Сунѓер Боб – Kurir.mk

ФОТО: Четири годишно момче тајно нарачало 46.818 сладоледи со ликот на Сунѓер Боб, семејството во шок

Ивона Петрова — Sat, 08 May 2021 14:29:12 +0000

Четири годишно момче од Њујорк направило голема сметка откако тајно нарачувало водени сладоледи во форма на ликот од цртаниот филм, Сунѓерот Боб. Задоволството на малото момче изнесувало 2618 долари за нарачката од Амазон. Ноа Брајант од Бруклин нарачал 51 пакување во кое имало по 918 сладоледи, а со адреса на испорака до неговата тетка. Амазон најпрво истакнале дека нема да се откажат од нарачката, па мајката на момчето морала да плати голема сметка. Сепак од компанијата подоцна посочиле дека се во контакт со семејството Брајант и дека сладоледите ќе ги донираат во локалната хуманитарна заедница. Во меѓувреме на сајтот "GoFundMe" биле собрани 11.000 долари за помош на момчето и неговото семејство. Семејството истакнало дека собраните пари ќе ги насочат кон образованието на Ноа кој има АСД.

Стана хит преку ноќ- претставничката на Малта влезе во финалето, но сите ја исмејуваат поради нејзиниот настап и гардероба (ФОТО)

Дарко Андоновски — Fri, 17 May 2019 10:03:03 +0000

Претставничката на Малта вчера се пласираше во финалето на Евровизија која годинава се одржува во Тел Авив, Израел. И додека публиката е поделена околу нејзиниот необичен настап, твитер заедницата и објави „војна“ на пејачката. Пејачката Michaeala која вчеравечер се претстави со песната „Chameleon“, ја споредија со лик од познат цртан филм. Иако ритмичниот настап ја дигна публиката на нозе, нејзиниот настап се најде на тапет поради гардеробата, но и поради сценографијата која наликуваше како сцена од цртаниот филм „Сунѓерот Боб“.

Почина создавачот на Сунѓерот Боб, минатата година дозна дека боледува од тешка болест

Ивона Петрова — Wed, 28 Nov 2018 08:34:52 +0000

Стивен Хиленбург, создавачот на популарниот цртан Сунѓерот Боб, почина на 57 години. Тој починал по кратката битка со Амиотрофична латерална склероза ALS, невродегенеративна болест која ги напаѓа нервните ќелии, се наведува во соопштението. Болеста на Хиленбург му беше дијагностицирана во 2017 година.