Суперкуп – Kurir.mk

Гвардиола го достигна рекордот на Анчелоти по освоени Суперкуп трофеи

Ивона Петрова — Thu, 17 Aug 2023 06:35:58 +0000

Тренерот на Манчестер сити синоќа со својот тим го освои Суперкупот на УЕФА, откако во Атина ја победи Севилја на пенали со 5:4. За шпанскиот фудбалски стручњак ова е четврти трофеј во ова натпреварување израмнувајќи се со рекордерот на Карло Анчелоти. Двајцата тренери никогаш не загубиле финале на УЕФА Суперкупот. Гвардиола победи со Барселона во 2009 и 2011 година, со Баерн во 2013 година и со Манчестер сити во 2023 година. Анчелоти со Милан во 2003 и 2007 година и со Реал Мадрид во 2014 и 2022 година. Манчестер сити го освои Суперкупот на УЕФА за прв пат во историјата.

Анчелоти: Не е понижувачки да се загуби од Барселона

Тале Кристо — Mon, 16 Jan 2023 09:09:06 +0000

Тренерот на Реал Мадрид, Карло Анчелоти го сподели своето мислење за поразот од Барселона (1:3) во финалето на шпанскиот Суперкуп. – Натпреварот не беше добар за никого. Зборувањето за понижување ми изгледа непочитување. Барселона беше подобра, точка. Ова не е критичен, туку тежок момент. Ова секогаш се случува во текот на сезоната. Тоа може да се поправи преку посветеност и правилен став. Играчите треба да разберат дека таквите грешки може лесно да се избегнат. И двете екипи имаат шанса. На вакви натпревари победата станува поблиска ако се тргне напред. Во Ла Лига, ова исто така се случи – само во корист на другиот тим, го цитира „Марка“ Анчелоти. Избраниците на тренерот Карло Анчелоти го загубија финалето за прв пат по 2010 година. Барселона по 14-ти пат го освои шпанскиот Суперкуп. Ова е рекорд на турнирот. Реал Мадрид има 12 победи, вклучувајќи ја и минатата сезона.

Анчелоти со Бензема, Винисиус и Модриќ во почетниот состав против Ајнтрахт

Тале Кристо — Wed, 10 Aug 2022 19:02:57 +0000

Реал Мадрид и Ајнтрахт Франкфурт ги објавија почетните состави за натпреварот од Суперкупот на УЕФА. Тренерот на Реал, Карло Анчелоти се одлучи за следниве 11: Куртоа, Карвахал, Милитао, Алаба, Менди, Крос, Модриќ, Касемиро, Валверде, Винисиус и Бензема. На клупата за резреви ќе бидат: Лунин, Ваљехо, Фернандез, Рудигер, Васкез, Чуамени, Камавинга, Себаљос, Родриго, Азар, Асенсио, Маријано. Стартниот состав на Ајнтрахт изгледа вака: Трап, Ндика, Соу, Камада, Роде, Туре, Боре, Ленц, Линстром, Тута, Кнауф. Резерви: Грал, Рамај, Смолчиќ, Јакиќ, Коло, Алиду, Хасебе, Аларио, Чендлер, Хеуге, Геце. Натпреварот ќе се игра вечерва од 21 часот на „Олимпискиот стадион“ во Хелсинки.

Суперкуп на УЕФА: Реал Мадрид против Ајнтрахт Франкфурт

Тале Кристо — Tue, 09 Aug 2022 18:56:46 +0000

Реал Мадрид замина во Хелсинки на мечот со Ајнтрахт за Суперкупот на УЕФА. Главниот тренер на Мадрид, Карло Анчелоти вклучи 25 играчи на списокот кои ќе конкурираат за натпреварот. Тука се и новодојдените во клубот – дефанзивецот Антонио Рудигер и играчот од средниот ред Аурелиен Чуамени. Од друга страна, Ајнтрахт Франкфурт објави дека офанзивниот играч за врска Филип Костиќ нема да учествува на натпреварот. Србинот се договори за трансфер во Јувентус. Реал Мадрид и Ајнтрахт Франкфурт ќе играат во Хелсинки на 10 август. Натпреварот започнува во 21 часот. За прв пат на ова ниво во натпревар под покровителство на УЕФА ќе се користи полуавтоматски систем за определување офсајд.

Реал Мадрид го освои шпанскиот Суперкуп

Тале Кристо — Sun, 16 Jan 2022 21:34:47 +0000

Реал Мадрид вечерва во Ријад го победи Атлетик Билбао во финалето на шпанскиот Суперкуп. Средбата заврши со резултат 2:0. Лука Модриќ го отвори резултатот во 38. Минута, во 52. минута Карим Бензема го удвои водството на Реал. За „кралскиот клуб“ ова е 12-ти трофеј во шпанскиот Суперкуп. Претходно до трофејот Реал стигна во 1988, 1989, 1990, 1993, 1997, 2001, 2003, 2008, 2012, 2017 и 2019/20. Поуспешна во ова натпреварување е само Барселона со вкупно 13 трофеи.

