супермаркет – Kurir.mk

„ЛЕЛЕ СИНКО КОЛКАВ СИ, САМО ЗА КОШАРКА“: Јокиќ купувал пиво во супермаркет, а продавачката не знаела кој е пред неа – неговата реакција е вирална! (ВИДЕО)

Дарко Андоновски — Fri, 07 Jul 2023 10:07:37 +0000

Најдобриот кошаркар во НБА во моментов, Никола Јокиќ, продолжува да плени со обичниот начин на живеење и однесување, поради што летово често влегува во невообичаени ситуација за време на одморот во Србија и околината. По шоуто што го направи во кафеана, кога танцуваше качен на столица, деновиве хит е видеото од неговото купување пиво во продавничка во БиХ. Центарот на Денвер нагетс побарал да купи освежување во градот Горажде во југоисточниот дел на оваа земја, а продавачката останала шокирана, иако дури и не ни знаеле кој е тој воопшто.

Brat Jokic opusteno kupuje pivkana u Gorazdu. A sto je jos jace prodavacica mu rekla " Koliko si visok trebao si biti kosarkas ," pic.twitter.com/BMfgCjdSu3
— Hide Nakaa (@hidenakaaa) July 6, 2023

„Леле синко, колкав си. Ти си само за играње кошарка“, искоментирала продавачката, без да знае дека пред неа стои МВП-кошаркарот на последното финале во НБА. Јокиќ ништо не искоментирал, само ги земал пивата и со насмевка на лицето излегол од продавницата и го продолжил патот со своите пријатели.

МАКЕДОНЦИТЕ ВО СТРАВ ГИ ИСПРАЗНИЈА МАРКЕТИТЕ – рафтовите останаа празни стравувајќи дека ни доаѓаат тешки денови (ФОТО)

Дарко Андоновски — Sun, 27 Feb 2022 19:18:44 +0000

По нападот на руските сили врз Украина, се јави страв и кај многумина од граѓаните во земјава. На социјалните мрежи се појавија фотографии со празни полици со прехранбени производи, и тоа главно леб, брашно, тестенини, пијалоци, вода, но и хигиенски производи. Еден од нашите сограѓани кој ги споделил овие фотографии, на шега напишал дека го гранатираат Киев, а не Скопје. Слична состојба со празнење на рафтовите имаше и кога започна корона кризата во земјава, особено кога стартуваа карантините, а граѓаните се плашеа дали ќе има доволно храна поради можното нарушување во синџирите на снабдување.

Руски војници ограбија супермаркет – никој не би помислил дека ова им е најпотребно при војувањето со Украинците по само четири дена (ВИДЕО)

Дарко Андоновски — Sun, 27 Feb 2022 09:57:18 +0000

И додека војната трае веќе четврт ден во Украина, населениот живее во страв од руските војници кои опустошуваат се пред себе. Во земјата важи полициски час во текот на целиот викенд, па населениот едвај да се движи надвор поради итни потреби. И додека улиците се празни, руските војници буквално прават што сакаат. Утрово на Твитер се појави и видео како тие ограбуваат супермаркет, а на безбедносната камера е забележано и еден невообичаен детаљ. Тие крадат што поголем број штеки со цигари, отколку храна.

Quân đội Nga vào cướp một siêu thị ở Ukraine. https://t.co/omTuVa4uV8
— Tran Thai Hoa (@ThaihoaThai) February 27, 2022

Хаотични сцени во супермаркет во Нов Зеланд: Маж прободе пет лица (ВИДЕО)

Магдалена Андонова — Mon, 10 May 2021 06:27:47 +0000

Еден човек застрела пет лица во супермаркет во Нов Зеланд, а три лица се во критична состојба, соопштија локалните власти. Полицијата додаде дека осомничениот е уапсен и приведен по крвавиот напад во супермаркетот Каунти Даун во градот Данедин, пренесува АП и јавува Танјуг. Меѓу повредените има и двајца работници во супермаркет. Луѓето кои се нашле во продавницата за време на инцидентот за локалните медиуми изјавиле дека биле сведоци на хаотични сцени - луѓето почнале да врескаат и да трчаат кон излезот. Некои похрабри луѓе се обиделе да го запрат напаѓачот и да го спуштат на земја. Премиерот Jacасинда Ардерн изјави дека мотивот за нападот сè уште не е познат, но полицијата засега нема докази да го класифицира нападот како домашен тероризам. - Јасно е дека ваквиот напад е многу загрижувачки, но сакам да ја истакнам храброста на луѓето кои презедоа акција за да ги спасат луѓето околу нив. Нашите мисли се со луѓето кои беа повредени во нападот - рече Ардернова. Здравствените работници од локалната болница рекоа дека тројца ранети биле примени на одделите за интензивна нега, четвртото лице останало на одделот, а петтото по укажаната помош е пуштено дома.

Корона кризата го натера познатиот актер да се вработи во супермаркет – купувачите шокатно го гледале

Магдалена Андонова — Mon, 21 Dec 2020 20:06:27 +0000

Телевизиската ѕвезда, актерот Били Вард, едвај врзува крај со крај, бидејќи немал никаков ангажман со месеци поради пандемијата на коронавирусот, и поради се вработил како доставувач во супермаркет. Актерот вели дека откако работата почнала да слабее, тој барал алтернатива за да заработи за живеење. Бил живее со својата партнерка и двете деца, а како и многумина оваа година, тој исто така бараше алтернативни извори на приход. Уште на почетокот на мај беше јасно дека нема крај на пандемијата и дека ќе мора да бара алтернативни извори на приход. Си реков: „Добро, ова ќе се влоши, мора да најдеме начин да преживееме, се работеше за целото семејство!“ - Јас го направив тоа што го правев досега, така што се занимавам со глума, фотографија, давав часови по глума, но ми требаше постојан прилив на пари, па се вработив како доставувач - вели актерот, и обожавателите на серијата што го направи славниот „Смарагд“ и „Кори“ се шокирале кога го виделе на новата работа.

