судбина – Kurir.mk

Судбината на Трајковски: Пред три години го одјави Палермо, синоќа Италија, на истото место

Ристе Здравков — Fri, 25 Mar 2022 09:28:15 +0000

Александар Трајковски ќе остане со големи букви запишан во историјата на македонскиот фудбал, не само поради голот за победа против Италија, туку и поради се што му даде на националниот тим низ кариерата. Иако често во сенка на Пандев, Несторовски, Тричковски и други напаѓачи, популарниот Алекс секогаш беше на располагање за репрезентација и постигна неколку исклучително важни голови. Синоќа се поклопија коцките, на стадионот каде помина дел од играчката кариера, Трајковски се потсети на деновите поминати во Фудбалскиот клуб Палермо кој повеќе не постои, а неодамна почина и неговиот долгогодишен претседател Маурицио Ѕампарини. Пред да се случи дисквалификацијата на клубот од административни причини, Палермо играше во Серија Б, а ударниот тандем го сочинуваа Трајковски и Несторовски. На последниот натпревар, одигран на 11 мај 2019 година, на стадионот Ренцо Барбера, Палермо ремизираше со Читадела (2-2), а двата гола ги постигнаа македонските репрезентативци. Последниот во историјата на клубот беше дело на Трајковски, на асистенција на Несторовски. Речиси три години подоцна, Алекс ја одјави и Италија која го пропушта и вториот Мундијал по ред.

Од приказната за старото дрво ќе добиете важна лекција

Ивана Ефремовски — Mon, 02 Nov 2020 13:41:48 +0000

Еден дрвосечач и неговите помошници отишле во шумата да бараат градежен материјал. Тие таму виделе едно дрво чиешто стебло било толку големо што пет мажи не можеле да го обиколат држејќи се за раце и толку високо што како да ги допирало облаците. Гледајќи ја ситуацијата, главниот дрвосечач рекол да не губат време на тоа дрво, бидејќи би им било потребно многу време за да го пресечат. Од друга страна пак, од него не би можело да се направи чамец бидејќи би потонал од тежината, а ако одлучат да го користат за кров на некоја куќа, тогаш ѕидовите би требало да бидат премногу дебели. Така групата дрвосечачи продолжила понатаму, па додека оделе едниот од помошниците рекол: „Толку големо стебло, а не служи за ништо“. На тоа главниот одговорил: „Грешиш. Тоа дрво на сопствен начин ја следело својата судбина. Кога би било како другите, ние би го исекле. Но бидејќи имало храброст да биде поразлично, уште долго ќе остане живо и силно. Поука: Бидете она што сте и следете го својот животен пат. Имајте храброст да бидете поинакви од другите и ќе успеете да добиете многу работи во животот.

Овие 3 хороскопски знаци ќе добијат подароци од судбината од 24 до 31 август

Магдалена Андонова — Sat, 22 Aug 2020 08:38:16 +0000

Според светските астролози, последната недела од Август ќе биде неверојатна за неколку хороскопски знаци, а токму во овој период, истите ќе бидат наградени од ѕвездите. 1. Лав Последната недела од Август за Лавовите ќе започне со финансиски успеси и успеси на работното место. Воедни, оние преставници кои веќе создале свое семејство, ќе го израдуваат истото со многу добри вести. За дел од Лавовите им претстои период во кој лудо ќе се вљубат во прекрасна личност. 2. Водолија Крајот на летото им ветува и на Водолиите период под среќна ѕвезда. Судбината конечно ќе им даде можност да ги решат проблемите и негативните работи го ги измачуваа во изминатиот период, а конечно и една нивна луда фантазија ќе се оствари. 3. Овен Овенот кој напорно работеше изминатиот период слободно може да очекува унапредување на работното место и покачување на платата. Покрај тоа што неговата кариера ќе врви нагоре, Овните ќе доживеат и успеси на љубовното поле, кога најмалку очекуваат.

