судија – Kurir.mk

Пијан фудбалски судија направи скандал во Грција

Ивана Ефремовски — Sun, 09 Apr 2023 14:10:04 +0000

Полскиот фудбалски судија Павел Рачковски се најде во фокусот на скандал во Грција каде вечерва требаше да го суди првенствениот натпревар меѓу АЕК и Арис во Атина. Како што наведуваат грчките медиуми, Рачковски утринава со своите помошници во видно алкохолизирана состојба правел проблеми на атинскиот аеродром. Стив Бенет, претседателот на Фудбалската федерација на Грција, мораше итно да именува алтернативни грчки судии за натпреварот закажан за во 17 часот. Рачковски веќе подолг период е ангажиран да суди на натпреварите од грчкото првенство, а неодамна беше и главен арбитер на најголемото грчко дерби меѓу Панатинаикос и Олимпијакос. (МИА)

Полскиот судија пресреќен: Да го судам финалето е како да сум светски првак

Ивона Петрова — Sat, 17 Dec 2022 12:48:36 +0000

Полскиот судија Симон Марчинијак изјави оти е пресреќен по одлуката на ФИФА да му ја додели улогата на главен судија на утрешното финале на Светското првенство меѓу Аргентина и Франција. -Фантастично, тоа ми беше сон уште од детските денови. Морам да бидам фокусиран на секоја секунда, да не губам концентрација. Очекувам одличен натпревар. Аргентина и Франција имаат големи играчи, рече 41-годишниот полски судија. Марчинијак на Светското првенство во Катар веќе им судеше на двата финалисти, на Франција во победата над Данска во групната фаза (2-1), а на Аргентина во победата над Австралија со истиот резултат во осминафиналето. -Тоа што веќе им судев и на едните и на другите за мене секако е предност. Ги познавам екипите, тие мене ме познаваат и може да бидеме сигурни дека ќе завршиме добра работа, најави Марчинијак.

Фудбалскиот свет во шок: Ненадејно почина угледниот судија Хамел

Ивона Петрова — Wed, 16 Nov 2022 10:17:11 +0000

Француската спортска јавност е шокирана со веста за смртта на познатиот фудбалски судија Јохан Хамел (42 години), кој имал мозочен удар за време на тренинг и набрзо потоа и починал. Тој не бил меѓу судиите одбрани да ја делат правдата на Мундијалот во Катар, поради што сакал паузата да ја искористи да ја подобри физичката подготвеност. Вчеравечер за време на тренингот се онесвестил, по што било утврдено дека имал тежок мозочен удар по кој едноставно лекарите не можеле да го спасат. Веста ја потврдија и од француската судиска организација. Хамел последниот меч како прв судија го имаше на 6 ноември на дуелот помеѓу Лил и Рен во кој покажа пет жолти и еден црвен картон. Изминатиов викенд беше дел од судиската екипа на пресметката помеѓу ПСЖ и Оксер (5-0) на кој беше главен во ВАР-собата.

ВИДЕО: Циркус на натпреварот на Ривер: Судија удри играч, па му покажа црвен картон

Ристе Здравков — Mon, 17 Oct 2022 10:55:20 +0000

Аргентинскиот гигант Ривер Плата утрово загуби со 1:2 во натпреварот против Росарио со што пропушти шанса да се доближи на табелата до водечката Бока Јуниорс. Во овој натпревар видовме дури 15 минути судиско продолжение, а тоа беше поради циркусот кој настана во финишот од средбата. Се започна кога судијата Еченике со рака случајно го удри Кинтаро од Ривер, за овој без многу размислување да му возврати така што силно го оттурна. Одоговорот на судијата на неговата таква постапка беше – директен црвен картон.

Македонски судија ќе ја дели правдата на европското финале во одбојка кое се одржува во Скопје

Ивона Петрова — Sun, 04 Sep 2022 10:21:24 +0000

Македонија ќе има најдиректен претставник во финалето на Европското првенство за одбојкарки до 19 години. Нашиот меѓународен судија Јосип Христов ќе биде втор арбитар во натпреварот за златниот медал меѓу Србија и Италија, денеска од 19 и 30 во арената „Борис Трајковски“ во Скопје. Двете репрезентации го одбранија максималниот биланс на шампионатот и во вчерашните полуфинални пресметки беа доминантни против ривалките. Србија се радуваше над Полска со 3:0, исто како Италија против Холандија. Македонија е домаќин на Европското првенство кое се одржуваше од 27 август до 4 септември во Скопје во спортските центри „Борис Трајковски“ и „Јане Сандански“. На ЕП учествуваат 12 репрезентации, меѓу кои и македонската.

БРУТАЛНО: Деца претепаа судија на натпревар во САД (ВИДЕО)

Ивана Ефремовски — Thu, 07 Apr 2022 14:09:05 +0000

Голем инцидент се случил на кошаркарски натпревар во средно училиште во малото гратче Литонија во предградието на Атланта. Младите кошаркари на едната екипа не беа задоволни од одлуките на судијата, па веднаш по натпреварот истрчаа на теренот физички да се пресметаат со него. Судијата почна да се повлекува за да избегне конфликт, но групата момчиња не се откажа од намерата. Тие го соборија судијата на земја и почнаа брутално да го удираат по стомакот и главата. Нападнатиот беше тешко повреден и веднаш префрлен во болница. Лекарите морале да му стават 30 конци на главата, а, за среќа, неговата состојба сега е стабилна. Засега никој ниту е уапсен, ниту обвинет за нападот, а полицијата потврдила дека има истрага која е во тек.

