супербол – Kurir.mk

Канзас Сити со неверојатен пресврт триумфираше во 57. Супербоул, спектакуларен настап на Ријана (ВИДЕО)

Ристе Здравков — Mon, 13 Feb 2023 10:30:50 +0000

Канзас Сити ја освои титулата во американската професионална НФЛ лига, триумфирајќи синоќа во 57. издание на Супербоул, а до својата втора титула во последните четири години дојде со голем пресврт во второ полувреме и тесна победа над Филаделфија Иглс од 38-35 на стадионот „Стејт Фарм“ во Глендејл предводен од нивниот најдобар играч сезонава Патрик Махоунс. Во исклучително возбудлив натпревар на двете офанзивно најдобри екипи во регуларниот дел од сезоната, Канзас славеше со погодок во самиот финиш, а нивниот 27 – годишен квотербек Махоунс беше прогласен за МВП на финалето одиграно пред 66.000 гледачи. Филаделфија подобро го почна натпреварот и стекна предност на полувремето од 24-14, а отежнувачка околност за Канзас беше и обновената повреда на Махоунс. Меѓутоа, физиотерапевтите направија чудо на полувремето и Махоунс одигра одлично второ полувреме во кое секојпат кога ќе добиеше топка во рацете ја носеше својата екипа до „тачдаун“ или погодок од поле. Канзас на средина од последната четвртина поведе со 35-27, а Филаделфија возарати со „тачдауин“ за шест и конверзија за два поени, израмнувајќи на 35-35.До победата со која ја освои вкупно третата титула во клупската историја Канзас дојде на 11 секунди пред крајот на големото финале со удар за 3 поени.

.@buttkicker7 gives the @Chiefs the lead with 8 seconds left!

📺: #SBLVII on FOX
📱: Stream on NFL+ https://t.co/d8gBDzRt2m pic.twitter.com/zic4DWtJ0a
— NFL (@NFL) February 13, 2023

На полувремето спектакуларен миниконцерт одржа американската пејачка Ријана, која пред светскиот аудиториум откри дека е бремена. Пред настапот Ријана за медиумите изјави дека размислува да донесе некого, што беше протолкувано дека ќе има специјален гостин за публиката, но гостинот всушност беше бебето кое го носи популарната пејачка.

НФЛ: Ријана ќе настапи на следниот „Супербол“

Катерина Бојаџиева — Mon, 26 Sep 2022 06:13:53 +0000

Националната лига во американско рагби – НФЛ објави дека Ријана ќе настапи на полувремето на „Суперболот“ следната 2023 година. Пејачката, чии обожаватели со години го очекуваат следниот нејзин албум, неколку минути претходно на Инстаграм објави сликовито-симболична фотографија од рака којашто држи рагби-топка. Ријана, инаку, беше поканета да настапи на полувремето во 2019 година, но одби во знак на поддршка кон Колин Кеперник, кој се соочи со бурни реакции затоа што клекна за време на националната химна, протестирајќи против полициската бруталност врз Афроамериканците. Настапот на Ријана на полувремето ќе биде нејзин прв поголем настап по 2018 година. Таа нема издадено нов албум од „ANTI“ во 2016 година, а во меѓувреме се занимаваше со мода, шминка и долна облека. Таа, исто така, го роди своето прво дете со раперот АСАП Роки оваа година. Следното, 57. финале на НФЛ-шампионатот ќе се одигра на 12 февруари 2023 година на стадионот Стејт Фарм, домот на Аризона кардиналс во Аризона. Со текот на годините, настанот го обележаа изведби на Мајкл Џексон, Мадона, Џастин Тимберлејк, Џенет Џексон, Бијонсе, Лејди Гага, Џенифер Лопез, Принс, Шакира, Бруно Марс… На спектаклот оваа 2022 година присуствуваа Еминем, Д-р Дре, Снуп Дог, Мери Џеј Блајџ, Кендрик Ламар и гостинот-изненадување Фифти Сент.

СПЕКТАКЛ ВО НАЈАВА: Доктор Дре, Снуп Дог, Еминем, Мери Џеј Блајџ и Кендрик Ламар заедно на сцена, ќе настапат на полувремето на 56. „Супербол“

Ивона Петрова — Fri, 01 Oct 2021 07:56:12 +0000

Музичарите Доктор Дре, Снуп Дог, Еминем, Мери Џеј Блајџ и Кендрик Ламар ќе бидат во центарот на вниманието на полувремето на идниот, 56. „Супербол“. Тоа ќе биде првпат пет уметници да настапат заедно на сцената, се вели во соопштението на организаторите. – Можноста да настапам на „Суперболот“ на полувреме, и тоа „во мојот двор“, ќе биде едно од најголемите возбудувања во мојата кариера, Благодарен сум им на Џеј-Зи, „Рок нејшн“, НФЛ и „Пепси“, како и на Снуп Дог, Еминем, Мери Џеј Блајџ и Кендрик Ламар што ми се придружија во она што ќе биде незаборавен културен миг, изјави Д-р Дре. Финалето во американско рагби е закажано за 13 февруари 2022, недела, на стадионот „Софи“ во Инглвуд, Калифорнија, САД. Тод Каплан, потпретседател за маркетинг во „Пепси“ (како спонзор), истакна дека тоа би било „епска, незаборавна прослава на влијанието што денес го има хип-хопот“, олицетворен во ѕвездите од Западниот Брег. Д-р Дре во оваа прилика повторно го промовираше своето ново средно училиште во јужен Лос Анџелес, што треба да се отвори следната есен. Според соопштението, „Пепси“ и НФЛ „ќе соработуваат со училиштето, неговите партнери и локалната заедница“.

