Супермен – Kurir.mk

Хенри Кавил отпуштен од новиот филм за Супермен: Актерот ја потврди „тажната вест“

Ристе Здравков — Fri, 16 Dec 2022 08:07:56 +0000

Доаѓањето на нови шефови во „DC Films“ носи нови промени. Актерот во средата на Инстаграм откри дека дошло до уште една Британскиот актер Хенри Кавил потврди дека повеќе нема да го облече оделото на Супермен. Веста дека Кавил не се враќа во улогата на Човекот од челик доаѓа само неколку дена откако „Wonder Woman 3“, со Гал Гадот во главната улога, исто така беше откажан поради големите промени во „Warner Bros, DC Films“, пишува „Daily Mail“. Инаку, Кавил неодамна се појави како Супермен на крајот на „Black Adam“, задевајќи ја пресметката помеѓу Супермен и Црниот Адам на Двејн Џонсон… Ова беше само неколку дена пред Џејмс Ган и Питер Сафран да бидат назначени за нови шефови на „DC Films“. Ѕвездата тогаш се огласи на Инстаграм и рече дека ќе се врати на улогата која му донесе голема популарност во 2013 и 2016 година, кога беа објавени „Човекот од челик“ и „Бетмен против Супермен: Зора на правдата“. Но сега објави нова вест на Инстаграм. – Само што имав средба со Џејмс Ган и Питер Сафран и тоа се тажни вести. На крајот на краиштата, нема да се вратам како Супермен. Откако студиото ми кажа да го објавам мојот камбек во октомври, оваа вест не е најлесна, но таков е животот. Промената е нешто што се случува. Јас го почитувам тоа. Џејмс и Петар треба да изградат универзум. Ним и на сите вклучени во новиот универзум им посакувам се најдобро и со среќа – изјави Кавил.

Хенри Кавил повторно како „Супермен“

Ивона Петрова — Tue, 25 Oct 2022 06:59:12 +0000

По кусото појавување како „Супермен“ во суперхеројскиот филм „Црниот Адам“, Хенри Кавил на Инстаграм потврди дека се враќа во својот црвено-син костим. – Сакав да почекам да заврши викендот пред да го објавам ова, затоа што сакав да ви дадам можност сите да го гледате ‘Блек Адам’. Но, сега кога сите сте тука, сакам ова да биде и официјално – се враќам како Супермен, соопшти британскиот глумец.

Кавил им се заблагодари на обожавателите за поддршката и трпението, додавајќи дека тоа ќе биде наградено. Тој го толкуваше „Човекот од челик“ во истоимениот филм од 2013 година, па во „Бетмен против Супермен“ од 2016., „Лигата на правдата“ од 2017., како и во проширената, „маратонска“ верзија на последниот филм, издаден 2021 година.

Атлетичар во Супермен стил стигна до победа (ВИДЕО)

Ристе Здравков — Mon, 04 Jul 2022 12:57:38 +0000

На Атлетскиот шампионат на Португалија присутните беа сведоци на малку неверојатна ситуација во која атлетичарот Жоао Витор Оливеира дојде до победа со тоа што „се фрли главечки“ и стигна до целта пред својот противник. Оливеира, претставник на популарниот локален клуб СЛ Бенфика, во финишот на трката се бореше со Абдел Ларинага, натпреварувач на Спортинг од Лисабон, а трката беше решена на филмски начин бидејќи Оливеира буквално се фрли главечки и на тој начин претекна неговиот противник и стигна до победата.

Dejar todo para ganar, nivel Vítor Oliveira en la final del Campeonato de Atletismo de Portugal. La inteligencia (y la picardía) al poder.pic.twitter.com/MZRmkti9mJ
— VarskySports (@VarskySports) July 2, 2022

Тој ја мина целта со време од 13:83, што беше за 0,03 секунди побрзо од Ларинага. Тамошните медиуми пишуваат дека се работи за спортист роден во Бразил, кој во тимот на Бенфика се приклучил во декември 2017 година. Три години откако стана член на овој клуб, тој доби португалско државјанство. Тие исто така додаваат дека ова не му било првпат да се фрли така во финишот на трката, наведувајќи дека истото го направил на Олимписките игри во Рио во 2016 година и на трката од португалскиот шампионат во 2019 година.

When you literally do whatever it takes to win...

Vítor Oliveira held nothing back the final of the Athletics Championship of Portugal 😮

h/t @VarskySports pic.twitter.com/UGXno7yg18
— CBS Sports (@CBSSports) July 2, 2022

Новиот Супермен е бисексуалец! (ФОТО)

Ивана Ефремовски — Tue, 12 Oct 2021 18:43:31 +0000

Американскиот произведувач на стрипови „Ди-си комикс“ најави дека новиот Супермен, Џон Кент, ќе биде бисексуалец. Во своето следно издание на стрипот што треба да излезе во ноември ќе биде претставена приказната за врската на Џон со пријателот Џеј Накамура. Ова издание е дел од серијата „Superman: Son of Kal-El“ во која Џон ја презема наметката од својот татко Супермен, Кларк Кент. Американската издавачка куќа оваа вест ја соопшти во пресрет на денот за подигнување на свеста за ЛГБТ-лицата во САД. Во едно од претходните изданија, Џон се спријатели со Џеј, новинарот со розова коса. „Ди-си комикс“ соопшти дека двојката започнала емотивна врска во петтото издание, бидејќи Џон „физички и психички се изморил обидувајќи сѐ да го спаси секој човек“. Деталите за заплетот сѐ уште не се објавени, но на илустрациите што ги објави издaвачката куќа се гледа бакнежот помеѓу Џон и Џеј.

Ибрахимовиќ немоќен против повредите: Не сум Супермен

Тале Кристо — Thu, 16 Sep 2021 19:37:55 +0000

Напаѓачот на италијанскиот фудбалски прволигаш Милан, Златан Ибрахимовиќ обелодени дека има проблеми со Ахиловата тетива и веројатно нема да може да настапи в недела на првенственото дерби против Јувентус во Торино. – Ќе видиме, состојбата се менува од ден во ден, но не е тајна дека имам проблем со тетивата и не сакам да ризикувам трајни последици. Сакам да ја издржам целата сезона и затоа морам да си повторувам дека не сум Супермен. Мојот проблем е во тоа што премногу работам, изјави 39-годишниот Ибрахимовиќ за официјалниот сајт на Милан. Поради проблемите со тетивата Ибрахимовиќ го пропушти вчерашниот воведен натпревар на Милан во Лигата на шампиони против Ливерпул, кој италијанскиот тим го загуби со 3:2.