Финер започна со продажба на оброци од бизнис класа во супермаркет

Тале Кристо — Mon, 26 Oct 2020 14:03:31 +0000

Финската национална авиокомпанија „Финер“ започна со продажба на оброци од бизнис класа во супермаркет за да спречи отпуштања во нејзината угостителска единица поради Ковид-19. „Оброците брзо станаа хит, продавајќи 1.600 парчиња за неколку дена во супермаркет во близина на аеродромот Хелсинки-Ванта, соопшти „Финер“. Компанијата планира да започне со продажба на оброци од бизнис класа и во други супермаркети. – Има вишоци во Финер и веќе има отпуштања, затоа се обидуваме да најдеме нови иновативни начини, изјави Марика Ниминен, шеф на кујната на „Финер“. Компанијата минатиот вторник соопшти дека ќе укине 700 работни места до март 2021 година. Главните јадења во кујната на „Финер“, кои се продаваат за 12,90 евра за парче, се состојат од говедско месо со сос од ротквица, сервирана со кромид печен на скара и ориз.

„Во време на пандемија треба мажите да купуваат, жените многу се задржуваат“-изјава на градоначалник го налути понежниот пол

Ивана Ефремовски — Mon, 27 Apr 2020 16:40:24 +0000

Градоначалникот на третиот по големина град во Јапонија се соочува со јавен линч поради неговата изјава дека периодов на шопинг по намирници треба да одат само мажите бидејќи жените многу се задржувале по маркетите. Со над 2,6 милиони жители Осака е трет најголем град во Земјата на зајдисонцето. Ичиро Мацуи е веќе една година градоначалник, но поради една изјава веќе го навлече гневот на женската популација во мирната Јапонија. „На жините им е потребно многу подолго време за шопинг бидејќи тие пребаруваат помеѓу различните продукти и пресметуваат која опција е подобра“, кажа Мацуи за време на една прес-конференција во Осака во четвртокот. „Од друга страна, мажите само го земаат она што им е речено да го купат, па така тие не висат долго по супермаркетите. Тоа значи дека на тој начин се избегнува близок контакт со други лица“, додаде тој. Изјавата на Мацуи доаѓа бидејќи бројот на заразени во Јапонија значително порасна.

Paket.mk – Нов играч во онлајн малопродажбата на македонскиот пазар

Super Admin — Tue, 18 Jun 2019 09:55:05 +0000

На македонскиот пазар од неодамна постои нов онлајн супермаркет Paket.mk. На корисниците им нуди можност да порачаат најразлични производи: од свежо месо, широк избор на свежо овошје и зеленчук, па до детергенти за алишта, а купените производи им ги доставува на домашна адреса во термин по избор на корисниците. Во моментот Paket.mk располага со асортиман од над 4.000 производи. Испораката на нарачката е бесплатна за купување на производи во износ од над 500 денари. Во Македонија овој пазар започна да се развива од пред неколку години. Со зголемување на динамиката на секојдневниот живот најограничен ресурс на современиот човек станува времето. Затоа од Paket.mk сметаат дека нудат одлично решение за моментите кога граѓаните немаат време за одење до супермаркет и чекање ред на каса. Повеќе информации на www.paket.mk

Поднесено обвинение за кражба во маркет

Ивана Ефремовски — Thu, 11 Apr 2019 13:18:38 +0000

Основното јавно обвинителство Скопје поднесе Обвинителен предлог против едно лице кое се товари за кривично дело – Тешка кражба од член 236 став 1 точка 3 од Кривичниот законик. Обвинетиот на 23.03.2019 година од маркет во населбата Хиподром на дрзок начин одзел парични средства во вкупен износ од 18.000 денари со намера противправно да ги присвои. Тој најпрвин влегол во маркетот, од фрижидерот зел шише сок и се упатил кон касата за наводно да плати. Притоа видел дека касата е подотворена, го искористил моментот на невнимание на сопственичката на маркетот и од касата ги одзел парите. Кога оштетената го забележала, тој ја оттурнал и веднаш го напуштил местото. Ценејќи дека и натаму постојат законските основи заради кои на лицето првично му беше определена мерка притвор, а кои се однесуваат пред се на опасноста тој да се даде во бегство за да го избегне кривичниот прогон, надлежниот јавен обвинител до Судот достави и предлог за продолжување на притворот.

Во овој супермаркет храната е бесплатна: Плати онолку колку што мислиш дека треба (ВИДЕО)

Катерина Бојаџиева — Wed, 15 Aug 2018 10:48:03 +0000

Во Мелбурн е отворен супермаркет каде може да набавите храна која инаку би се фрлила. Сите намирници се бесплатни и ги донираат оние кои не сакаат да ја фрлаат храната, а на страна пишува „Плати онолку колку што мислиш дека треба“. Овој бесплатен супермаркет е отворен како еден од можните решенија за да се реши проблемот со фрлање на храната во Австралија. Соптвениците се надеваат дека нивната идеја ќе послужи како пример и за другите држави во светот.