судијка – Kurir.mk

И ТОА СЕ СЛУЧУВА: Судијка во Струмица му судеше на својот сопруг (ФОТО)

Дарко Андоновски — Thu, 17 Aug 2023 10:43:35 +0000

Брера Струмица славеше против Воска Спорт со 2-0 во второто коло од Прва лига, но тоа што е необично е дека најверојатно за првпат во историјата на македонскиот, А можеби и во европскиот фудбал, судијка му судеше на својот сопруг. Четврти судија на натпреварот беше Ирена Велевичковска, која е сопруга на фудбалерот на Брера, Александар Ристевски, објави „Штипски Асови“. „Судиската четворка не направи ниту една грешка во Струмица. Судеше објективно и професионално. На теренот нема пријателство, мора да се суди по правилата на фудбалската игра. На стартот на сезоната Брера оствари две победи. Среќен сум што играм за овој тим“, кажа Ристевски за „Штипски Асови“. Екипата од Струмица претходно славеше и во првото коло против Вардар со 1-0.

Формиран предмет против судијката која не изрекла забрана за приоѓање на монструмот од Градачац

Ристе Здравков — Mon, 14 Aug 2023 10:00:42 +0000

Канцеларијата на дисциплинскиот обвинител на Високиот судски и обвинителски совет на Босна и Херцеговина покрена предмет против судијката Лејла Нумановиќ од Градачац, која одби да изрече забрана за приоѓање на убиената Низама Хеќимовиќ, по предлог на полициската управа Градачац, објави порталот „Аваз“. „Во врска со вашето барање, би сакале да ве информираме дека Канцеларијата на дисциплинскиот обвинител на Високиот судски и обвинителски совет на Босна и Херцеговина формираше случај по службена должност врз основа на написи објавени во медиумите за дејствијата на судија на Општинскиот суд во Градачац. Канцеларијата преку истрага ќе ги утврди релевантните факти за случајот, за да ги испита наводите за повреда на службената должност на судијата во одлучувањето“. Тројниот убиец Нермин Сулејмановиќ пред неколку дена брутално ја ликвидираше својата невенчана сопруга Низама Хеќимовиќ, уби уште две лица, рани тројца, а потоа се самоуби. Само четири дена пред убиството на судија на Општинскиот суд во Градачац, Лејла Нумановиќ донесе одлука со која го отфрли предлогот на полициската управа Градачац да му се изрече мерка забрана на Нермин Сулејмановиќ за вознемирување, следење и приближување кон жртвата, пишува „Аваз“. Судот одлучувал за тоа откако Низама го пријавила партнерот од кој побегнала, за насилство.

Спречен физички напад врз судијка од Кочани

Тале Кристо — Wed, 25 Aug 2021 14:46:31 +0000

На 24.08.2021 во 16.00 часот во Полициската станица Кочани, судијка во Основен суд Кочани пријавила дека при извршување службени дејствија, А.С. агресивно се однесувал и се обидел физички да ја нападне, но бил спречен од судскиот полицаец. Се преземаат мерки за расчистување на случајот.

Почина судијката на американскиот Врховен суд, Гинсбург

Ивона Петрова — Sat, 19 Sep 2020 07:40:56 +0000

Судијката во американскито Врховен суд, Рут Бадер Гинсбург почина синоќа на 87-годишна возраст. Со тоа американскиот претседател Доналд Трамп ќе може да именува трет судија Врховниот суд пред претседателските избори. Гинсбург, голем борец за правата на жените и икона на американските либерали, почина од рак на панкреасот во нејзиниот дом во Вашингтон. Нејзиното заминување може дополнително да ја смени идеолошката рамнотежа во американскиот Врховен суд, во кој има пет конзервативни и четворица либерални судии. Трамп досега именуваше двајца конзервативни судии – Нил Горшуч во 2017 година и Брет Кавано во 2018 година. Судиите во Врховниот суд ги номинира претседателот, а потоа мора да бидат потврдени во Сенатот, каде мнозинството се републиканците. Во 2017 година поминаа 67 дена од номинацијата на Трамп до потврдата на Горсуч во Сенатот, додека во 2018 година, Кавано беше назначен за 89 дена. Претседателските избори во САД ќе се одржат на 3 ноември.

