сури круз – Kurir.mk

Сама ја чува ќерката која ја доби со Том Круз: Еве како денес изгледа прекрасната Кејти Холмс (ФОТО)

Ивана Ефремовски — Thu, 13 Apr 2023 15:42:28 +0000

Актерката Кејти Холмс проговори за својата ќерка Сури во ретко интервју за магазинот Glamour. Кејти има дете со Том Круз, а по нејзиното раѓање тие беа постојано под лупа на медиумите. Сури е родена во 2006 година, а Холмс веќе беше светски позната по улогата во серијата Dawson's Creek, во која глумеше до 2003 година. „Кога го правевме Досон Крик и беше толку успешен, се сеќавам дека сакав да пораснам како актерка. Сакав да учам од другите луѓе“, рече Кејти. Таа се омажила за Круз во 2006 година. Тогаш тој беше голема ѕвезда, пред сѐ поради Топ Ган. Медиумите ја прогонуваа Кејти во текот на нејзиниот брак со актерот, кој траеше до 2012 година. Фотографии од нивната ќерка се објавуваа речиси секојдневно. Актерката, која сега е самохрана мајка, вели дека сакала да го заштити своето дете, па направила мала пауза од кариерата. До 2011 година играла само епизодни улоги и се појавувала во серии како „Како ја запознав мајка ти“. Но, во текот на своето растење, Сури беше на удар на папараците. "Таа беше толку млада и толку многу во медиумите. Ми беше важно да ја заштитам. Многу сум благодарна што сум нејзина мајка. Таа е неверојатна личност", рекла Кејти. Сури сега има 16 години и работи со нејзината мајка на филмови. Нејзиниот глас може да се слушне на саундтракот за филмот „Ретки предмети“, во режија на Кејти. "Се надевам дека таа секогаш ќе прави нешто на моите филмови. Секогаш ја прашувам. Тоа многу ми значи", вели Кејти.

Ќерката на Том Круз наполни 13 години, а тој сè уште не сака да ја види (ФОТО)

Ивана Ефремовски — Tue, 23 Apr 2019 14:49:23 +0000

Сури Круз е ќерка на популарните глумци Том Круз и Кејти Холмс, а пред неколку дена наполнила 13 години. Прославата поминала без појавување на нејзиниот татко Том, кој веќе шест години одбива да ја види и има било каков контакт со неа. Сури беше фотографирана со пријателките како излегува од ресторан во Њујорк во кој го славела роденденот. Таа и нејзиниот татко заедно ги поминале годините само додека била мала, после што ја напуштил објаснувајќи дека неговата вера во саентологија не му го дозволува тоа. Сури расте без својот татко, кој не го видела последните шест години. И покрај тоа што во животот ѝ недостига фигурата татко, Сури е весело девојче кое е опкружено со љубов од остатокот од семејството. Том Круз е инаку еден од најголемите следбеници на оваа вера, која многумина ја нарекуваат култ. Тој во повеќе наврати истакнал дека саентолошкото учење во животот многу му помогнало и дека е горд на таа религија. Во целата таа приказна го воведе неговата прва сопруга Мими Роџерс, а поради таа религија му пропадна бракот со Кејти Холмс. Неговата опседнатост со оваа религија многумина ја сметаат за чудна, а глумецот ретко се огласува за својот приватен живот, така што сè уште не е познато дали тешко го поднесува фактот што не комуницира со ќерката.

Тој е меѓу најпосакуваните актери, но лош татко: Том Круз со години одбива да си ја види ќерката

Ивана Ефремовски — Fri, 02 Mar 2018 21:05:32 +0000

Иако Холмс и Круз по разводот никогаш јавно не проговориле за причината за нивната разделба, секогаш се шпекулирало дека главниот виновник за тоа била неговата опседнатост со скиентологијата. 11-годишната Сури Круз јавноста ја гледа во друштво на нејзината мајка, актерката Кејти Холмс, а странските медиуми тврдат дека нејзиниот татко – Том Круз, не ја видел веќе неколку години. Кога кон крајот на август 2012 година беше конечно завршена бракоразводната парница помеѓу Том и Кејти, нивната тогаш шестгодишна ќерка Сури ѝ припадна на Холмс. Но сепак, главниот актер не добил забрана за гледање на својата ќерка. Но, како што стојат работите, очигледно Круз самоиницијативно одлучил дека нема време за своето единствено биолошко дете. Само за потсетување, со поранешната сопруга Никол Кидман има две посвоени деца, 25-годишната Изабела и две години помладиот син Конор. Иако Холмс и Круз по разводот никогаш јавно не проговориле за причината за нивната разделба, секогаш се шпекулирало дека главниот виновник за тоа била неговата опседнатост со скиентологијата, а кога контроверзната заедница сакала да ја вклучи и неговата ќерка Сури, Кејти презела сè за да ја спаси. Кога станува збор за приватниот живот, Круз само кратко одговорил на неодамнешното прашање дали смета дека малата Сури ќе биде актерка кога ќе порасне. “Никогаш не знаете” – прокоментирал 55-годишниот актер кој се смета за еден од најистакнатите членови на скиентолошката заедница. Познатиот татко се оддалечил од својата ќерка, а гласините велат дека тие понекогаш се слушаат на телефон. Некои сметаат дека Том се оддалечил од Сури кога неговата поранешна сопруга започна тајна врска со актерот Џејми Фокс.