Y'all these bad ahh kids got off on the referee 😐 Why the other refs ain't help tho pic.twitter.com/FGXhxqFDer
— NoPauseTv (@NoPauseTv) April 4, 2022

Стеф Кари му додели техничка – на судијата (ВИДЕО)

Ристе Здравков — Mon, 29 Nov 2021 09:38:37 +0000

Стеф Кари сезонава игра во неверојатна форма и синоќа го предводеше Голден Стејт до триумф на гостувањето кај Лос Анџелес клиперс. Фантастичниот плејмејкер имаше дуел со еден од судиите, откако прво не му беше досудена лична грешка при еден влез. Кари се изнервира и жестоко реагираше кон судијата и очекувано доби техничка грешка. Само кратко потоа Кари погоди тројка и ја прослави со тоа што му „додели“ техничка на судијата.

A short story:

It started with the referee T’ing up Steph Curry. It ended with Steph T’ing up the ref. pic.twitter.com/pernQDoYEN
— Antonin (@antonin_org) November 28, 2021

Кејн со поддршка на одлуката жена да биде именувана како главен судија на натпревар на Англија

Дарко Андоновски — Sun, 10 Oct 2021 08:51:24 +0000

Фудбалерот на Англија, Хари Кејн, искажа поддршка за назначување жена за главен судија на англиската репрезентација синоќа на гостувањето во Андора. Англија победи со 5:0 во квалификациски меч за Светското првенство 2022. – Ова е првпат жена да и суди на Англија и ова треба да биде прво од многуте. Историјата се оствари и ние сме чекор поблиску до Светското првенство, напиша Кејн на Твитер. Правдата на овој меч ја делеше Украинката Катерина Монзул. Асистенти беа нејзините сонароднички, Марина Стрилетскаја и Светлана Грушко.

Главниот кондиционен тренер на УЕФА елитни судии, Вернер Хелсен „на тренинг“ со македонските арбитри

Дарко Андоновски — Thu, 07 Oct 2021 06:59:28 +0000

Македонските фудбалски судии деновиве имаат можност да учат од главниот кондиционен тренер на УЕФА за елитни судии, професор Вернер Хелсен, кој е одговорен за селектирање и подготовка на елитни судии за европски и светски првенства. Целта на кампот кој Фудбалска федерација на Македонија го организира за прв пат, во соработка со Европакста фудбалска асоцијација е македонските судии да се обучат и информираат за најновите методи за унапредување на тренажниот процес. Вернер Хелсен со МИА сподели дека во рамките на кампот ќе започнат со задачите кои ги изискува еден натпревар, бидејќи, како што кажа, тоа е клучниот предизвик за да знаат што да прават додека тренираат, потоа, ќе се фокусираат на неколку работи подетално. – На првиот тренинг ќе се фокусираме на трчање со висок интензитет, но не само трчање, туку трчање и притоа донесување на одлука. Потоа ќе се сконцентрираме на брзина и издржливост. Брзината е важна бидејќи играта станува сѐ побрза, вели Хелсен. Дополнува дека за време на кампот ќе се фокусираат и на тренинг на мозокот, концентрација, перцепција и донесување на одлуки. Тој има впечаток дека генерално, судиите се прилично мотивирани, дури и повеќе од професионалните играчи и порача да уживаат, учат и да се подобруваат. Националниот тренер на фудбалските судии во државава, Сашо Даневски, смета дека е направен голем напредок, бидејќи, како што кажа, за прв пат се применети најновите УЕФА тестови за главни судии и асистенти кои што ги положиле сите судии. – Се инвестира доста во опрема и технологии за следење и проценка на кондиционата подготовка. Имаме уште доста за работа, меѓутоа сметам дека доста голема работа имаме завршено и до сега, изјави Даневски.

Познати судиите кои ќе ја делат правдата на мечот Исланд-Македонија

Бошко Тасиќ — Sat, 04 Sep 2021 07:09:03 +0000

Нашата фудбалска репрезентација натпреварот со Исланд го игра на гости во недела, а веќе се познати судиите кои ќе делат правдата на мечот во Рејкавиќ. Главен судија ќе биде Иван Кружлиак од Словачка, а ќе му помагаат сонародниците Бранислав Ханцко и Јан Позор. додека Филип Глова е назначен за четврти судија. Во ВАР-собата ќе бидат Павел Рачковски и Даниел Стефански од Полска, кои ќе добијат помош од Мартин Ингварсон од Шведска и Михаел Шафрот од Швајцарија. Дуелот со Исланд го играме в недела со почеток од 18:00 часот и ќе биде петти во овие квалификации во кои до сега имаме две победи, еден пораз и едно реми.