супер куп – Kurir.mk

Супер-купот на УЕФА во 2024 година ќе се игра во Варшава

Бошко Тасиќ — Wed, 27 Sep 2023 03:59:32 +0000

УЕФА Супер-купот, натпреварот во кој учествуваат победникот во Лигата на шампионите и победникот во Лигата на Европа, идната 2024 година ќе се игра во полскиот главен град Варшава. Ова го објави УЕФА откако донесе одлука Полска да биде градот домаќин на овој натпревар. Оваа година истиот се одигра во Атина, на стадионот „Караискаки“ во Пиреја. Одлуката е донесена на извршниот комитет на УЕФА во Кипар. Натпреварот ќе се игра на 14. август 2024 година. Домаќин на овој натпревар во 2017 година беше Скопје. До 2012 година овие мечеви се играа во Монако, на стадионот „Луј Втори“, а од 2013 година се менуваат градовите домаќини. Досега домаќини на Супер-Купот на УЕФА освен Скопје и Монако беа Прага, Кардиф, Тбилиси, Трондхајм, Талин, Истанбул, Будимпешта, Белфаст, Хелсинки и Атина.

КК Партизан остана без трофејот во Суперкупот на АБА

Бошко Тасиќ — Thu, 21 Sep 2023 04:21:45 +0000

Кошаркарите на Студентски Центар направија големо изненадување и славеа над Партизан со 83:81 во вечерашното финале на Суперкупот во АБА лигата. „Црно-белите“ беа апсолутни фаворити против популарните студенти, но црногорскиот тим максимално се бореше на средбата во Подгорица, даде се од себе и се доведе во ситуација да решава една топка. Во последниот напад за Студентски Центар одговорноста ја презема Капуста кој успеа да даде тројка за големо задоволство на домашните навивачи. Доукинс со 18 поени беше прв стрелец кај победникот, додека за гостите од Белград залудни беа 23 коша на Пантер.

Вардар го доби првото официјално дерби против Еурофарм Пелистер во Супер Купот

Бошко Тасиќ — Wed, 06 Sep 2023 18:36:16 +0000

Ракометарите на Вардар го освоија првиот трофеј во новата натпреварувачка сезона и тргнаа со победа во Суперкупот, натпреварување со кое традиционално се означува старт на новите ракометни возбудувања. Во пресметката со вечниот ривал Еурофарм Пелистер, Вардар успеа да заборави на двата порази во Европа и се рехабилитираше на домашна сцена, па со тоа ја „фрли ракавицата“ кон ривалот со кого се очекува да води жестоки битки и во наредните 10 месеци. Актуелниот македонски првак ги доби најважните пресметки со Вардар минатата сезона, но новата ја почна со пораз во Струмица, град во кој се играше Суперкупот на Македонија. Првото полувреме беше неверојатно израмнето и резултатот гласеше 13:13 по 30 минути игра, но кога мечот се кршеше, подобри беа ракометарите од македнонската престолнина. До последните 10 минути од мечот, Вардар константно имаше позитива од еден гол и Пелистер во неколку наврати израмнуваше, но потоа вардарци се одлепија на плус три и со тоа ја најавија победата која на крајот ја потврдија со 30:26. Летните засилувања Срдановиќ и Петриќ беа најдобри кај Вардар со по седум гола, а исто толку постигна и Радивојевиќ на спротивната страна.

Финалето на Суперкупот нема да се одржи во Русија, новиот домаќин е Грција

Ивона Петрова — Wed, 25 Jan 2023 19:44:03 +0000

Атина на место на рускиот град Казањ ќе биде домаќин на Суперкупот за оваа сезона, одлучи денеска УЕФА на состанокот на Извршниот одбор на Нион на кој воведе и измени во системот на натпреварување во Лигата на нации и во квалификациите за пласман на европските и светските првенства почнувајќи од следниот циклус. Од следното издание на Лигата на нации во сезоната 2024/25 се воведува четвртфинале за пласман на финалниот турнир, како и плејоф натпревари за промоција и испаѓање во дивизиите А, Б и Ц кои ќе се играат во март на домашен и гостински терен. Измени се воведени и во форматот на квалификации при што по завршувањето на ЕУРО 2024 за пласман на Мундијалот 2026 ќе се формираат 12 групи со по четири и пет репрезентации. Финалето на годинешното издание на Суперкупот ќе се одржи на стадионот „Јоргос Караискакис“ во Атина на 16 август.

