сурогат мајка – Kurir.mk

Русија воведува закон со кој се забранува сурогат мајчинство за странци

Ивона Петрова — Sun, 27 Nov 2022 10:17:04 +0000

Русија наскоро ќе усвои закон со кој на странците им се забранува да користат руски сурогат мајки, изјави претседателот на Думата, Вјачеслав Володин. Платеното сурогат мајчинство е легално во Русија, но во верската заедница е критикувано како комерцијализација на раѓањето деца, јави Танјуг. -Мора да се направи се за да се заштитат децата. На странците мора да им се забрани да користат услуги за сурогат мајчинство. Оваа одлука ќе ја донесеме на почетокот на декември, рече Володин. Тој истакна дека во последните неколку години околу 45.000 бебиња родени од руски сурогат мајки биле однесени во странство. По првата парламентарна расправа во мај, руските пратеници речиси едногласно го усвоија законот, а доколку биде усвоен во последната трета парламентарна расправа, предлогот ќе биде испратен до Горниот дом на Парламентот, а потоа до претседателот Владимир Путин на конечен потпис.

Има 3 свои деца, но родила уште 5 за други семејства: Херојска приказна за сурогат мајчинството (ФОТО)

Ивана Ефремовски — Fri, 29 Jun 2018 06:34:01 +0000

50-годишната Диди Пери од Далас започнала со сурогат мајчинството пред осум години, 16 години откако го родила последното од своите три деца. Таа била сурогат мајка на парови кои имале проблеми со постигнување и одржување на бременоста, а на свет донела пет деца, од кое последното го родила кратко пред својот 50-ти роденден. Пери вели дека средбата на родителите со своето дете не може да се опише со зборови. -Тешко е да се опишат тие емотивни моменти. Тешко ми е да опишам како се чувствував додека ги гледав како за прв пат го земаат своето дете во раце, го гледаат и плачат од среќа. Беше неверојатно, раскажала Диди. Таа вели дека главната мотивација ѝ била да им помогне на паровите кои силно посакувале да имаат дете, но признава и дека уживала во бременоста. Кога го чувствувала мрдањето на живо суштество во себе, таа се чувствувала здраво и на шега изјавила дека е зависна од бременост. Диди никогаш немала проблем да се одвои од тие деца откако ги раѓала бидејќи била свесна од самиот почеток дека тоа не се нејзини деца. Иако многу жени се согласуваат да бидат сурогат мајки поради пари, Диди тврди на парите гледала како дополнителен бонус. Многу парови бараат млади жени кои би го носеле нивното дете, но имало и такви на кои не им сметале годините на Диди. "На почетокот планирав да носам дете на едно семејство, но по тоа искуство на чисто задоволство, едноставно знаев дека морам да го повторам тоа. Благодарна сум што пронајдов парови на кои не им смета тоа што сум постара од 40 години. Никогаш не го правев тоа за пари, навистина сакав да им помогнам на тие луѓе", изјавила Пери. 50-годишната жена сега работи во агенцијата "Surrogate Solutions" како координатор - ги спојува идните сурогат мајки со паровите кои сакаат да добијат дете. Нејзината најмлада ќерка Шајна има 23 години и размислува за тоа да тргне по стапките на својата мајка, а Диди е горда на неа: "Прекрасно е тоа што имав прилика да ја поттикнам да прави хумани работи", заклучила таа.

Му роди дете на својот син: Стана мета на остри осуди, но кога ќе ја дознаете причината ќе ја сфатите нејзината пожртвуваност

Ивана Ефремовски — Tue, 13 Mar 2018 08:30:51 +0000

29-годишната Кајла Џонс од Арканзас очајно посакувала дете со својот сопруг Коди. Од 2012-та година кога се венчале се обидувале да го прошират семејството на сите можни начини, но плачот на бебе никако да се слушнал во нивниот дом. Имено, Кајла имала тумор и морала да оди на делумна хистеректомија кога имала 17 години. Лекарите делумно и ги зачувале јајниците, но и ја отстраниле матката, па бременоста била неизводлива. Соочена со фактот дека нема да може по природен пат да роди дете таа и нејзиниот сопруг одлучиле да најдат сурогат мајка која би го родила нивното биолошко дете. За оваа двојка тоа било единствено решение. Потрагата по жена која би ја понела бременоста била безуспешна, се додека мајката на Коди, Пети Ресекер, не одлучила на својот син и снаата да им ја исполни желбата. Иако поминале 20 години, Пери одлучила повторно да се впушти во „авантурата“ бременост во доцни години. -Веќе 10 години знам дека единствена шанса да имам дете е сурогат мајка. Драго ми е што тоа е некој на кој можам да му верувам, рече Кајла. Бременоста во случајот на Пети која наполнила 49 години била високоризична, но поминала во најдобар ред. Кон крајот на 2017-та година на свет дојде малиот Крос Ален Џонс кого всушност го роди неговата баба.

Судбината безмилосно си поигра: Беше сурогат-мајка за нејзина другарка, но голема трагедија на сите им ги згорчи животите (ФОТО)

Ивана Ефремовски — Wed, 24 Jan 2018 12:22:30 +0000

Кога се понудила да биде сурогат мајка на својата најдобра пријателка, сигурно не помислила дека таа нема ни да доживее да го види бебето. Џес Бруки одлучи да биде сурогат мајка на својата долгогодишна пријателка Бек Арни која поради цистична фиброза имала проблеми со плодноста. Била многу среќна што на Бек и нејзиниот сопруг Герет може да им ја исполни најголемата желба да станат родители. Но за жал, оваа приказна има трагичен крај. Идната мајка Бек починала во септември и не успеа да го запознае својот син кој го роди за неа другарката која и беше сурогат мајка. Оваа трагична смрт потполно ги скрши сите, а особено сопругот Герет кој сега сам треба да се грижи за ова дете. Тие имале план кога бебето ќе се роди, Бек да ја напушти работата и да се грижи за него, а сопругот да заработува. Сега тоа не е можно бидејќи Герет нема кој да му помогне во чувањето на бебето и мораше да даде отказ. На овој самохран татко сега му помагаат сограѓаните со лични донации.