судар – Kurir.mk

Се судрија велосипедисти на кејот на Вардар – еден тешко повреден, а другиот побегнал од местото на несреќата

Тале Кристо — Sun, 11 Jun 2023 10:40:08 +0000

На 10.06.2023 во 20.40 часот во СВР Скопје било пријавено дека на велосипедска патека на кејот на реката Вардар на подрачје на Центар се случила несреќа помеѓу велосипед управуван од К.Е.(38) од Скопје и друг велосипед кој го напуштил местото. Притоа, со тешки телесни повреди се здобил К.Е. констатирани во Градската општа болница „8 Септември“. Увид извршила екипа од СВР Скопје и се преземаат мерки за расчистување на случајот.

Се судрија двајца велосипедисти во Скопје, и двајцата се здобиле со тешки телесни повреди

Тале Кристо — Thu, 18 May 2023 14:51:16 +0000

На 17.05.2023 вo 19.50 часот во СВР Скопје било пријавено дека на велосипедска патека од бул.„Партизански одреди“ во Скопје се случила сообраќајна несреќа помеѓу два велосипеда, управувани од П.В.(32) од Битола и К.П.И.(39) од Богданци. По несреќата, двајцата биле пренесени во Градската општа болница „8 Септември“, каде на К.П.И. му биле констатирани тешки телесни повреди, а на П.В. телесни повреди. Увид на местото извршила екипа од СВР Скопје.

Се судрија амбулантно и патничко возило, повредени 4 лица

Тале Кристо — Sat, 22 Apr 2023 08:14:11 +0000

Четири лица се повредени во синоќешниот судар во Скопје меѓу патнички автомобил и взило на Итна медицинска помош. Според информациите од МВР, сообраќајката се случила на крстосницата од бул.„Климент Охридски“ и ул.„Св.Кирил и Методиј“. Се судриле патничко моторно возило „фолксваген туран“ со скопски регистарски ознаки управувано од Ч.Д.(57) од Скопје и возило „мерцедес“ со кумановски регистарски ознаки сопственост на Итна медицинска помош управувано од В.С.(23) од Куманово. Во несреќата со тешки телесни повреди се здобил возачот Ч.Д., а со телесни повреди возачот на возилото од Итна медицинска помош, сопатничката од истото возило А.К.(40) и лицето кое се превезувало како пациент Ж.Ц.(72), двајцата од Куманово. Повредените се пренесени во комплексот клиники „Мајка Тереза“ и во ГОБ „Св.Наум Охридски“, а на местото на настанот е извршен увид од екипа на МВР.

Се судрија два воза кај Барселона, најмалку 155 повредени

Тале Кристо — Wed, 07 Dec 2022 10:28:15 +0000

Најмалку 155 лица се повредени изутрината во судар на два воза на станицата Монтцад и Реихац – Манрес на околу 12 километри од центарот на Барселона, соопштија од Итната помош. Локалните медиуми јавија дека возовите патувале во иста насока и се судриле додека еден бил запрен на станицата. Не се познати причините за несреќата. Од Итната помош посочија дека 150 лица се полесно повредени, а пет лица се потешко повредени, но дека не станува збор за повреди кои се сериозни или опасни по живот. Три лица се пренесени во болница. Поради несреќата накратко бил прекинат железничкиот сообраќај на неколку линии, соопшти регионалната влада. Опишувајќи го моментот на сударот, една патничка за радио станицата Сер Каталуња истакнала дека доживеалан „страшен удар“ и дека „луѓето врескале“. Друг патник за локалната радио станица RAC1 рекол дека возот бил полн. Шпанската министерка за сообраќај Ракуел Санчез изјави дека будно ја следи ситуацијата и им посака брзо опоравување на повредените.

Петмина загинати при превртување на брод во Нов Зеланд при веројатен судар со кит

Тале Кристо — Sat, 10 Sep 2022 08:45:10 +0000

Во несреќа во Нов Зеланд, пет лица загинаа, а шестмина беа спасени при превртување на мал брод, соопштија властите, наведувајќи дека до несреќата дошло кога пловилото се судрило, најверојатно, со кит. Полицијата соопшти дека рибарски брод долг 8,5 метри се превртел во близина на градот Каикур на Јужниот остров и се истражува причината за несреќата. Градоначалникот на Каикура, Крег Макл, изјави дека водата била целосно мирна во моментот на несреќата и дека се верува дека се појавил кит што се наоѓал под пловилото. Тој рече во тој дел минуваат китови. Градоначалникот рече дека жителите помогнале во спасувачките напори во текот на денот, но дека постои чувство на вознемиреност бидејќи водата била толку студена што стравуваат за секој што паднал во водата. Тој рече дека размислувал за можноста од судир на чамец и кит, со оглед на бројот на китови кои минуваат низ тој простор, но дека досега не слушнал за такви несреќи. Каикура е популарна дестинација за гледање китови. Таму, морското дно наеднаш станува длабоко, блиску до брегот. Неколку компании организираат патувања со брод или возења со хеликоптери за туристите да видат китови, делфини и други морски животни одблиску.

