судови – Kurir.mk

УПОЗ: Да се зголемат платите на вработените во судовите, а не само на судиите

Магдалена Андонова — Tue, 15 Jun 2021 13:55:06 +0000

Синдикатот на УПОЗ денеска со соопштение реагира на вчерашната најава за зголемување на платите на судиите при што посочува дека немаат ништо против тоа, но оти сметаат дека зголемувањето на платите на вработените во судовите треба да биде поголемо од тоа на судиите, бидејќи, како што нагласуваат, разликата меѓу платите на едните и другите е огромна. Синдикатот реагира и за тоа што не биле вклучени во преговорите за покачување на платите и бараат средба на министерот за правда Бојан Маричиќ со претставници на вработените во судовите и јавните обвинителства. -Синдикатот на УПОЗ не е против зголемувањето на платите на судиите, но е против тоа што не е вклучен во разговорите и не е консултиран колкаво треба да е зголемувањето на платите на вработените во судовите. Доколку бевме прашани, со аргументи ќе докажевме дека во овој случај зголемувањето на платите на вработените во судовите и јавните обвинителства треба да биде поголемо од зголемувањето на судиите затоа што разликата помеѓу платите на судиите и другите вработени е премногу голема и предизвикува револт, кој влијае на нивната ефикасност, ефективност и посветеност во работењето, велат од УПОЗ. Посочуваат дека судските доставувачи – курири се со плата од 16.500 денари, записничарите – дактилографи со плата од 18.000 денари, вработените во писарница со плата од 21.000 денари и стручните судски службеници – стручните соработници со плата од 25.000 денари. Најголем дел од вработените земаат плата помала од просечната. Само многу мал број вработени, според УПОЗ, се над тој просек, а тоа се раководителите на оддели и одделенија (кои ги има само во двата најголеми судови) и администраторите. Состојбата со платите е идентична и во јавните обвинителства. Од Синдикатот на УПОЗ нагласуваат дека се единствен репрезентативен синдикат и социјален партнер, со кој според Уставот и законите, министерот треба да разговара за сите прашања поврзани со работниот однос на вработените. -При ова очигледно е дека вчера беа заборавени постојаните барања на Синдикатот за зголемување на платите на судската и јавно обвинителската администрација, а заборавено беше и тоа дека во судовите има вработени судски полицајци и помошно – технички персонал. Таквиот пристап на селективност при зголемувања на платите во судовите беше повод за многу протести и штрајкови во минатото. Секогаш оваа категорија вработени и во судовите и во обвинителствата се на маргините, се заборава дека нивната работа е тимска што значи за да има предмет кој конечно ќе биде завршен со издржана, законита одлука, се вклучува цел тим на вработени, од доставувачи, дактилографи, службеници во писарница, па до соработници, се вели во реакцијата од УПОЗ. (МИА)

Костовски: Полицијата и судовите во Македонија се приватни

Тале Кристо — Wed, 24 Feb 2021 11:37:27 +0000

Полицијата и судовите во Македонија се во приватна сопственост, државата тоест целокупниот политички систем се распаѓа, додека пак владата ни приредува политички циркуз за дефокусирање на јавноста од катастрофалните нејзини политики кои за жал не носат директно до пропадната Држава, пишува на својата Фејсбук страница пратеникот од редовите на ВМРО-ДПМНЕ Дарко Костовски.

