сулејман реџепи – Kurir.mk

Реџепи открива детали за престрелката во која беше ранет неговиот син: Се работи за нарачано дело!

Ивана Ефремовски — Tue, 02 Mar 2021 17:56:33 +0000

Поранешниот претседател на Исламската верска заедница на Македонија (ИВЗ), Сулејман Реџепи, во изјава за Лајм зборуваше за престрелката што се случи вчера во населбата Ѓорче Петров во Скопје, на која беше повреден неговиот син Зеглул Реџепи, инспектор во МВР, пренесува Слободен Печат. Реџепи вели дека неговиот син бил повреден додека бил на должност, но за среќа се здобил со лесна повреда на ногата. -Автомобил без регистарски ознаки го следел син ми. Бидејќи е вработен по професија во МВР, го забележал и застанал културно да го праша зошто го следи, но тој се свртел кон него и испукал три куршуми. Еден куршум се вратил откако удрил во автомобилот и полесно ја повредил ногата. Синот денес ја напушти болницата и се врати дома, изјавил Реџепи. -Немавме закани или нечисти сметки со никого. Не знаеме која е позадината. Сторителот мора да ја искаже намерата откако ќе се уапси. За нас несомнено е дека станува збор за нарачано дело, но случајот го оставивме во рацете на надлежните органи. Сторителот откако го изврши злосторството, автомобилот го оставил на улицата „Радушка“, за да го однесе до рампата во Сарај и да избега со друг автомобил”, го објаснува случајот Реџепи, пренесе Слободен Печат.

Новиот поглавар на ИВЗ контра Реџепи: Коронавирусот не е мртов!

Љупчо Цветаноски — Tue, 16 Jun 2020 15:28:24 +0000

За новиот реис на ИВЗ Ковид вирусот е жив и е опасен. За разлика од неговиот претходник Сулејман Реџепи кој го прогласи вирусот за умрен, новиот поглавар смета дека коронавирусот е присутен и брзо се шири. Шаќир Фетаху порача дека како верска институција тие не се компетентни да ја оценуваат болеста, пренесува Сител. Фетаху на првата средба со новинарите вети транспарентност и отчетност, но сепак не откри дали поради помладата сопруга или пак финансиски биле причините за разрешувањето на Реџепи. Првиот човек на ИВЗ рече дека едноставно дошло време да се случи промена а примопредавањето поминало добро и институцијата ја затекнале стабилна. Шаќир Фетаху најави реформирање на ИВЗ со својот нов тим меѓу кои беа присутни скопскиот, тетовскиот, муфтиите од Охрид и Куманово.

ФОТО: Ова е новата сопруга на реисот Сулејман Реџепи

Ристе Здравков — Sat, 23 May 2020 18:18:03 +0000

24-годишната Емина Јетиши од Скопје е новата сопруга на 74-годишниот реис Сулејман Реџепи. Јетиши е потпретседателка на огранокот на ДУИ во Студеничани и има ќеркичка од претходниот брак. Реџепи претходно 4 години беше „сингл“, а според традицијата за новите младоженци, реисот оваа година за празникот Рамазан Бајрам два пати ќе се бања, еднаш после ифтар, еднаш пред молитва.

Сулејман Реџепи се оженил со 24 годишна девојка – тврдат албанските портали

Ристе Здравков — Sat, 23 May 2020 11:41:59 +0000

Реисот Сулејман Реџепи кој 4 години беше сингл, одлучил повторно да се жени, пишува на објавата на „Шкупи Нисма“ на социјалните мрежи, која ја пренесуат и дел од медиумите на албански јазик. Неговите 74 години не го спречија Сулејман Реџепи да создаде нова лубовно-брачна врска со 50 години помлада девојка. Џематот ни сподели и повеќе информаци, но ние нема да се занимаваме со приватноста на никого. Му посакуваме живот како што заслужил – пишува во објавата на „Шкупи Нисма“ на Фејсбук, кој постојано ги критикува политиките на ИВЗ. Порталот „ШќипМедиа“ контактирал со објавувачот на информацијата, кој ја потврдил веста и додал дека утре ќе објават и фотографи од новата невеста на Реисот.

За ОЈО нема говор на омраза во изјавата на Реџепи дека Македонците се див и бездушен народ без идентитет