Акција за спречување еколошка катастрофа по судар на два брода кај Гибралтар

Тале Кристо — Thu, 01 Sep 2022 16:39:25 +0000

Морнарицата на Гибралтар покрена голема операција за спречување на излевање гориво во морето откако товарен брод се судри со друг брод што превезувал течен гас, соопштија денеска властите на британската прекуморска територија. Од бродот „OS-35″ што се наоѓа во близина на брегот на Гибралтар во најјужниот дел на Пиринејскиот полуостров почнало да истекува гориво, откако во понеделникот вечерта се судри со друг брод што превезувал течен природен гас. Екипажот составен од 24 члена е евакуиран. Според гибралтарските власти, трупот на товарниот брод напукнал, но се уште пловилото е во еден дел. Капетанијата на пристаништа на Гибралтар соопшти дека нафтата што се излеала од бродот се собира во пловечката ограда поставена да спречи еколошка катастрофа. Инаку, самиот брод не служи за транспорт на горива, туку горивото на пловилото е исклучиво за придвижување на бродските мотори. Судирот со бродот што превезувал течен гас се случил кога „ОС-35“ се обидел со манвеар да го напушти Гибралтарскиот залив. Непосредно по инцидентот привремено бил прекинат целиот морски сообраќај во пристаништето. Владата во Гибралтар соопшти дека подготвува операција за да се источи горивото од загрозениот брод што е можно поскоро, но на најсоодветен и најмалку ризичен начин.

Заталканата ракета на Илон Маск ќе се судри со Месечината

Тале Кристо — Wed, 26 Jan 2022 12:53:11 +0000

Ракета на компанијата на Илон Маск, „Спејс екс“, е на пат кон судир со Месечината откако помина речиси седум години во вселената, според мислењата на експертите, а пренесува „Гардијан“. Ракетата-бустер беше лансирана од американската сојузна држава Флорида во февруари 2015 година, во рамки на мисија за испраќање на сателит во вселената. Заталканата ракета немала доволно гориво за да се врати на Земјата, а ниту „доволно енергија за да избега од гравитацијата на системот Земја-Месечина“ според метеорологот Ериг Бергер. Упатените веруваат дека ракетата, која претставува околу четири метрички тони на „вселенски отпад“, е на курс за судир со Месечината со брзина од околу 2,58 километри во секунда, во рок од неколку недели. Бил Греј кој го пишува софтверот за следење на вселенски објекти во близина на Земјата, истакна дека ракетата „Фалкон 9“ веројатно ќе удри во далечната страна на Месечината, на 4 март. Се смета дека ударот нема голема важност, иако постои надеж дека би можел да пружи одредени информации.

Грчки државјанин физички нападнат сред Скопје – друго возило удрило во неговото, па решил возачот да се пресмета со тепање

Магдалена Андонова — Fri, 08 Oct 2021 14:47:58 +0000

На 07.10.2021 во 14.30 часот во СВР Скопје, Х.Т.(30) од Република Грција, со престојувалиште во Скопје, пријавил дека околу 09.35 часот на крстосница на подрачјето на Центар, додека управувал возило, бил удрен од друго возило „опел“, со скопски регистарски ознаки. По ударот возачот излегол и физички го нападнал. Се преземаат мерки за расчистување на случајот.

Во сударот на двата воза во Чешка погинаа двајцата машиновозачи и една патничка

Тале Кристо — Wed, 04 Aug 2021 11:26:42 +0000

Три лица загинаа во сударот на двата патнички воза, што се случи утринава во југозападниот дел на Чешка, додека десетици патници се повредени. Чешките железници јавија дека во сударот учествувале локален патнички воз и меѓународен брз воз, што од Минхен се движел кон западниот чешки град Плзен и понатаму кон Прага, главниот град на Чешката Република, пренесуваат американските медиуми. Полицијата соопшти дека најмалку три лица загинаа во несреќата што се случи малку по 8 часот утринава во градот Милавче. Меѓу жртвите се машиновозачите на двата воза и една патничка, соопштија властите. Десетици други лица се повредени, од кои пет потешко, се наведува во соопштението на Противпожарната и спасувачка служба на регионот Плзен. Повредените со четири хеликоптери се пренбесени во блиските болници и во Прага, додека тројца патници што зборувале германски јазик боле пренесени во болниците во Германија. Регионалната спасувачка служба соопшти дека на вкупно 52 лица им било потгребно згрижување. На чешките спасувачи во помош им притекнале нивните колеги од Германија. Сликите од местото на несреќата покажуваат дека предниот дел од брзиот воз, со кој управуваат германската компанија „Лендербан“ и „Чешки железници“, е сериозно оштетен. Чешкиот министер за транспорт, Карел Хавличек изјави дека причина за несреќата најверојатно е човечка грешка, и дека машиновозачот на брзиот воз не застанал на одредено место. -Ситуацијата е сериозна, рече министерот Хавличек.

Судирот на Грожан се случил со брзина од 221 км/ч

Тале Кристо — Mon, 30 Nov 2020 07:25:55 +0000

Формула 1 тимот Хас сподели информации за здравствената состојба на Ромен Грожан, кој вчера имаше сериозна несреќа на почетокот на трката за Големата награда на Бахреин. Шефот на тимот Гинтер Штајнер, кажа дека испитувањето потврди дека Грожан се спасил од фрактурата. Лекарите се занимаваат со закрепнување на Французин од изгореници на неговите раце. Исто така се известува дека судирот се случил со брзина од 221 км/ч. Грожан од болница порача дека се чувствува добро и се заблагодари на поддршката која ја добива од сите страни на светот.