Промовиран протоколот за заштита од Ковид-19 во судовите

Ивана Ефремовски — Tue, 03 Nov 2020 11:22:08 +0000

Задолжително носење заштитна маска и држење социјална достанца, како и мерење телесна температура на влез во судската зграда, дезинфекција и проветрување на судниците, предвидува Протоколот за спроведување мерки за заштита од Ковид-19 во судовите, што денеска го промовираше Здружението на судии. Протоколот има советодавен карактер и е изработен со техничка и финансиска поддршка на ОБСЕ и ќе биде испечатен и дистрибуиран низ судовите во земјава. Претседателот на Основниот кривичен суд во Скопје Иван Џолев, рече дека овие мерки и досега се применувале, но сега добиваат една поусогласена форма. -Ова претставува едно продолжување и давање форма на се она што судовите го применуваа. Ова е форматирање и допрецизирање и на одлуката на Судскиот совет за функционирање на судовите и во пандемија, изјави Џолев. Целта на овие протоколи, посочи тој, е да се обезбеди здравствена заштита на сите странки и вработените во судовите, како и обезбедување на функционалноста на судот. ретседателот на Здружението на судии Џемали Саити, на промоцијата рече, дека протоколите содржат стандарди за кои се консултирани повеќе институции и се необврзувачки, но дека се добра основа и ќе помогнат во работата на судовите и на граѓаните. -Можеби во блиска иднина и Судскиот совет ќе постапи тука со некоја нивна задолжителна примена, изјави Саити. Услови за спроведување на судењата во Основниот граѓански суд засега има, смета судијката од Основниот граѓански суд Емилија Шопар Јованова. -Засега немало проблем. Судницата е доволно голема да присуствува и странката и јавноста, изјави Емилија Шопар. Изработени се 10 илјади флаери и 900 постери кои ќе бидат распределени низ сите судови во државата. (МИА)

Михајловски: Во судовите има луѓе како во Универзална сала, бараме да се одржуваат само итните предмети

Дарко Андоновски — Tue, 17 Mar 2020 11:53:00 +0000

Во пресрет на одлуклата на Судски совет за тоа кои судења ќе се одржуваат а кои ќе се одлагаат, како дел од мерките за превенција, претседателот на Адвокатската комора Љубомир Михајловски, предупреди дека низ судниците во цела држава дневно се одржуваат по неколку 1000 рочишта и претставуваат потенцијални места каде може да се шири короната, пренесува Телма. Дополнитлно како адвокати комуницираме со притворени и затворнеи лица и би било катастрофа ако во затворите се прошири вирусот, истакнува Михајловски. Тој потсети дека Адвокатската комора викендот испрати писма до сите надлежни со барање да се одржуваат само итните предмети. Вели како адвокати ќе ги почитуваат одлуките и насоките што ќе ги донесат Судски совет и Врховен суд. -Само вчера во Граѓански суд во рок од два саати вчера имаше само 600 луге, како цела Универзална сала да ја донесете. Ова не го бараме само поради адвокатите туку поради сите и граѓани, изјави Михајловски.

Продолжува подновувањето на возните паркови на судовите (ФОТО)

Катерина Бојаџиева — Mon, 04 Mar 2019 13:06:58 +0000

По примерот на скопскиот Апелационен суд, и Апелациониот суд Битола за иста цена, од 27.560 евра од буџетот ќе купува патничка лимузина. Огласот е објавен на Бирото за јавни набавки. Според тендерската документација, автомобилот треба да биде со погон на сите 4 тркала и со моќност од минимум 140 kw како и црна металик боја. На списокот купувачи на нови автомобили се и судовите во Велес и Штип. Тие се поскромни, па планираат да потрошат само по 13 илјади евра. Но, Управниот суд и гостиварска Апелација не се толку скромни, па ќе потрошат по 27 илјади евра за да купат нови возила. Возниот парк го поднови и судот во Тетово- си купија автомобил од 19 илјади евра.

Мешаница по судовите: Груевски денеска на две, а неговите адвокати на три судења во ист термин

Ивона Петрова — Mon, 05 Nov 2018 09:48:41 +0000

Барањето за поголема динамика на предметите од страна на специјалната обвинителка Катица Јанева направи вистинска мешаница по судовите. Се закажуваат судења во ист ден ист час, а судиите воопшто не се искоординирани и се натпреваруваат помеѓу себе чие рочиште е поважно, поприоритетно и не смее да се откажува. Денеска Никола Груевски мораше да присуствува на рочиштето за предметот „Општина Центар“, а во исто време беше закажан и предметот „Титаник". Обвинетиот Мумир Пепиќ пак, требаше да го напушти судењето за Титаник и со својот адвокат Еленко Миланов да оди на рочиштето за 27 април, но судијата Осман Шабани не дозволи Пепиќ да ја напушти судницата, па бранителот Миланов отиде сам да го презакажува судењето кај судијата Добрила Кацарска. Адвокатите буквално трчаа од новата до старата зграда и обратно, поднесувајќи до советите барања за откажување на некои од рочиштата.