25 правила на судбината: Во животот ќе платите за сѐ, но најскапо ќе ја платите пасивноста

Ристе Здравков — Tue, 18 Dec 2018 19:06:04 +0000

Постојат 25 правила на судбината. Не е познато кој ги измислил. Но, оние кои се запознале со нив, воглавно се сложуваат со нив и се обидуваат да ги следат. Тие всушност и не се некои правила, туку психотерапевстска техника. Нејзината цел е разуверување. Тој процес е долг и бара чувство на свесност, цел и упорност. Тие правила треба да се земат сериозно и промислено, т.е треба да ги читаме секој ден. Ако еднаш се прочитаат и заборават, нема да постои никаква корист од нив. Најдобро е да ги закачите во соба и секогаш да ви бидат пред очи. Обидете се и брзо ќе забележите дека вашиот живот станал полесен. 25 правила на судбината:

Почетокот на сѐ е празнина, но таа мора да биде пополнета.
За да ги постигнете тоа што го сакате, не е доволна самата желба – потребно е да донесете одлука. Само во тој случај ќе се појават и можностите.
За да го промените својот пат, прво морате да застанете, па дури тогаш да почнете да се движите во друг правец.
Во животот ќе платите за сѐ. Но, најскапа е пасивноста. Понекогаш тој факт станува јасен дури на крајот на животот.
Ако човек цело време се плаши дека ќе направи нешто погрешно, тој човек несвесно ја прави најголемата грешка во животот.
Сличното се привлекува со сличното. Во животот ништо не е случајно. Ние не ги привлекуваме луѓето кои би сакале да ги видиме покрај себе, туку оние кои ни се слични.
Ако видите дека поставената цел е неостварлива, сосредоточете се на други цели. Кога ќе ги достигнете, обидете се да се вратите на првата цел.
Ако ништо не барате од животот, тој ништо нема да ви даде. Ако барате нешто недефинирано и тоа што ќе го добиете ќе биде недефинирано. Секогаш јасно артикулирајте ги своите желби.
Во животот не постојат апсолутни уживања. Тие секогаш се ограничени со нашата перцепција на светот.
Тежнеете кон промени? Тогаш заборавете на пасивноста, затоа што благодарејќи на неа ги пропуштаме можностите кои ги нуди судбината. Одредете го својот пат и одредиште, но имајте на ум дека за да дојдете до него, морате да се поместите.
Животот секогаш нѐ присилува да ги решиме задачите кои ги избегнуваме. Невозможно е да се скриете од нив, затоа што ако не решиме некој проблем во овој момент, ќе мораме да го решиме во некој понатамошен период во животот, но ќе мораме повеќе да платиме за тоа.
Секогаш имаме избор во животот. Во светот постојат многу можности, но кога ќе добиеме нешто, секогаш губиме нешто друго. Загубите се неизбежни, но и тие може да ги гледаме како добивка.
Новото секогаш подразбира уништување на старото. Не само што мораме да го уништиме, туку и да направиме место. Тоа подразбира труд, време и знаење, затоа што мораме да знаеме што и како градиме. Ако немаме такво знаење, тогаш подобро да не го уништуваме. Инаку би можеле да изградиме нешто страшно.
Луѓето се обидуваат да си го променат животот, но старите навики ги спречуваат во тоа. Тие цело време се обидуваат да се вратат на вообичаеното делување. Затоа промените секогаш се случуваат полека и бараат умствени напори.
Нам нѐ привлекува она што го сакаме, она што го чекаме и она од коешто највеќе се плашиме, затоа што нашата свест се фокусира на тоа. Судбината никогаш не дава премногу. Таа е великодушна, но само во границата на нашите желби. Проширете ги границите и ќе добиете повеќе.
Целиот живот е полн со спротивности. Некој ни се допаѓа, некого презираме. Со некои луѓе сме пријатели, а со други луѓе се натпреваруваме, добиваме и губиме, се сретнуваме и се разделуваме. Човекот тежнее кон стабилност и истовремено чувствува незадоволство со нескладниот тек на животот. Невозможно е да разбереме нешто незнаејќи ја неговата спротивности.
Луѓето тежнеат кон хармонија, но за да ја дојдеме до хармонија, мораме да ја имаме во себе. Тоа значи прифаќање на своите предности и недостатоци, прифаќање на своите несовршености и внатрешен мир. Потребно е да делуваме и чувствата да делуваат заеднички.
Мораме да сфатиме дека светот не е создаден само за задоволство. Светот многу често не ги задоволува нашите очекувања и визии за него, но без оглед на тоа, секогаш мораме да се трудиме да правиме добро. Оној кој не е способен за тоа, никогаш нема да биде состојба да го цени доброто кое другите му го направиле.
Човек се нервира од карактеристиките на другите луѓе кои и тој самиот ги има во себе. Другите луѓе можат да бидат наше огледало, само треба внимателно да гледаме во нив и тогаш подобро ќе се запознаеме самите себе.
Ако те обземени со силна желба да поседувате нешто, тоа значи дека не ги препознавате своите пособности и доблести. Погледнете внимателно во себе, можеби имате многу повеќе од она што сте сакале.
Многу е тешко да се борите со негативните мисли. Тие нѐ присилуваат да трпиме, патиме и се грижиме. Од тој негативен збир, одберете една мисла и загушете ја. Тогаш ќе го разбиете штетниот ланец и тие нема толку да ви пречат.
Прифатете се себеси такви какви што сте. Тогаш сите тешкотии, немир и комплекси ќе исчезнат, а вие можете да почнете да го живеете вашиот живот со полни гради.
Светот околу нас е апсолутно нетруален. Ние самите го правиме добар или лош. Обидете се позитивно да ја перцепирате реалноста, тогаш ќе видите дека во неа има среќа и радост.
Никогаш не го земајте мислењето на другите како конечна вистина. Невозможно е да бидеме добри за сите. Секогаш ќе има луѓе кои ќе нѐ клеветат. Не дозволувајте да ве надвладеат.
Сите доаѓаме и си одиме од овој свет. Размислувајте за смислата на постоењето. Тоа е света задача на човечкиот живот, иако можеби немаме апсолутен одговор.