Баерн го освои германскиот Суперкуп

Ивона Петрова — Wed, 18 Aug 2021 05:39:46 +0000

Актуелниот шампион во Бундеслигата, Баерн Минхен го освои Суперкупот на Германија, откако вечерва ја победи Борусија Дортмунд на нејзин терен со 3:1. Најзаслужен за триумфот на Баварците е Роберт Левандовски кој два пати се запиша во листата на стрелците (41. и 74. минута). Гол за Баерн постигна и Томас Милер, додека Марко Ројс е стрелец на единствениот погодок за „милионерите“. Левандовски постигна гол на 14-ти последователен официјален натпревар. За Баерн ова е деветти освоен Суперкупот и е најуспешна екипа, Борусија Дортмунд е втор тим по успешност со шест трофеи.

Тухел пишува историја: Прв тренер на Челзи кој ги освои ЛШ и Суперкупот на Европа

Ивона Петрова — Thu, 12 Aug 2021 05:13:36 +0000

Челзи синоќа го освои Суперкупот на Европа совладувајќи го Виљареал (1:1, 6:5 на пенали). Томас Тухел стана првиот тренер на лондонци кој ја освоил Лигата на шампионите и Суперкупот. Во 2012 година, Роберто Ди Матео имаше таква можност, но по освојувањето на Лигата на шампионите, Челзи го загуби Суперкупот од Атлетико. Треба да се нагласи дека Тухел работи во клубот помалку од една година – од јануари 2021 година. Од друга страна, тренерот на Виљареал, Унаи Емери, не успеа да стигне до трофејот во Суперкупот ниту по третиот обид. Претходно два пати губеше предводејќи ја Севилја.

Еурофарм Пелистер го совлада Вардар и го освои ракометниот Суперкуп

Бошко Тасиќ — Wed, 11 Aug 2021 20:17:48 +0000

Еурофарм Пелистер од Битола ја прекина доминацијата на Вардар 1961 во Суперкупот и славеше со (22-31) кој се одигра во СЦ „Борис Трајковски“ во Скопје како најава за сезоната која следи во македонскиот ракомет. Вардар имаше три титули во низа, но „зелените“ на Жељко Бабиќ успеаја да го детронизираат неприкосновениот ривал во ова натпреварување. Вујовиќ на овој меч одлучи да одмори повеќе од новите ракометари, претежно се ротираше, но сигурно е дека овој пораз на Вардар е добра најава за сезоната која следи и дека ќе биде доста интересно. За Еурофарм Пелистер ова е воедно прва домашна титула откако се припоија двата битолски клуба, или прв трофеј по 16 години, по двојната круна во 2005 година. Најдобар кај стрелците беше Стипе Мандалиниќ со шест гола, пред Јосип Периќ со пет, а одличен меѓу стативите беше новиот голман на Еурофарм Пелистер, Мартон Секељи, со 12 одбрани, од кои седум беа во вториот дел. Кај Вардар, Дибиров даде седум гола, пред Талески со пет. foto:gol.mk

УЕФА објави: Познато колку луѓе ќе може да има на трибините на Суперкупот на Еврoпа

Ивона Петрова — Sat, 31 Jul 2021 14:18:08 +0000

УЕФА денеска објави дека на мечот од Суперкупот на Европа меѓу Челзи и Виљареал ќе може да присуствуваат 13.000 фанови. Дуелот на победниците од двете најсилни европски натпреварувања од минатата сезона ќе се одржи на 11 август во Белфаст, Северна Ирска. Навивачите можат да се регистрираат за влезници од втори август, а услов за влез на стадионот ќе биде негативен ПЦР или брз тест, пренесува Хина. Што се однесува до странските фанови кои сакаат да го следат мечот во живо, УЕФА нагласува дека мораат да се придржуваат до актуелните мерки на локалните власти кои се однесуваат за гостите од странство.

УЕФА: Суперкупот во Белфаст пред 13.000 гледачи

Тале Кристо — Fri, 30 Jul 2021 18:06:25 +0000

Максимален број од 13.000 гледачи ќе биде дозволен за натпреварот од Суперкупот на УЕФА меѓу победникот во Лигата на шампиони, Челзи, и освојувачот на Лига Европа, Виљареал, соопшти попладнево Европската фудбалска асоцијација. Дуелот меѓу победниците во двете најсилни европски клупски натпреварувања ќе се игра на 11 август, со почетокот од 21 часот, на стадионот „Виндзор“ во Белфаст. Навивачите ќе можат да аплицираат за билети со 2. август, а влезот на стадионот ќе биде дозволе со негативен ПЦР или брз антигенски тест. Во врска со странските навивачи, кои ќе сакаат да го следат Суперкупот од трибините на „Виндзор парк“, УЕФА наведе дека тие ќе мораат да се приджуваат на препораките на локалните власти за влез во земјата на странски државјани.