За некого мајка за некого маќea: Полициjата експресно го пронајде и кaзни возачот кој ќе ја „прегазел“ уставната судијка

Магдалена Андонова — Tue, 08 Sep 2020 12:10:53 +0000

И додека македонското општество се соочува со досега невидена поделеност кога станува збор за функционирањето на правната држава и правдата, ситуација во која за некого важат законите и Уставот, а за останатите не, судијката во Уставниот суд, Наташа Габер Дамјановска се пофали на социјалните мрежи дека правдата го стигнала возачот кој наводно ќе ја прегазел на пешачки премин. -Голема благодарност и пофалба за професионализмот и ефикасноста на МВР во пронаоѓањето на лицето кое сериозно ја загрозуваше безбедноста во сообраќајот. Ја истакнувам и желбата да се помогне на хумано, а не само на професионално ниво. Мојот јавен апел како граѓанин на оваа држава, со најдобра намера и за доброто на сите нас, цели кон заложба за јакнење на превенцијата на вакви состојби и кон построга и поефикасна казнена политика во сообраќајот против крајно неодговорното однесување на некои учесници во сообраќајот. Постојат бројни соодветни искуства во постарите демократии кои можат да се применат и состојбата да се подобри. Можна е и дополнителна законска регулатива која би воспоставила построги рамки за сторителите, посебно кога се во прашање дејствија кои доведуваат до непосредна животна опасност по другите, а актуелно се третираат само како прекршоци. Време е за позитивни промени и воведување ред, со тоа се постигнува и владеење на правото. Нека ни е честит Денот на осамостојувањето! Да си ја чуваме Државата, напиша таа на Фејсбук. Да не заборавиме дека казната за несовесниот возач кој ќе ја прегазел судијката доаѓа само некплку дена откако за сообраќајка со две жртви македонското правосудство определи условна казна. -Драги ФБ пријатели, морам да ви соопштам дека пред еден час ќе бев МРТВА!!!! Најбрутално ќе ме изгазеше возач кој ПРЕТЕКНУВАШЕ други возила со огромна брзина на самиот ПЕШАЧКИ пред молот Рамстор. Возилата доаѓаа од страната на Макпетрол, првите од нив подуспорија пред пешачкиот премин, а овој, спорниот, нестрплив, ги претекнуваше како да се наоѓа на авто трки. Да не изреагирав брзо да избегам ќе беше фатално, за влакно го доптретрчав преминот и се спасив, шинувајќи си ја ногата. Црвено возило, ново, скопска регистрација со бројот четири на регистрацијата и можеби тројка. Толку бев во шок (и сеуште сум) што не успеав да видам добро други карактеристики. АПЕЛИРАМ НА ВАКВОТО ВОЗЕЊЕ НИЗ ГРАДОТ ДА СЕ СТАВИ КРАЈ! КАКО ГРАЃАНИН БАРАМ НАЈСТРОГИ КАЗНИ ЗА БРЗО ВОЗЕЊЕ. ДА СЕ ПОСТАВАТ КАМЕРИ И БЕЗ ПАРДОН КАЗНИТЕ ДА СЕ ИЗВРШУВААТ! Денес јас преживеав, друг ден, друго лице можеби не. Доста со неизживеани и примитивни. А, да, и да се стави СЕМАФОР таму, кај ДВАТА пешачки премина, бидејќи навистина е небезбедно. Не треба да се случи нешто несакано за да се интервенира. ПРЕВЕНЦИЈА, напиша таа на Фејсбук. Но останува нејасно како Габер си зима за право да говори за правдата, кога Уставниот суд од кој и самата е дел дозволи ноторно кршење на Уставот изминативе неколку години, замижувајќи пред промената на името двојазичноста и други правни скаламуции и кршења на Уставот на Република Македонија. Не дека тој што го прекршил законот не треба да одговара, но држава во која законите важат само за „малите“ и оние кои ги повредуваат правата на „големите“ не е демоктратија туку феудално општество.

Ѓоковиќ ги моли навивачите да не ја навредуваат судијката

Магдалена Андонова — Tue, 08 Sep 2020 09:33:59 +0000

Новак Ѓоковиќ повторно се огласи преку социјалните мрежи откако претходно на идентичен начин се извини за ненамерното удирање со топчето на линиската судијка Лаура Кларк. Најдобриот тенисер на светот е дисквалификуван од УС Опен бидејќи со топчето удри линиска судијка во пределот на вратот. Ѓоковиќ веднаш се извини за потегот, притрча да види дали е се во ред судијката Лаура Кларк, но организаторот немаше друг избор и го дисквалификува од турнирот. Потоа Ѓоковиќ не присуствуваше на прес конференцијата туку веднаш замина за Европа и се огласи преку социјалните мрежи притоа извинувајќи се на судијката. Неговите навивачи веднаш започнаа хајка против Лаура Кларк на социјалните мрежи и брутално ја навредуваа бидејќи според нив таа одглумила и дека ударот не бил толку опасен за нејзиното здравје. Поради тоа Ѓоковиќ уште еднаш се огласи и тоа преку Твитер и побара да запрат навредите кон судијката: -Драги навивачи, ви благодарам на сите позитивни пораки. Ве молам, запомнете дека на линиската судија која беше погодена исто така и е потребна наша поддршка. Не направи ништо лошо. Ве молам да ја поддржите, порача Ѓоковиќ.