Едноставни правила, зар не? Сепак, тие многу поволно влијаат на нашиот поглед кон светот. Не е тешко да ги следиме, а нивната корист е непроценлива.

Ако на двајца им е судено, ќе си го најдат патот и ќе се пронајдат…

Ристе Здравков — Wed, 12 Sep 2018 07:18:03 +0000

Врските понекогаш се навистина чудна работа. Се појавуваат кога најмалку ги очекуваме. Доволен е еден поглед или случајна средба за да се појави таа искра на љубовта. Овие работи се толку случајни и неочекувани што човек помислува дека судбината сигурно замешала прсти. Дури и ако не верувате во судбина, понекогаш се случуваат некои работи кои сериозно го разнишуваат вашиот скептицизам. Некои луѓе веруваат дека самите си ја кроиме судбината. Човек мора да излезе и активно да учествува во обликување на животот кој го посакува. Ништо нема да се случи ако не ризикувате. Со напор и труд, ќе се зголемат и шансите да ги добиете работите што ги сакате, вклучувајќи ја и љубовта. Со тоа што ќе си ги подобрите изгледите за љубов, поголеми се шансите да ја запознаете љубовта на вашиот живот. Ова може да вклучува патување, запознавање луѓе, создавање нови пријателства и преземање ризици. Ако се отворите и не се плашите од одбивање, тогаш имате голема шанса да ја пресретнете љубовта. Кога двајца луѓе ќе се најдат по години лутање, интензитетот на љубовта може да биде преголем. И двајцата пробале различни врски, но ниту една не била како таа која тие меѓусебно ја споделуваат. И понекогаш, дури и таквите врски завршуваат. Нешто коешто било толку идеално сигурно било судено да биде, зарем не? И покрај тоа што тој спој на судбината може да биде застрашувачки и многумина тврдат дека се подготвени, сепак не е секој човек подготвен за она што е потребно за таа судбоносна љубов. И затоа луѓето се повлекуваат дури и од совршената врска. Дури и ако сте се бореле за да најдете љубов, може да се случи да се исплашите од длабочината на врската. Без оглед на тоа дали верувате во судбина или мислите дека сте одговорни за сопствената среќа, ако треба да бидете со некого, сили кои се помоќни од вас и кои се надвор од вашата контрола ќе направат сѐ за да бидете заедно. Дури и ако се случи да се разделите одреден период, на крајот патиштата повторно ќе ви се сретнат, а тогаш нови ветришта и нова свежина ќе се појави во вашата љубов. Судбината ќе ви даде втора шанса. Секогаш има надеж, сѐ додека сте подготвени да се борите. Не се откажувајте од себеси или од врската од вашите соништа. Постои прекрасна љубов и вистинска личност за вас. Можеби и веќе сте ја сретнале вашата голема љубов, но моментално сте разделени. Судбината ќе ви даде втора шанса да бидете заедно. Не се плашете да бидете заедно, борете се за таа љубов.

