супербоул – Kurir.mk

Познато е која музичка ѕвезда ќе настапи на Супербоул

Ивана Ефремовски — Mon, 25 Sep 2023 17:29:55 +0000

Американската поп ѕвезда Ашер ќе настапи на полувремето на Супербоул, најгледаниот натпревар во НФЛ лигата, кој на 11 февруари идната година ќе се одржи во Лос Анџелес. Осумкратниот освојувач на наградата „Греми“ рече дека се радува на настапот на НФЛ спектаклот. -Ова е голема чест конечно да го симнам настапот на Супербоул од мојата листа на желби. Одвај чекам да му прикажам на светот шоу какво што досега од мене не е видено, порача Ашер. Најголемите американски ѕвезди традиционално настапуваат на полувреме на најважниот натпревар во НФЛ лигата во годината. Изминатиот февруари спектакуларен настап имаше Ријана која настапи во поодмината бременост, што беше и нејзин прв самостоен настап во последните седум години. На Супербоул претходно настапуваа и Мадона, Колдплеј, Бијонсе, Еминем, Мајкл Џексон и многу други познати музички имиња. (МИА)

Овогодишното издание на Супербоул најгледано во историјата

Ивона Петрова — Thu, 04 May 2023 19:25:30 +0000

Овогодишното финале од плејофот во американската професионална НФЛ лига е најгледаниот „Супербоул“ во историјата со просечна гледаност од 115.1 милиони, покажуваат најновите податоци. Според претходните, првични, податоци, просечната гледаност на натпреварот во кој Канзас Сити ја совлада Филаделфија со 38-35 била 113 милиони, но рејтингот на агенцијата „Нилсен“ оваа бројка сега ја ревидираше. Со тоа е надминат досегашниот рекорд поставен во 2015 година, кога просечната гледаност на финалето меѓу Њу Ингланд и Сиетл изнесуваше 114.8 милиони.

Сите се прашуваат колку пари е платена Ријана за настап на Супербол: Ова е вистината, ќе се изненадите! (ВИДЕО)

Дарко Андоновски — Mon, 13 Feb 2023 21:18:23 +0000

Ријана накратко се вратила на сцената на полувремето на Супербол. Пејачката за време на настапот ги воодушевила обожавателите кои погодувале дали таа е бремена со второ дете. Нејзините претставници подоцна за „The Hollywood Reporter“ ја потврдиле нејзината бременост. Секоја година НФЛ ангажира некого од најголемите музички ѕвезди да настапат на полувремето на Супербол. Од Бијонсе преку Пол Мекартни до Лејди Гага, настапот на Супербол привлекува милиони гледачи ширум светот. Поради тоа многу музичари сонуваат за данот кога ќе бидат повикани на настапат на ова случување. Меѓутоа, музичарите за настапот на Супербол не добиваат пари. Наместо тоа, НФЛ ги плаќа сите трошоци во врска со продукција, вклучувајќи ги и патните трошоци.

View this post on Instagram

A post shared by RİHANNA🔵 (@rihannaofficiall)

Во изјава за The Independent, претставник на НФЛ потврди дека „фудбалската лига“ ги покрива сите трошоци поврзани со шоуто и исплаќа просечна плата на изведувачот“. Според „Форбс“ таа плата е само мал дел од износот од 6 или 7 цифри, кои уметниците ги заработуваат. Продукцијата на полувреме, во зависност од тоа што подготвува изведувачот, може да ги чини и 10 милиони долари.

View this post on Instagram

A post shared by RİHANNA🔵 (@rihannaofficiall)

ФОТО+ВИДЕО: Џеј Ло и Шакира ја „запалија“ сцената на Супер боул

Ивона Петрова — Mon, 03 Feb 2020 08:01:51 +0000

Вистински спектакл е одржан вчера на полувремето на 54. Супер боул, а централната улога ја имаат пејачките Шакира и Џенифер Лопез кои со својот сензуален настап без текст ги оставија присутните гледачи на трибините, но и оние пред малите екрани. Првиот настап и припадна на Шакира која одлично ја подигна атмосферата, а дополнително ја вжешти Џеј Ло за која по спектаклот кој го приреди ретко кој прифаќа да поверува дека влегува во шестата деценија од животот.

ФОТО: Канзас сити по втор пат го освои Супербоул

Ивона Петрова — Mon, 03 Feb 2020 07:02:44 +0000

Екипата на Канзас сити е нов НФЛ шампион, откако ноќеска во борбата за титулата го победи Сан Франциско со 31:20. За Канзас сити ова е втор шампионски трофеј од Супер боул и прв по пауза од 50 години. До триумфот „Чифс“ дојдоа со голем пресврт и серија од 21:0 по што негативата од 10:20 ја претворија во позитива. Со по шест шампионски трофеи најуспешни клубови во историјата на НФЛ лигата се Питсбург и Њу-Ингланд.