Предраг Кукиќ — Wed, 27 Nov 2019 19:44:42 +0000

Основното јавно обвинителство Скопје ја отфрли пријавата против поглаварот на Исламската верска заедница (ИВЗ), Сулејман Реџепи, бидејќи заклучи дека не постојат основи на сомнение дека пријавениот ги сторил кривичните дела – „Излагање на подбив на македонскиот народ и припадници на заедниците од чл.179 и Предизвикување омраза, раздор или нетрпеливост врз национална, расна, верска или друга дискриминаторска основа“. Спорната изјава Реџепи ја даде при возобновување на темелите на една џамија. -Џамиите да се попречуваат и да не се одоброува нивната изградба, оваа работа нема да ја дозволиме. Никогаш нема да молчиме. Се надеваме со господ напред дека ќе дојдат подобри времиња и секаде имаме народ и места… во село Лажец, битолско каде повеќе од 100 години немаат џамија. Замислете вие каков див народ е овој со кој сме во соживот. Овие се беспримерен див народ, затоа немаат идентитет и нема да имаат никогаш, без разлика што ние сакаме да им помогнеме. Не се помага, бездушниот не се освестува, рече тогаш Реџепи. Клучен доказ за ОЈО е тоа што во изјавата Реџепи никаде директно не кажал „македонски народ“. -Клучен елемент на кривичното дело – Излагање на подбив на македонскиот народ и припадници на заедниците од чл.179 од Кривичниот законик претставува намера јавно на подбив да се изложи македонскиот народ и припадници на заедниците кои живеат во државата, а при дадената изјава пријавениот никаде директно не споменува македонски народ, ниту припадници на заедниците со намера да ги измејува – велат од ОЈО. и додаваат дека сослушаната судијка и сама во изјавата пред надлежниот обвинител истакнаа дека не се чувствува загрозена и не препознава говор на омраза во зборовите на пријавениот, велат од ОЈО.

Реџепи: Констатиравме дека ова е полициска држава

Ивана Ефремовски — Tue, 23 Apr 2019 20:11:11 +0000

Реисот Сулејман Реџепи вечерва одржа говор по повод случувањата во ИВЗ. Таму упадна финансиска полиција и го проверуваше работењето на Исламската верска заедница. „Констатиравме дека ова е полициска држава“, изјави Реџепи.

Реџепи: Од вечерва не сме повеќе на иста страна со оваа Влада

Ивана Ефремовски — Tue, 23 Apr 2019 20:03:23 +0000

Реисот Сулејман Реџепи вечерва одржа говор по повод случувањата во ИВЗ, каде што упадна финансиска полиција и го проверуваше работењето на Исламската верска заедница. „Од вечерва не сме повеќе на иста страна со оваа Влада“, изјави поглаварот на ИВЗ, Сулејман Реџепи. Тој истакна дека ова е немил настан. „Ова лошо нема никогаш да им го заборавиме“, додаде тој.

По тензиите за превласт во ИВЗ, се огласи Бузаку

Ивана Ефремовски — Tue, 23 Apr 2019 17:05:56 +0000

„Од утре си даваме заклетва и ќе се организираме како верници јас сум новиот поглавар на ИВЗ, рече пред новинарите Скендер Бузаку, и тоа врз основа на сите внатрешни акти и врз основа на судско решение“. Тој ја известил и финансова полиција која треба да направи увид на досегашното работеше на поглаварот Сулејман Реџепи во ИВЗ. Бузаку го обвини поглаварот на ИВЗ дека вработувал луѓе од својата фамилија во заедницата и дека поради тоа не очекуваме мирно предавање на функцијата. Основиот суд Скопје 2 ја уважил жалбата на Скедер Бузаку кој во 2015 бил избран за поглавар на ИВЗ. Во истиот тој период на паралелно собрание е реизбран за поглавар на ИВЗ Сулејман Реџепи. Во моеметов и приврзаниците на Реџепи и прврзаниците на Бузаку се во просториите на ИВЗ. Пристапот на новинарските екипи не е дозволен. ИЗВОР: ТЕЛМА

Врие во просториите на ИВЗ: Приврзаниците на Реџепи и поддржувачите на Бузаку влегоа внатре

Ивана Ефремовски — Tue, 23 Apr 2019 16:40:22 +0000

Основиот суд Скопје 2 ја уважил жалбата на Скедер Бузаку кој во 2015-та бил избран за поглавар на ИВЗ. Во истиот тој период на паралелно Собрание е реизбран за поглавар на ИВЗ Сулејман Реџепи. Во моментов и приврзаниците на Реџепи и приврзаниците на Бузаку се во просториите на Исламската верска заедница, објави Телма. Присутна е финансиска полиција која го чешла работерњето на Реџепи.

Тензична атмосфера: Обид за насилна смена на поглаварот на ИВЗ, Сулејман Реџепи (ВИДЕО)

Ивана Ефремовски — Tue, 23 Apr 2019 16:19:47 +0000

Основниот суд Скопје 2 го прифати барањето на новата исламска верска заедница да биде Скендер Бузаку, наместо Сулејман Реџепи. По приемот на решението имало присуство на зголемени полициски сили и не е познато дали во објектот ескалирала опсадата, пренесува Канал 5. Во одлуката што ја доставиле до весникот Лајм се наведува дека е прифатено Бузаку да е назначен за нов претседател на Исламската верска заедница со адреса „Чаирска 1000". И претходно имало обиди за смена на Сулејман Реџепи, но истите завршиле неуспешно. Реџепи, исто така, беше цел на неколку последователни обвинувања на заменик-претседателот на СДСМ, Мухамет Зекири.