Ова двегодишно девојче е посилно и од лошата судбина: И ја ампутирале ногата пред да прооди, а сега трча и танцува (ВИДЕО)

Матеја Петровски — Mon, 18 Jun 2018 13:43:26 +0000

Двегодишното девојче Џулијет Вејтс била родена со сериозен деформитет на левата нога, поради кој не можела да се движи. Поради тоа на неа морале да и ја ампутираат ногата уште пред да прооди. -Џулијет немаше дел од потколеницата, лигаменти, а дел од стапалото и било искривено, немаше неколку прсти, бутната коска и била пократка... Лекарите ни понудија две опции, да и се вгради продолжеток или ампутација. Се одлучивме за ампутација која беше направена кога имаше само 11 месеци, а потоа тргна нејзината битка со привикнување на протезата и првите чекори. Поради неверојатната личност и силата која ја има лесно ги совлада сите препреки и денеска оди и трча, вели мајката на Џулијет, Аманда Берлинг Вејтс. Еден дошла да ја проба новата пофлексибилна протеза. На почетокот одбивала и не сакала да се откаже од старата, дури и кога и рекле дека со неа ќе може да скока, танцува. И покрај почетното одбивање, Џулијет на крајот се навикнала на новата протеза за која вели дека ја прави посреќна. На патот кон својот дом Џулијет на своите родители има кажала дека новата протеза ја усреќува.

