако не заминеш од која било причина, тогаш ќе бидеш дел од овој тим и ќе можеш да докажеш дека не сум бил во право“. Да, тој можеше да остане, истакна Куман. Се однесував добро со Луис, но клубот сметаше дека ни треба подмладување. Сега е навистина забележливо. Игра Ансу Фати, тој има 17 години. Го имаме Педри исто така 17-годишен, Араухо има 21 година. Тринкау има 20 години. Го зедовме Сержињо Деста, кој има 19 години. Сите тие се играчи на иднината, смета холандскиот стручњак.

Ајакс подготвен да му понуди на Суарез три милиони евра годишно

Тале Кристо — Tue, 25 Aug 2020 07:09:12 +0000

Холандскиот фудбалски великан Ајакс е заинтересиран за трансфер на Суарез и му нуди на играчот плата од три милиони евра. Сепак, Луис Суарез нема да го напушти каталонскиот клуб, објави новинарот на „Скај Спорт Италија“, Џанлука ди Марцио. Според изворот, 33-годишниот Уругваец не сака да го напушти шпанскиот клуб заради високата плата од 25 милиони евра годишно. Суарез игра за Барселона од 2014 година. Минатата сезона тој постигна 21 гол и седум асистенции на 38 натпревари во сите натпреварувања. Неговиот со Барса е со важност до јуни 2021 година.