ВИДЕО: Реал по петти пат го освои Суперкупот на УЕФА

Ивона Петрова — Thu, 11 Aug 2022 05:34:01 +0000

Екипата на Реал Мадрид со трофеј ја почна сезоната 2022/23. „Кралскиот клуб“ вчера на „Олимпискиот стадион“ во Хелсинки го победи Ајнтрахт Франкфурт со 2:0. За актуелниот европски шампион ова е петти трофеј во Суперкупот на УЕФА, додека Ајнтрахт Франкфурт кој е победник во Лига Европа минатата сезона, на ја искористи својата прва шанса за титула во ова натпреварување. Стрелци на головите беа Давид Алаба во 37. минута и Карим Бензема во 65. минута. Реал се изедначи со Барселона и Милан кои исто така имаат по пет трофеи во Суперкупот. Воедно, шпанскиот фудбалски гигант стигна до 98. пехар во клупската историја, и само два трофеја го делат да биде првиот клуб со 100 титули.

Суперкупот на Италија нема да биде одложен

Бошко Тасиќ — Sun, 02 Jan 2022 16:23:34 +0000

Интер и Јувентус ќе играат во планираниот термин во рамки на Суперкупот и покрај барањето овој дуел да биде одложен. Тимовите бараа нов термин поради ситуацијата со коронавирусот во двата табора, меѓутоа од властите посочија дека нема простор за одложување, иако и Интер и Јувентус беа сложни во намерата. Единствена новост е што е намален капацитетот на стадионот, па наместо 75% ќе може да има 50% навивачи на трибините. Натпреварот меѓу Интер и Јувентус ќе се игра на 12 јануари на стадионот „Џузепе Меаца“ во Милано. .

Емери за Суперкупот на УЕФА: Натпреварот ќе покаже за што е способен Виљареал против величина како Челзи

Тале Кристо — Wed, 11 Aug 2021 06:46:27 +0000

Тренерот на Виљареал, Унаи Емери, ги сподели своите очекувања за денешниот натпревар од Суперкупот на Европа против Челзи во Белфаст. – Сакам да го освојам Суперкупот, бидејќи не сум го освоил порано. Победата ќе биде одличен начин да се повлече границата од минатата сезона. Можеме уште еднаш да се запишеме во историјата и да постигнеме нешто неверојатно на почетокот на новата сезона. Суперкупот ќе покаже за што сме способни во натпревар со таква големина како Челзи – актуелниот европски клупски шампион и, според мое мислење, најдобриот тим на планетата, рече Емери. Тој како тренер на Севилја учествуваше два пати во Суперкупот (2014 и 2015 година) и два пати загуби.

Суперкупот на УЕФА ќе се одржи во Белфаст

Дарко Андоновски — Fri, 04 Jun 2021 14:20:13 +0000

Европската фудбалска асоцијација (УЕФА) го објави место каде ќе се игра Суперкупот оваа година. Натпреварот ќе се одржи во главниот град на Северна Ирска, Белфаст на стадионот „Виндзор Парк“ на 11 август. Во борбата за трофејот ќе се соочат премиерлигашот Челзи, кој ја освои Лигата на шампионите и Виљареал кој беше победник во Лигата на Европа.

Супер Купот на Италија ќе се игра во Саудиска Арабија

Бошко Тасиќ — Mon, 24 May 2021 19:22:44 +0000

Според италијанските медиуми фудбалскиот Супер Куп на оваа земја помеѓу Интер и Јувентус ќе се одигра во јануари наредната година и тоа во Саудиска Арабија. Суперкупот на оваа земја се игра надвор од Италија, освен за минатата сезона поради пандемијата со коронавирусот. За оваа сезона, која штотуку заврши, Суперкупот повторно ќе се одигра во Саудиска Арабија како во 2018-та и 2019-та година. Информацијата ја потврдил и првиот човек на Серие А, Паоло дал Пино.

Ливерпул, Челзи и Сити го доведоа во прашање учеството во Суперлигата по широката осуда

Тале Кристо — Tue, 20 Apr 2021 13:25:24 +0000

Три премиерлигаши почнале да се двоумат за идејата за влез во Супер лигата, објавија различни британски медиуми. Според „Тајмс“, еден тим веќе има намера да го напушти списокот на учесници. За потсетување, од Англија на новиот турнир требаше да учествуваат Манчестер сити, Челзи, Арсенал, Тотенхем, Ливерпул и Манчестер јунајтед. „Гардијан“ пренесува дека има сомнежи кај раководството на клубови како што се Челзи и Манчестер сити за нивното учество во Супер лигата. Истата ситуација, според изданието „Билд“, се појавила и во Ливерпул. Забележано е дека клубовите не очекувале толку голема негативна реакција од јавноста. Ноќта на 19 април веќе споменатите англиски клубови, како и Реал Мадрид, Барселона, Атлетико Мадрид, Милан, Интер и Јувентус најавија создавање на ново натпреварување – Супер лигата. Првите натпревари се закажани за август 2021 година.