сут – Kurir.mk

СУТ ја поддржува радикализацијата на синдикалните активности на гранските синдикати при КСС

Ивана Ефремовски — Wed, 20 Apr 2022 13:59:11 +0000

Синдикатот за угостителство и туризам на Македонија дава безрезервна поддршка на претстојните протести на гранските синдикати при Конфедерацијата на слободни синдикати на Македонија коишто ќе започнат од 26 април (вторник). „Доследното почитување на законите и колективните договори е предуслов за здрав социјален дијалог, кој за жал во Македонија е на многу ниско ниво од причини кои и за нас како синдикат се несфатливи. Токму поради нискиот степен на социјален дијалог, нашите братски синдикати се решија своите права да ги посочат преку јавни протести. Сметаме дека Владата треба да ги исполни барањата на синдикатите и да го зголеми бодот на вработените во јавната администрација. Револтот станува се поголем од ден на ден и тоа не само кај вработените во јавниот, туку и приватниот сектор“ - велат од СУТ.

СУТ со потполна поддршка на генералниот штрајк на СОНК

Ивона Петрова — Thu, 07 Apr 2022 08:00:09 +0000

Синдикатот за угостителство и туризам на Македонија – СУТ дава целосна и недвосмислена поддршка на генералниот штрајк на СОНК. -Штрајкот е легитимно синдикално средство коешто секој синдикат има право да го искористи доколку има потреба за тоа. Нашите колеги од СОНК и нивното членство се крајно револтирани од немањето на слух од страна на државата, па оттаму имаат целосно право да го искористат ова средство за постигнување на целта кое е пропишано во Законот за работни односи. Им порачуваме на вработените во основно, средно образование и градинките да не подлегнуваат на притисоците и да бидат истрајни во остварувањето на нивните барања, за кои имаат наша потполна поддршка, велт од СУТ. Наставно – воспитниот кадар игра клучна улога за тоа какви луѓе ќе бидат нашите деца кога ќе пораснат, па поради тоа заслужуваат да им бидат почитувани правата од работен однос. Сегашната ситуација со порамнувањето на платите се повеќе предизвикува незадоволство кај нив, што никако не е добро за нашето општество. Од СУТ апелираат до родителите да бидат трпеливи и солидарни со вработените коишто ќе штрајкуваат. -Со тоа што Владата не ги исполнува барањата, за коишто е законски обврзана тоа да го направи, на работодавачите од приватниот сектор им дава повод и тие да ги прекршуваат работничките права, се наведува во соопштението.

Поддршка на СУТ за протестот на гранските синдикати при КСС

Ивана Ефремовски — Fri, 25 Mar 2022 14:30:03 +0000

Синдикатот за угостителство и туризам дава целосна поддршка на братските синдикати при Конфедерацијата на слободни синдикати на Македонија - КСС кој својот револт ќе го искажат на протест на 30 март. Нивното соопштение го пренесуваме во продолжение: Правата на вработените не се подарок, за да некој им ги подари, туку се заслужени и следуваат согласно законите, колективните договори и конвенциите на Меѓународната организација на трудот коишто Македонија ги има ратификувано. Како Конфедерација, но и како синдикат, го поддржавме зголемувањето на минималната плата на 18,000 денари. За жал, проблемите на вработените не завршуваат тука, бидејќи потребно е останатите плати да се усогласат со растот на минималната плата. Доколку работници со различна сложеност на работните задачи земаат исти плати, мотивацијата за извршување на работните задачи значително ќе се намали, со што ќе се намали и нивната продуктивност, а земајќи ја во предвид јавната администрација, тоа може лошо да се одрази на самата држава и граѓаните. Решението на проблемот е многу лесно и тоа се состои само од зголемување на бодот од страна на Владата. Затоа потребно е да се исполнат барањата на нашите братски синдикати, со кои ние се солидализираме и безрезервно ги поддржуваме.