сурфер – Kurir.mk

ФОТО: За оваа фотографија зборува цел свет, сурфер фатен со ајкула зад него

Ивона Петрова — Sat, 05 Nov 2022 17:00:13 +0000

Фотографот Џордан Анаст направил неверојатна фотографија за време на натпревар во сурфање во Калифорнија, Соединетите Американски Држави. Фотографот Анаст успеал со својот фотоапарат да сними неверојатна слика која брзо станала вирална. На сликата е фатен професионалниот сурфер Тајлер Ворен, во момент кога зад не од океанот се појавува ајкула. Ајкулата само накратко се појавила надвор од водата, но тоа било доволно за тој да направи историска фотографија за која зборува целиот свет. Анаст е фотограф кој повеќе од 20 години ги покривал повеќето спортски настани во Калифорнија, но според него ниту една фотографија никогаш не добила вакво внимание. Сурферот не знаел што се случува зад него додека сурфал.

Ајкула каснала сурфер на популарната плажа на Флорида: Втор напад на предатор за една недела

Магдалена Андонова — Mon, 11 Jul 2022 12:26:52 +0000

Маж од Мајами бил каснат од ајкула додека сурфал на плажа во Њу Смирна Бич, Флорида, во неделата попладне, соопштија властите. Ова е втор напад на ајкула за една недела во округот Волуша, а четврти од почетокот на годината. Сите се снимени во градот Њу Смирна Бич. Нападот се случил во неделата околу 13:15 часот, потврдија властите. Според извештаите, жителот на Мајами, кој има околу 30-ти години, сурфал во вода до половината кога го каснала ајкула висока речиси два метри. – Сурферот рече дека мислел дека ајкулата се храни со риба мамка кога го каснала – соопштија властите. На лице место му била укажана помош од каснување на левото стапало, а потоа сам се упатил во болница. Жител на Дејтона Бич е третата жртва на напад на ајкула во округот Волуша на 3 јули. 28-годишен маж сурфал на плажата Њу Смирна кога паднал од даската и го каснала ајкула. Повредите биле полесни, а на лице место му била укажана помош. Еден пријател потоа го однел во болница, соопштија властите.

Сурферот кој исчезна во невремето во Хрватска, пронајден во Италија- поминал 26 часа во студено море

Катерина Бојаџиева — Wed, 31 Oct 2018 10:09:29 +0000

Словенечкиот сурфер по кого се трагаше откако исчезна во морето пред Умаг, синоќа беше пронајден во Италија. Во текот на ноќта и денот во морето поминал 40 километри. Италијанските медиуми јавуваат дека сурферот, по 26 часа поминати во студеното море, на брегот излегол сам. Откако испливал на плажата Коста деи Барбари, кај местото Систина, оддалечено 19 километри од Трст, отишол во најблиското кафуле, од каде повикале Брза помош, пишува „Ил Пиколо“. Итно бил пренесен во болница, каде му била пружена лекарска помош поради хипотермија, а во вечерните часови бил пуштен на домашно лекување. Четириесетиседум годишниот професор Горан Јабланов, исчезна пред два дена за време на попладневните часови со пријателот од Хрватска. Тие тргнале на сурфање кај светилникот во Сардинија. Набрзо поради силниот јужен ветер, двајцата исчезнале во морето. Хрватот беше пронајден истиот ден вечерта, а за Словенецот се трагаше цели 26 часа. Во потрагата учествуваа спасувачки тимови од Хрватска, Словениј и Италија. Покрај луѓе, беа вклучени и хеликоптери и авиони.

Сурфер пронајден жив кај Трст по 24 часа поминати во морето

Ивона Петрова — Tue, 30 Oct 2018 21:25:27 +0000

Во водите на Јадран, кај Трст, Италија, попладнево е најден четириесет и седум годишниот словенечки сурфер кој исчезна вчера околу 17 часот, недалеку од Умаг. Пронајден е жив, а во морето поминал повеќе од 24 часа. Полицијата во Риека добила информација од италијанските колеги во 18:20 часот дека сурферот е пронајден жив и здрав и дека се наоѓа во една болница во Трст каде што е примен поради дополнителни прегледи пренесува Индекс.хр. ХРТ во својот Дневник пренесе дека сурферот и се јавил на сопругата која се упатила кон Трст. И покрај предупредувањата за невремето, вчера попладне двајца сурфери сурфале на морето недалеку од Умаг, Хрватска, и исчезнале. Едниот од нив успешно доплива до брегот уште вчера. А потрагата по другиот продолжи и изутринава бидејќи временските услови не го дозволуваа тоа вчера. Вчера се спаси хравтскиот државјанин, а попладнево беше најден Словенецот.