суми – Kurir.mk

Украина: Нема повеќе руски војници во Суми

Ивона Петрова — Fri, 08 Apr 2022 05:54:53 +0000

Руските трупи го напуштија регионот Суми во североисточна Украина, соопшти Дмитро Живјицки, началникот на регионалната администрација, пренесува ДПА. Живјицки на својот „Фејсбук“ статус посочи дека во регионот сега повеќе нема руски војници. Тој го информира локалното население дека доколку слушне експлозии, тоа е поради активностите што на терен ги спроведуваат спасувачките служби и деминерите за отранување на експлозив и муниција што зад себе ги оставиле руските трупи. Живјицки сепак предупредува дека регионот сè уште не е безбеден поради поставените мини на повеќе локации. Токму поради тоа, тој го предупреди локалното население да не се вози надвор од асфалтираниот дел од коловозите, да не се користат шумски патеки и да не се чепка оставена воена опрема. Инаку Живјицки уште во неделата изјави дека почнало повлекување на руските трупи од областа. Заедно со регионите Доњецк, Луганск, Харков и Киев, регионот Суми беше една од целите на руските трупи на почетокот на воените дејствија на руските сили пред повеќе од еден месец.

Запрено истекувањето на амонијак во Суми

Ивона Петрова — Mon, 21 Mar 2022 08:16:36 +0000

Истекувањето на амонијак од хемиска фабрика во Суми кое загади поширока област е запрено, јавуваат украински официјални лица. Гувернерот на областа, Дмирто Живички не откри што е причината за истекувањето, а загадувањето се проширило на околу 2,5 километри од сите правци од фабриката која произведува ѓубриво. Фабриката се наоѓа на источниот дел од градот со околу 263.000 жители, кој последните недели е под чести напади на руските сили.

Хуманитарни коридори ќе се отворат во Суми

Ивона Петрова — Sat, 12 Mar 2022 08:09:19 +0000

Хуманитарни коридори утрово ќе бидат воспоставени за североисточен град Суми, соопшти градоначалникот Дмитри Живицки во објава на Телеграм. Според Живицки, напорите за евакуација кои ќе започнат во девет часот по локално време вклучуваат возила кои ќе заминат од шест дестинации низ регионот. Сите конвои ќе се упатат кон централниот град Полтава и се очекува да пристигнат за неколку часа.

Планирани три коридори за евакуација од Суми во североисточна Украина

Ивона Петрова — Thu, 10 Mar 2022 07:03:43 +0000

Украинските власти планираат денеска да отворат три коридори за напуштање од регионот Суми во североисточна Украина, според шефот на регионалната администрација Дмитро Живицки. Коридорите треба да ги водат луѓето на безбедно во Полтава во централна Украина, околу 170 километри јужно од Суми, објави Живицки на Телеграм. Тој рече дека е планиран прекин на огнот во 7 часот по Гринич. Руските сили го опколија Суми, соопшти британското Министерство за одбрана. Живицки рече дека речиси 50.000 луѓе го напуштиле Суми вчера и завчера.

Од Суми евакуирани речиси 3.500 луѓе, 27 цивили загинале во Харков

Ивона Петрова — Wed, 09 Mar 2022 06:14:42 +0000

Речиси 3.500 цивили се евакуирани вчера од северниот украински град Суми за време на прекинот на огнот, а 27 цивили се убиени во Харков, соопштија локалните власти. Речиси 1.700 од 3.500 евакуирани се странски студенти кои студираат на универзитетите во Суми, соопшти регионалниот гувернер Дмитро Живицки, додавајќи дека прекинот на огнот еднаш бил прекршен со пукање кај контролен пункт. Најмалку 27 цивили се убиени во руските напади врз источниот украински град Харков во минататите 24 часа, соопшти денеска полицискиот функционер Серхи Болвинов. Вкупно 170 луѓе се убиени во регионот Харков од почетокот на руската инвазија на 24 февруари, меѓу кои и пет деца, информира Болвинов на интернет. Украинските сили вчера ги одбија обидите на руските сили да влезат во Харков и спречија планирана акција на 120 руски падобранци во близина на границата, изјави регионалниот гувернер Олех Синехубов. Падобранците се спуштиле во близина на украинскиот пограничен град Вовчанск, на околу 50 километри североисточно од Харков, но биле поразени од украинските сили, рече тој. Што се однесува до Мариупол, американски извори велат дека тој е опколен од руски сили, но оти тие наводно не влегле во градот. Украинските власти соопштија дека уште еднаш не успеале да евакуираат цивили од Мариупол. Вицепремиерката Ирина Верешук ја опиша ситуацијата во опколениот град како „катастрофална“. Хуманитарните коридори од Мариупол кои би воделе кон Русија или Белорусија се неприфатливи, нагласи таа.

Верешчук: Цивилите ќе го напуштат Суми со хуманитарен конвој

Ивана Ефремовски — Tue, 08 Mar 2022 08:21:04 +0000

Цивилите денеска ќе го напуштат опколениот украински град Суми според договорот со Русија за воспоставување „хуманитарен коридор“, изјави украинската вицепремиерка Ирина Верешчук. „Договорено е првиот конвој да тргне во 10 часот (9 по средноевропско време) од градот Суми. По конвојот, ќе оди локалното население со сопствени возила“, рече Верешчук во телевизиска изјава. Повеќе од десет лица загинаа во воздушни напади врз градот Суми во североисточна Украина, соопштија локалните власти, пренесува ДПА. „Во некои делови се бомбардирани станбени згради“, рече Дмитриј Живицки, шеф на регионалната администрација во Суми, во изјава објавена на Фејсбук рано утрово. Тој рече дека неколку куќи се уништени кога бомба паднала во близина на центарот на Суми. Суми, во близина на руската граница, со денови е место на тешки борби. (МИА)

Најмалку деветмина загинати во напад врз украинскиот град Суми

Тале Кристо — Tue, 08 Mar 2022 07:42:39 +0000

Најмалку девет лица, меѓу кои две деца, загинаа во напад извршен од воздух врз украинскиот град Суми, околу 350 километри источно од Киев, соопштија спасувачките служби. -Непријателски авиони подмолно нападнаа станбени згради доцна синоќа, соопштија денеска спасувачките служби на Телеграм. Суми, во близина на руската граница, со денови е место на тешки борби.