This whole situation has left me really sad and empty. I checked on the lines person and the tournament told me that thank God she is feeling ok. I‘m extremely sorry to have caused her such stress. So unintended. So… https://t.co/UL4hWEirWL
— Novak Djokovic (@DjokerNole) September 6, 2020

Марија Шерифовиќ со клетви и навреди до судијката што ,,настрада” од Ѓоковиќ

Магдалена Андонова — Mon, 07 Sep 2020 15:55:16 +0000

Најдобриот тенисер на светот Новак Ѓоковиќ беше исфрлен од турнирот откако ја удри топката преку рамото на крајот од првиот сет од осминафиналето против Шпанецот Пабло Карен Буста, со резултат 6: 5 за противникот. Топката отскокна и ја погоди линиската судијка Лорен Кларк во грлото. Иако ударот не беше премногу силен, Кларк падна и почна да се гуши. Ѓоковиќ веднаш истрча и и помогна на судијката, но правилата се јасни. Поради тој потег, тој беше исфрлен од турнирот. Фановите на Новак и српските медиуми ги нападнаа организаторите. Тие велат дека ова е организирана завера против најдобриот играч на светот, и тврдат дека ова било само повод за исфрлање на Ѓоковиќ и дека никогаш немало да им се случи нешто слично на Надал или Федерер. Бесен коментар испрати и Марија Шерифовиќ, српската пејачка и победник на Евровизија 2007. Таа ја почести Лора Кларк со брутално колнење, алудирајќи на нејзината театралност за време на инцидентот. „Лора, ти си многу симпатична, но да ти е..м матер“, напиша Шерифовиќ на Твитер.

Dear Laura @fishi810is you are sooo sweet but still... Jebo ti pas mater! #Djokovic
— Marija Serifovic (@futomaki) September 7, 2020

Пресуда: Кој е послаб, губи – Судијка со закана дека ако реагираат на пресудата, ќе бидат казнети!

Магдалена Андонова — Fri, 04 Sep 2020 14:27:44 +0000

Родителот на лицето кое што пред 2 години загина во сообраќајка, на својот Фејсбук профил напиша статус во кој кажува дека за виновникот за смртта на неговиот син денес била донесена пресуда дека не е виновен, само бил условно осуден на две години. Тој во статусот потенцира дека пред да биде донесена пресудата, судијката го известила дека без разлика каква и да е пресудата, да останат мирни и да не реагираат, зошто во спротивно може да бидат казнети. На беспомошниот татко кој изгубил сопствено дете, му се крати правото да ја истера правдата за смртта на неговиот син, а обвинителството и судството го оставаат лицето кое што одзеде живот и уништи фамилии да се шета на слобода.

Судијката Лазарова Трајковска: Уставниот суд важно е да завземе активна улога во следење на Уредбите со законска сила коишто ги носи Владата

Дарко Андоновски — Wed, 25 Mar 2020 21:09:05 +0000

Судијката Мирјана Лазарова Трајковска поранешна судијка на Судот за човекови права во Стразбург и актуелна судијка во Врховниот суд на Република Македонија, во вечерашната емисија „Што не е јасно“ на Алфа телевизија, истакна дека Уставниот суд треба да завземе проактивна улога во следење на Уредбите со законска сила коишто ги носи Владата. -Уставните судови се важни во услови на вонредна состојба, за жал нашиот Уставен суд нема надлежност да дава претходно мислење таканаречено советодавно мислење на законодавецот, односно сега Владата којашто има улога на законодавец. Но Уставниот суд може веднаш да реагира по носењето на закон којшто би навлегов во кршење на човековите права, истакна судијката Лазарова Трајковска. Судијката вели исто така дека за тоа е потребен проактивен суд и силен Уставен суд којшто активно ќе ги следи указите со законска сила и онаму каде што има основ да се интервенира. -Постои законски основ Уставниот суд по службена должност да се појави во јавноста, но јас тоа не го очекувам, затоа што нашиот Уставен суд немал до сега таква проактивна улога, вели Лазарова Трајковска. Таа потенцираше дека важна е улогата на Уставниот суд во ваква ситуација, меѓутоа и Владата може исто така да направи Советодавно тело од поранешни уставни судии, од професори на правниот факултет, со кои на дневна основа ќе се консултира во однос на издржаноста и уставноста на некои дејствија и какви би биле последиците од некои закони кои се донесуваат. Таа вели дека во ваква ситуација на вонредна состојба целта треба да е што помалку да се навлегува во ограничувања на правата и слободите на граѓаните , затоа што би имало основа за предмети пред нашите судови и Судот за човекови права.