ЕВЕ ШТО ВЕ ОЧЕКУВА: Месецот на раѓање ја открива вашата судбина

Ивона Петрова — Wed, 28 Feb 2018 09:58:09 +0000

Судејќи според научниците и статистиката, месецот на раѓање влијае на вашето однесување, кариера, љубовен живот... Месецот во кој сте родени може да открие многу работи за вас. Во нумерологијата месецот на раѓање се користи за да се одреди карактерот на личноста. Ако сакате да дознаете што месецот на раѓање открива за вас, само побарајте го вашиот месец во текстот подолу. Родени сте во јануари Овие луѓе се аналитични, независни и родени да бидат лидери. Исто така се многу креативни и паметни поради што отскокнуваат од останатите. Нивната харизма им помага да се однесуваат како лидери без никаков проблем. Покрај тоа сакаат понекогаш да водат традиционален живот. Лични особини Тие се сериозни, резервирани, мотивирани, внимателни, друштвени, тврдоглави и секогаш се подготвени да учат едни од други. Туѓите мани и слабости не им се важни. Чувствителни се и знаат секого да го усреќат. Обично се тивки, но не и кога се напнати или возбудени. Подложни се на настинки, но отпорни на други болести. Внимателни се со парите и секогаш размислуваат два пати пред трошење. Родени сте во февруари Овие луѓе се емпатични и интуитивни. Врските им се важни и се што сакаат е да го поминат животот со вистинска личност. Ако не ја најдат се депресивни и празни. Грижливи луѓе се и добри родители. Лични особини Реалистични, интелигентни, привлечни, темпераментни, срамежливи, скромни, тивки, искрени, лојални и паметни. Имаат цели кон кои тежнеат. Ја сакаат слободата и мразат ограничување. Чувствителни се и лесно може да бидат повредени. Лесно се лутат, но не покажуваат. Покрај тоа знаат да бидат и тврдоглави, грижливи, амбициозни и успешни. Родени сте во март Луѓето родени во март се на вистинско место во вистинско време. Може да заработат многу пари лесно, иако знаат брзо да ги изгубат. Знаат да бидат неверни, па понекогаш им е тешко да бидат во врска. Исто така се склони кон пороци. Лични особини Актрактивни, резервирани, срамежливи, таинствени, искрени, чувствителни, великодушни, полни со разбирање. Сакаат мир и тишина. Сакаат да се на услуга на другите, да патуваат, сонуваат. Имаат и лоши особини – лесно се лутат и сакаат одмазда. Брзаат кога е во прашање изборот на партнерот. Родени сте во април Овие луѓе се тврдоглави, заповеднички настроени, креативни, привлечни и паметни. Родени се за лидери, амбициозни, харизматични поради што имаат многу пријатели и љубов во животот. Обидете се помалку да наредувате, за да не ги отргнувате луѓето од себе. Лични особини Активни се, динамични, одлучни поради што многупати зажалуваат. Добри пријатели се и помагаат во решавање на другите проблеми. Великодушни се, емотивни, грижливи и храбри. Родени сте во мај Луѓето родени во мај може да бидат талентирани музичари, актери или писатели, бидејќи им е многу важно да ја изразат својата личност. Почитуваат авторитет и веруваат во бракот. Поминуваат многу време во држба со пријателите. Понекогаш им е потребно време во природа за да го вратат својот баланс. Лични особини Тие се тврдоглави, мотивирани, полни со разбирање, вредни, убави, со силна волја и срце. Лесно може да се налутат. Неуморни се и сакаат да патуваат. Исто така имаат бујна фантазија и сакаат да сонуваат. Родени сте во јуни Овие луѓе се романтични, но и љубоморни. Исто така се сензуални и сјајни љубовници, понекогаш љубовниот живот и е комплициран и често се врзани со луѓе од минатото. Нивна најголема маана е трачарењето. Лични особини Љубезни се, учтиви, чувствителни, активни, тврдоглави, темпераментни, забавни, сонувачи и добри пријатели. Лесно може да ги повредите и брзо се им здосадува. Ретко ги покажуваат чувствата и ги одложуваат обврските поради својата несигурност. Родени сте во јули Родените во овој месец се искрени, љубезни, грижливи. Сепак лесно може да бидат цинични, саркастични. Може да бидат генијални, но се пречувствителни и склони кон депресија. Лични особини Забавни се и доверливи, тивки, искрени, друштвени, темпераментни, тактични, грижливи, бистри, понекогаш со променливо расположени. Не се злобни и одмазднички настроени. Може се да простат, но не и да заборават. Тешко стекнуваат нови пријатели. Родени сте во август Овие луѓе знаат силно да сакаат и ја ценат вредност на бракот. Гледаат добро во секого. Успешни се и ги инспирираат другите. Лични особини Забавни, романтични, друштвени, чувствителни, привлечни, великодушни, внимателни. Имаат особини на лидер, лесно се лутат и се љубоморни. Брзо мислат и носат самостални одлуки. Талентирани се за музика, уметност и боречки вештини. Родени сте во септември Овие луѓе се интелигентни, флексибилни, организирани и спиритуални. Најголема слабост им е тоа што лесно паѓаат во депресија. Престанете да бидете толку критични кон себе, ако сакате да бидете успешни. Лични особини Грижливи, организирани, тивки, тврдоглави, лојални, грижливи, мудри, пребирливи кога се врските во прашање. Имаат одлична меморија и знаат огромен број на информации. Родени сте во октомври Овие луѓе имаат многу среќа. Секогаш добиваат што сакаат. Од друга страна се одмаздуваат. Борбата против вашите внатрешни демони, може да ви помогне да ги исполните и најлудите сништа. Исто така може да бидат омилени лидери. Лични особини Правични, емотивни, искрени, одлучни, лојални. Сакаат патувања, уметност и книжевност. Сакаат да зборуваат и да бидат во центарот на вниманието. Убави се и привлечни, но лесно се лутат па стануваат љубоморни и повредени. Лесно градат нови пријателства и ги одржуваат. Родени сте во ноември Тие се многу остроумни и секогаш имаат разни идеи. Ништо не може да ги спречи да го исполнат она што го наумиле. Лични особини Вредни се и романтични, чувствителни, динамични, трпеливи, одлучни, позитивни. Понекогаш им одговара осаменоста и не се сигурни што чувствуваат кога се во врска. Родени сте во декември Ако сте родени во овој месец вие сте практично филозоф кој сака стабилен и удобен живот. Имате добро здравје и среќна рака. Лесно ја пронаоѓате љубовта. Поради дружењето некогаш може да ги игнорирате обврските. Лични особини Привлечни, искрени, доверливи, патриоти, интерактивни, брзоплети, амбициозни, сакаат да бидат во центарот на вниманието. Не сакаат преправање и не се егосити. Мразат органичување.