Супер боул не памти ваков настап: Целиот свет зборува за Шакира и нејзиниот јазик (ВИДЕО)

Дарко Андоновски — Mon, 03 Feb 2020 08:22:17 +0000

Канзас Сити Чивс синоќа го совладаа Сан Франциско 49ерс во одличен Супербоул, а по 50 години Чивси конечно станаа шампиони во НФЛ. Навивачите на американскиот фудбал уживаа во Супербоулот, кој овој пат ни го понуди најдоброто. На крајот, Канзас Сити Чивс славеа со 31:20 и успеаја да стигнат до титулата. Но, она што ќе се памети долго време се настапите на Џенифер Лопез и Шакира на полувремето. Овие латино девојки тотално ја запалија сцената, оставајќи многумина без зборови. Поточно, се зборува за изданието на Шакира и нејзиниот потег со јазикот. Погледнете го видеото подолу за што станува збор.

“You wouldn’t really eat Shakira’s and JLo’s ass, would you?” Me: pic.twitter.com/kr17kYlyZ5
— RIP Kobe (@opinionsnba1) February 3, 2020

shakira really made all these white americans sit and listen to arab + latin music i love her i love her sm pic.twitter.com/ziEQom1x2s
— gallavich jesus (@BITCHMIKHAILO) February 3, 2020

ЕМОТИВНА ПРИКАЗНА: Му го спасиле кучето од рак, им платил реклама на ветеринарите од 6 милиони на Супербол (ВИДЕО)

Ивона Петрова — Fri, 31 Jan 2020 11:46:57 +0000

Дејвид МекНил, основач на компанијата WeatherTech, во знак на благодарност кон ветеринарите од ветеринарскиот факултет Висконсин-Медисон, кои неговото куче Скаут го излекувале од рак, им платил реклама на Супербол која чинела околу шест милиони долари. НекНил цената ја платил за реклама од 30 секунди, а наводно ќе биде емитувана за време на втората четвртина од натпреварот кој ќе се одржи во недела. Ова не е првпат Скаут да се најде на големиот екран, тој бил „актер“ во рекламата на WeatherTech на минатогодишниот Супербол. -Здраво, јас сум Скаут и јас сум среќно момче. И тоа не е затоа што нашол супер стап или затоа што бев во реклама минатата година. Тоа е затоа што преживеав рак, имав тумор на срцето и само еден процент шанса да преживеам, „вели“ Скаут во рекламата. МекНил изјавил дека минатата година му кажале дека неговото куче има еден месец живот. -Кога се вративме дома, Скаут застана во аголот од собата и мавташе со опашката. Тогаш помислив, нема шанса да го успијам, едноставно не го сакам тоа, вели тој. МекНил ги загубил претходните три кучиња поради рак, а тогаш на ултразвук било покажано дека тој има тумот. На крај од рекламата, храбриот Скаут ги повикува гледачите да донираат за факултетот и неговиот центар за истражување.

Супербол 54: Цените на билетите достигнаа рекордно ниво

Ивона Петрова — Fri, 24 Jan 2020 08:06:51 +0000

Цените на билетите за Супербоул 54 достигнаа историско ниво. Сан Франциско и Канзас Сити ќе се соочат со спор околу НФЛ титулата во Мајами вечерта на 2 наспроти 3 февруари, а за повеќето смртници, шансата да го следат натпреварот во живо поминува преку склучување на договор за втора хипотека. На овогодинешниот Супербол се пласираа два тима чии навивачи одамна не ги виделе како шампиони. Сан Франциско последен пат го крена трофејот Винс Ломбарди во 1995 година (на истиот стадион), додека Канзас Сити никогаш не го сторил тоа. При нивната титула во 1970 година, шампионскиот трофеј сè уште не е именуван. Поради оваа причина, шпекулантите гледаат во навивачите на Канзас вистинска „крава за молзење“. Сепак, малкумина се подготвени да преземат ризик и да се обложат дека ќе преживеат нова пауза од половина век. Додека навивачите на Сан Франциско се меѓу најбогатите во Америка и, соодветно, подготвени да дадат повеќе пари за да го следат својот омилен тим. Во моментов, билетите на секундарниот пазар се со цена над 8.000 американски долари. Најевтините достапни се за 3.995 долари, а достапно е и плаќање на 12 еднакви месечни рати. Што ги прави поскапи за 28,5 отсто. Најскапите седишта се зад клупата на Сан Франциско. Повеќето билети за централните три сектори беа помеѓу 13.440 и 16.800 долари, но во четврток започнаа да се појавуваат понуди дури од 24 000 долари!