супер марио – Kurir.mk

ПОВТОРНО СРУШЕН РЕКОРДОТ: Играта „Супер Марио“ продадена за 1,56 милиони долари

Ивона Петрова — Mon, 12 Jul 2021 09:14:53 +0000

Играта „Супер Марио“ за конзолата Нинтендо 64 е продадена на аукција за 1,56 милиони долари, што е нов рекорд за видео игра, соопшти американската аукциска куќа „Херитиџ“. -Ова е прва игра која некогаш е продадена на аукција за над милион долари, изјавил за Франс Прес, Ерик Бредли од аукциската куќа. „Херитиџ“ веќе го оствари првиот рекорд во петокот со продажбата на играта „Легендата на Зелда“ која е продадена за 870.000 долари. Играта Супер Марио е од 1996 година и прв пат користи 3Д. Тоа е единствена позната копија која добила оценка 9,8 А++ од компанијата специјализирана за видео игри Вата.

Отворањето на „Супер Марио“ паркот во Јапонија повторно одложено

Магдалена Андонова — Thu, 14 Jan 2021 09:16:31 +0000

Отворањето на првиот забавен „Супер Марио“ парк повторно е одложено бидејќи Јапонија се бори со зголемен број случаи со коронавирус, објави фирмата „Јапонски универзални студија“. „Искрено се извинуваме за непријатностите за гостите кои со нетрпение го чекаа отворањето. Датумот на отворање ќе биде одреден и објавен по укинувањето на вонредната состојба”, соопшти компанијата. Долго очекуваното пуштање на забавниот парк инспириран од Нинтендо-видеоигрите првично требаше да се случи во јули 2020 година, пред Олимписките игри во Токио. Но, како и Олимпијадата, така и отворањето на паркот беше одложено поради пандемијата, со нов датум – 4 февруари 2021. Паркот се наоѓа во градот Осака. Откако оваа недела Владата ја продолжи вонредната состојба во врска со коронавирусот, организаторите одлучија да го одложат отворањето на паркот по вторпат. (МИА)

Најпозната игра на светот: „Супер Марио“ продадена на аукција за 114.000 долари

Тале Кристо — Sat, 11 Jul 2020 10:19:57 +0000

Неотворен примерок од видео играта „Супре Марио Брос“ од 1985 година вчера е продаден на аукција во САД за рекордни 114.000 долари. Досега најскапо платена видео игра беше јапонската верзија на „Мега ман“ од 1987 година, за која беа платени 75.000 долари. Јапонската компанија Нинтендо ја претстави играта Супер Марио Брос во 1985 година, за подоцна главниот јунак Марио да еволуира во 3Д икона на видео игрите, а снимени се и телевизиски серии и филм со него. (МИА)

Урнебесно видео: Овој Супер Марио е руска спонзоруша, погледнете како изгледа

Ивана Ефремовски — Fri, 29 Jun 2018 10:57:08 +0000

Сите се сеќаваме на играта Супер Марио која прво ја игравме на нинтендо. Потоа од неа излегоа неколку верзии. Оваа, направена во видео пародија, ги насмеа сите кои ја погледнаа. Тука главниот лик е сексапилна блондинка која е спонзоруша. Таа живее во Русија, си прави пластични операции, ги покажува голите гради...