судска одлука – Kurir.mk

Имал забрана за приближување до домот во Берово и до сопругата, но не ја почитувал судската одлука

Катерина Бојаџиева — Wed, 18 Aug 2021 15:34:48 +0000

ОВР Берово поднесе кривична пријава против М.Д.(45) од Берово, поради постоење основи на сомнение за сторено кривично дело „неизвршување на судска одлука“. На пријавениот од страна на Основиот суд во Берово му се изречени привремени мерки за заштита од семејно насилство - „отстранување од домот“ и „забрана да се приближува до живеалиштето на жртвата“. Но, тој сепак во периодот од 23.07.2021 до 07.08.2021, во повеќе наврати, при проверките од страна на полициски службеници, бил затекнат во домот неговата сопруга Ф.Д., со што свесно и со умисла презел дејствија на непридржување на судската одлука со која бил задолжен.

Донесена судска одлука против Астра Зенека – еве што треба да направи фармацевтската компанија

Тале Кристо — Fri, 18 Jun 2021 13:59:50 +0000

Брисел, 18 јуни 2021 (МИА) – Првостепениот суд во Брисел денеска одлучи дека фармацевтската компанија Астра Зенека има рок до 27 септември да ги испорача ветените дози вакцини до земјите членки на ЕУ, јави дописничката на МИА од Брисел. Станува збор за 50 милиони дози, од кои 15 милиони Астра Зенека мора да ги испорача до 26 јули во девет часот наутро, 20 милиони дози до 23 август и последните 15 милиони дози до 27 септември. Европската Комисија ја тужи Астра Зенека за неиспорачаните вакцини предвидени во договорот склучен уште пред да бидат развиени вакцините. Поради доцнењата во испораката земјите членки на ЕУ се соочија со проблеми во кампањата на вакцинација на граѓаните. Доколку фирмата не ги достави дозите на време ќе треба да плати по десет евра по неиспорачана доза, одлучи бриселскиот суд. Судот оцени дека Астра Зенека направила „сериозна грешка“ со прекршувањето на договорот склучен со ЕУ и дека фирмата требала да ги вложи сите можни напори за да испочитува својот дел. Претседателката на Европската Комисија ја поздрави одлуката на белгискиот суд. – Оваа одлука го потврдува ставот на Комисијата: Астра Зенека не ги исполни своите ветувања од договорот, добро е да се види дека независен судија го потврдува ова, изјави Урсула фон дер Лајен.

Судска одлука од која ќе се шокирате: Секс со жена е основно човеково право на секој маж

Ивана Ефремовски — Thu, 04 Apr 2019 13:32:34 +0000

Еден маж поднесе жалба на претходна судска одлука со која му се забрануваат сексуални односи со 20-годишната сопруга затоа што поради ментални пречки таа веќе не може да даде согласност за тоа. На судот за заштита во Лондон, додека се разгледувал случајот со жената која има ослабени когнитивни способности, дошло до сериозни несогласувања. Судијата Хејден рекол дека „сексот со жена е основно човеково право на секој маж“, во врска со жалбата што ја поднел еден маж, пишува „Гардијан“. Тој поднел жалба на претходна одлука на судот со која му се забрануваат сексуални односи со 20-годишната сопруга затоа што поради ментални пречки таа повеќе не може да даде согласност. Судиите тогаш нагласиле дека со таква одлука спречуваат можност жената да се смета за силувана. Многу активисти за човекови права ја коментираа изјавата на судијата Хејден истакнувајќи дека тоа е „легитимизација на мизогинија и омраза кон жените“. – Не постои закон кој му дава можност на мажот да инсистира на секс, ако нема согласност – тоа е силување, напиша на Твитер лабуристичкиот пратеник Тангам Дебонир. (МИА)