супер глоуб – Kurir.mk

Познати групите за ракометниот Супер Глоуб

Бошко Тасиќ — Sat, 01 Oct 2022 05:15:56 +0000

Втора година по ред, неофицијалното светско клупско првенство, ИХФ Супер глоуб, ќе се одржи во Саудиска Арабија, а првпат ќе брои шеснаесет екипи. Четири тима во секоја од четирите групи ќе се борат за елиминациските натпревари.Европските тимови, кои се главни фаворити за трофејот, се избегнаа во фазата по групи и може да се сретнат дури во четврт-финалето. Група А: Магдебург (Германија), Сиднеј (Австралија), Ал Kалеј (Саудиска Арабија). Група Б: Бенфика (Португалија), Ал Ахли (Египет), Ал Мудар (Саудиска Арабија). Група Ц: Киелце (Полска), Ал Кувајт (Кувајт), Таубате (Бразил). Група Д: Барселона (Шпанија), Есперанца (Тунис), Монтереј (Мексико). Турнирот Супер глоуб ќе се игра од 8 до 13 октомври, во Дамам (Саудиска Арабија). Титулата од минатата сезона ја брани германскиот првак Магдебург.

Кјелце и Бенфика добија специјална покана за Супер-глоуб

Бошко Тасиќ — Thu, 14 Jul 2022 18:37:40 +0000

Вицепрвакот на ракометната Лига на шампиони, полски Кјелце и освојувачот на Лигата на Европа, португалска Бенфика добија специјална покана за настап на Супер глоуб 2022. Светската ракометна федерација одлучи вајлд картите за турнирот на континенталните шампиони да им ги додели на овие два тима. Така Кјелце и Бенфика им се приклучија на Магдебург и Барселона кои во Саудиска Арабија ќе ја претставуваат Европа. Ал Ахли од Египет ќе биде претставникот на Африка, а екипата на Ал Кувајт како победник на Азискиот шампионат ќе ја претставува Азија. Домашната Саудиска Арабија ќе има два клуба престатвника, но се уште не се знае кои ќе бидат. Од Јужна Америка доаѓа екипата на Таубате од Бразил, од Океанија доаѓа Сиднеј Универзитет, а непознаница е и уште и претставникот на Северна Америка и Кариби.

Кјелце ќе бара вајлд-карта за Супер глоуб

Бошко Тасиќ — Tue, 28 Jun 2022 05:00:27 +0000

Полскиот ракометен шампион Кјелце сака да учествува на Супер глоуб турнирот во Саудиска Арабија, кој ќе се одржи во месец октомври, пренесува полскиот портал „ТВП Спорт“. Раководството на клубот се обидува да добие вајлд-карта за настап на еден од најсилните турнири на светот. Келце на Супер глоуб турнирот учествуваше во 2016 година, откако обезбеди директен пласман како европски шампион. Избраниците на Талант Душебаев во дебитанскиот настап го освоија бронзениот медал.Со текот на годините, имаше промена на форматот на турнирот, бројот на учесници и местото на одржување. За оваа година е предвидено да учествуваат десет екипи.

Алборг до трето место на Супер Глоб турнирот

Бошко Тасиќ — Sat, 09 Oct 2021 17:29:15 +0000

Мечот за трето место на овогодишниот Супер Глоб турнир донесе убедлива победа на Алборг против Пињеирос (34-29). Данскиот првак заборави на полуфиналниот неуспех и со едно одлично полувреме го одлучи прашањето на победникот. Јул-Ласен постигна шест гола за Алборг, а Сиферт со исто толку погодоци се истакна кај бразилскиот тим.

Вардар го освои третото место на Супер Глоуб

Дарко Андоновски — Sat, 31 Aug 2019 13:27:58 +0000

Ракометарите на Вардар го освоија третото место на Супер-глоуб откако „црвено-црните“ во денешното мало финале славеа над домаќинот Ал Вехда со резултат 30-26. „Вардарци“ го оставија зад себе разочарувачкиот пораз од Кил во полуфиналето, па идентично како и пред две години, повторно се закитија со бронзени медали не успевајќи да ги обединат европската и светската клупска ракометна круна. Сепак, добра утеха е фактот дека освоеното трето место на македонскиот првак му донесе и финансиска награда од 150.000 евра. Мечот почна лошо за „вардарци“, кои набрзина се најдоа во негатива од 1-3, а потоа во 5. минута исклучувања заработија Шишкарев и Дисингер, за една минута подоцна на клупата „на ладење“ да биде испратен и Скубе. Ал Вехда во неколку наврати имаше по три гола предност, но Вардар успеа да се врати и преку Шишкарев во 17. минута да израмни на 10-10. До првото водство на натпреварот Вардар дојде во 25. минута кога Горбок реализираше за 14-13, но домашниот тим го задржа ритамот до крајот на полувремето и на одмор се замина со израмнети 16-16, со голот што со звукот на сирената го постигна Чупиќ. Ал Вехда постигна гол од контранапад за водство од 17-16, но потоа домашните ракометари цели девет минути не успеаја да го најдат патот до мрежата на Гедбане, кој влезе во серија извонредни одбрани. Вардар со серија од пет гола го сврте резултатот во своја полза, па иако Ал Вехда подоцна се консолидираше, „црвено-црните“ рутински ја одржаа предноста до самиот крај, не дозволувајќи освојувањето на бронзата да им биде доведено во прашање. Чупиќ беше најефикасен во таборот на Вардар со седум погодоци, пред Кристопанс со шест и Атман со пет погодоци, додека Гедбане беше одличен на голот со 13 успешни интервенции.

Вардар по вторпат на Супер Глоуб

Предраг Кукиќ — Tue, 06 Aug 2019 11:45:02 +0000

Европски првак Вардар со освојување на европскиот трофеј по втор пат избори место на неофицијалното клупско светско првенство Супер Глоуб. Турнирот ќе се одржи од 27 до 31 август во Саудиска Арабија. На Супер Глоуб покрај Вардар ќе играат и екипите на: Ал Вехда (С.Арабија), Барселона (актуелен победник), Заламек (Египет), Сиднеј (Австралија), Таубате (Бразил), Њујорк (САД), Ал Мудхар (С.Арабија) и Кил (Германија). Екипите се поделени во две групи и се игра по принципот на елиминација. Вардар ќе игра директно во четвртфиналето и таму за прв противник ќе го има победникот од дуелот меѓу Ал Мудхар и Њујорк. Со евентуална победа, вардарци во полуфиналето многу веројатно би играле со Кил од Германија. Германците во квалификациите за четвртфиналето се среќаваат со Сиднеј, со победа одат на Замалек. Подобриот тим од овој меч ќе се пласира во полуфиналето Вардар пред две сезони исто така играше на Супер Глоуб и го освои третото место.